| e-texts navigator |
| Wylie |
228b1 ཚོར་སྐྱེ་རྒ་ཤི་སྡུག་བསྔལ། །གསལ་བྱེད་དག་པ་གཉིས་ཀྱིས་དག་།ཕྱག་ན་རྡོ་རྗེས་འབྲས་དོན་ལ། །ཆེད་དུ་བརྗོད་པ་འདི་བརྗོད་དོ། །ེ་མ་ཟབ་ཅིང་རྒྱ་ཆེ་བ། །སྔགས་མཐུ་བླ་ན་མེད་པ་ནི། །སངས་རྒྱས་མུ་སྟེགས་ཀྱིས་མི་ཤེས། །ཤེས་པ་ཉིད་ཀྱང་རྫས་མེད་ལ། །
228b2 ཤེས་བྱ་རྫས་སུ་ག་ལ་ཡོད། །ཤེས་པ་ཡུལ་གྱི་རྣམ་པར་ནི། །རྟོག་པའི་གཟུང་འཛིན་གྱིས་བསྒོས་པ། །དེ་ཟད་ནས་ནི་གྲོལ་བར་འགྱུར། །དེ་ནས་རིག་པའི་ལྷ་མོའི་ཚོགས། །སྤོས་དང་མེ་ཏོག་འཐོར་བྱེད་ཅིང་། །སྙན་པའི་སྔགས་ཀྱི་གླུ་ཡིས་ནི། །མགོན་པོ
228b3 སྤྱན་རས་གཟིགས་ལ་བསྟོད། །ོ~ཾ་བཅོམ་ལྡན་མགོན་པོ་ཐུགས་རྗེ་སྤྱན་རས་གཟིགས། །ཞལ་གྲངས་མདོག་དབྱིབས་དུ་མ་ཅིར་ཡང་སྣང་། །སྟོང་དང་བརྒྱ་དང་བཅུ་གཅིག་དྲུག་དང་གཅིག་།བྱམས་པའི་ཞལ་བཟང་མངའ་བའི་མགོན་ལ་འདུད། །སྤྱན་མའིའོ། །ོ~ཾ
228b4 རབ་དགྱེས་ཞལ་མདོག་དུ་མ་ཅིར་ཡང་འགྱུར། །ལ་ལ་བྱམས་པ་སྙིང་རྗེ་དགའ་བའི་ཞལ། །ལ་ལ་འདོད་རྨོངས་སེར་སྣ་ཆེན་པོའི་ཞལ། །ཁྲོ་སྡང་གཏུམ་ཆགས་ལྟ་ལྡན་ཕྱག་འཚལ་ལོ། །མཱ་མ་ཀཱིའིའོ། །ོ~ཾ་ཕྱོགས་བཅུའི་སངས་རྒྱས་དབང་བསྐུར་རྫོགས་པའི་ཞལ། །
228b5 བསྟན་པ་མེད་པའི་མཆོད་སྦྱིན་རྒྱལ་པོའི་ཕྱག་།མཛད་པ་གྲངས་མེད་ཆུབ་པའི་ཕྱག་རྒྱར་ལྡན། །གདན་གཉིས་ཞབས་གཉིས་གཤེགས་ལ་ཕྱག་འཚལ་ལོ། །ན་བཟའ་དཀར་མོའིའོ། ཨོ~ཾ་མཛད་པ་ཐུགས་རྗེའི་དབྱིངས་ལ་ཐུག་མེད་ཀྱང་། །རྩོམ་པ་རྒྱ་མཚོ་རྒྱུན་མི་ཆད
228b6 མཛད་པས། །ཞིང་རྣམས་རྒྱ་མཚོ་རྣམ་པར་སྤྱོད་པ་ཡི། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །སྒྲོལ་མའིའོ། །ོ~ཾ་ཉི་མ་གཟི་ལྡན་འོད་ཟེར་འགྱེད་པ་ལྟར། །འཇུག་དགོངས་མི་མངའ་ཀུན་རྟོག་མུན་བྲལ་ཡང་། །བསྐལ་པ་རྒྱ་མཚོར་ཁྱད་པར་དོན་གསལ་བའི། །
228b7 མགོན་པོ་སྤྱན་རས་གཟིགས་ལ་ཕྱག་འཚལ་ལོ། །འོད་ཟེར་ཅན་མའིའོ། །ོ~ཾ་སེམས་ཀྱི་རྒྱུད་འགགས་མྱ་ངན་འདས་པའི་ཚེ། །འདོད་ཆགས་བྱུང་མ་ཐག་ཏུ་ཡལ་བ་སྟེ། །ཉོན་མོངས་རྩ་བ་བཅད་ནས་ཕ་མཐའ་མེད། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །དབྱངས
iiif viewer powered by OpenSeadragon
