| e-texts navigator |
| Wylie |
231b1 ཀྱང་སྙིང་པོ་འདི་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ོ~ཾ་ཧྲཱིཿཏྲཻ་ལོ་ཀྱ་བི་ཛ་ཡ་ཨ་མོ་གྷ་པཱ་ཤ་ཨ་པྲ་ཏི་ཧ་ཏ་ཧྲཱིཿཧ་ཧཱུ~ཾ་ཕཊ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས
231b2 ཐལ་མོ་སྦྱར་ནས་བཞུགས། །ཤར་ལྷོའི་ཕྱོགས་ཀྱི་ཞིང་ཁམས་མཆོག་།གྲངས་མེད་བདུན་གྱི་མཐའ་ཉིད་ཀྱི། །ཞིང་ཁམས་བདུད་རྩི་བརྩེགས་པ་ན། །སངས་རྒྱས་སྨན་གྱི་འབྱུང་གནས་བཞུགས། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ
231b3 སྤྱན་རས་གཟིགས་དབང་ནི། །རྗེ་བཙུན་ཧ་ལ་ཧ་ལ་ཆེ། །པུ་ཤ་ར་ཀའི་རི་བོ་འདྲ། །བྱང་ཆུབ་སེམས་མཆོག་བྱེ་བ་ཕྲག་།བཅུ་དང་ལྷན་ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ
231b4 བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །པུ་ཤ་ར་ཀའི་མེ་ཏོག་ནི། །རྒྱ་ཆེ་དུ་མ་འཐོར་བར་བྱེད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ
231b5 པར་གཡོས་པར་འགྱུར། །འགྲོ་བའི་ཕྲག་དོག་དུག་སྡོང་སྤྲུལ། །བསམ་གཏན་བདུད་རྩིའི་རྒྱ་མཚོ་རླབས། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ོ~ཾ་ཧ་ལ་ཧ་ལ་ཧྲཱི་པདྨ་གརྦྷ་ཧཱུ~ཾ་ཕཊ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ
231b6 པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །ལྷོ་ནུབ་ཕྱོགས་ཀྱི་ཞིང་ཁམས་མཆོག་།གྲངས་མེད་བདུན་གྱི་མཐའ་ཉིད་ན། །ཞིང་ཁམས་པདྨས་བརྒྱན་པ་ན། །སངས་རྒྱས་པདྨའི་སྙིང་པོ
231b7 བཞུགས། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །རྗེ་བཙུན་པདྨ་སྤྱན་གྱི་ལུང་། །ཟངས་མ་ཞུན་གྱི་རི་བོ་འདྲ། །བྱང་ཆུབ་སེམས་མཆོག་བྱེ་བ་ཕྲག་།བཅུ་དང་ལྷན་ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །
iiif viewer powered by OpenSeadragon
