| e-texts navigator |
| Wylie |
229b1 ཐར་ཡེ་ཤེས་མཐའ་ཡས་དཔལ་སྟེར་བ། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །དཔལ་ཕྲེང་མའི་གླུའོ། །ོ~ཾ་བསམ་པ་བཟང་པོ་གསེར་གྱི་ས་གཞི་ལ། །བྱང་ཆུབ་ཕྱོགས་ཆོས་དཔག་བསམ་ཤིང་ཆེན་འཁྲུངས། །ཡེ་ཤེས་ཐུགས་རྗེ་རྒྱུན་ཆུ་རླན་མཛད་པའི། །
229b2 མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ཡིད་བཟང་མའི་གླུའོ། །སྒྲ་སྒྲོགས་འཁོར་བཅས་འདར་གྱུར་ཏེ། །རླུང་གིས་བཏབ་པའི་རྩཝ་དང་མཚུངས། །ཐལ་མོ་སྤྱི་བོར་སྦྱར་ནས་སུ། །ཆེད་དུ་བརྗོད་པས་འདི་གསོལ་ཏོ། །ོ~ཾ་མགོན་པོ་རང་བྱུང་བཅོམ་ལྡན་འདས། །
229b3 གཙོ་བོ་རབ་ཏུ་ཆེ་བའི་ལྷ། །བསོད་ནམས་དུ་མས་སྐྱེད་པའི་སྐུ། །ཡེ་ཤེས་མཐའ་ཡས་ཐུགས་མངའ་བ། །བློ་ལྡན་སྲིད་མཐར་མཛད་པ་པོ། །ཚུལ་ལྡན་ཚུལ་ཁྲིམས་ལ་སྦྱོར་མཛད། །གཙང་ལྡན་བྲམ་ཟེ་ཚངས་པ་ཆེ། །མཛད་སྤྱོད་མཁའ་མཉམ་སྤྱོད་ཕྱག་འཚལ། །
229b4 དེ་ནས་བཅོམ་ལྡན་ཐུབ་པ་ཆེ། །འཁོར་ལ་ལེགས་སོ་ལེགས་སོ་ཞེས། །ོ~ཾ་ཨཱཿཧྲཱིཿཧཱུ~ཾ་སྭཱ་ཧཱ་བཅས། །ཡང་ཡང་བརྗོད་པས་བྱིན་གྱིས་བརླབས། །ལྕགས་ཀྱུ་ཅན་གྱིས་ཉ་ར་ནས། །ཀླུ་ཕྱུགས་འབུམ་ཕྲག་འདྲེན་པ་ལྟར། །དགེ་སྦྱོང་ཀུན་སློང་དཀར་པོས་ནི། །བྱང་ཆུབ
229b5 རིན་ཆེན་གླིང་འཇོག་མཛད། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་ཐུབ་པ་ཆེ། །མགོན་པོ་ཡང་དག་རྫོགས་སངས་རྒྱས། །སྣ་ཚོགས་སྣང་བ་ཞེས་བྱ
229b6 བའི། །ཏིང་ངེ་འཛིན་ལ་སྙོམས་བཞུགས་ནས། །ཡན་ལག་ཆ་ཤས་ཐམས་ཅད་ལས། །འོད་ཟེར་སྣ་ལྔ་བྱེ་བ་ཕྲག་།དྲུག་ཅུ་དྲུག་ཅུའི་མཐའ་གཞལ་བ། །གྲངས་མེད་དག་ནི་བཀྱེ་བར་མཛད། །ཞིང་ཁམས་གྲངས་མེད་བདུན་གྱི་མཐའ། །ཕྱོགས་བཅུ་མ་ལུས་ཐམས་ཅད་དུ། །
229b7 འོད་ཀྱིས་གང་ནས་འོད་དེ་ལས། །སྙན་པའི་ཚིགས་བཅད་འདི་སྣང་ངོ་། །སངས་རྒྱས་དང་ནི་ཆོས་ལ་བརྙས་པ་སྤང་། །ལེ་ལོ་ཆེ་དང་སྤྱོད་པ་ཆོག་འཛིན་སྤང་། །འགྱོད་དང་ཆོས་ལ་མ་ངེས་འབྱེད་པ་སྤང་། །ང་རྒྱལ་ཆེ་དང་འདོད་ཆགས་སྤྱོད་པ་སྤང་། །འགྲོ་རྣམས་མེད་ན་བྱང་ཆུབ་ལམ་མེད
iiif viewer powered by OpenSeadragon
