| e-texts navigator |
| Wylie |
228a1 ཕན་བསྐྱེད་པ་ལ། །འཇའ་ཚོན་བཞིན་དུ་སྣང་མོད་ཀྱང་། །ཚིག་གིས་བརྗོད་པའི་སྤྲུལ་ཙམ་སྟེ། །ཡེ་ཤེས་སྐུ་ལ་དབྱེ་བ་མེད། །སྒྲིབ་པ་རྣམ་སེལ་ལས་ལ་ནི། །ཆེད་དུ་བརྗོད་པ་འདི་ལྟར་བརྗོད། །ེ་མ་དངོས་པོ་ངོ་བོ་ཉིད། །མ་བྱུང་མ་སྐྱེས་མ
228a2 འགགས་པ། །སྐྱེ་འགག་ལྟ་བུའི་ཆོ་འཕྲུལ་ནི། །སྐུ་དེས་ཕྱག་རྒྱ་སྔགས་སུ་སྣང་། །ཡོན་ཏན་ཆུ་ཡི་རླབས་བཞིན་དུ། །སྐྱེ་བའི་ངོ་ལ་གསལ་བར་བྱེད། །ནན་ཏན་གྱིས་ནི་དེ་ཉིད་ཀྱང་། །རྒྱུ་བ་མེད་ཅིང་ཁོང་དུ་ཆུད། །བྱང་ཆུབ་སེམས་དཔའ་ས་སྙིང་གིས། །རྒྱུ་ལ་ཆེད
228a3 དུ་འདི་བརྗོད་དོ། །ེ་མ་རང་བཞིན་རྣམ་དག་ལ། །ཐོག་མེད་བློ་ཡི་མུན་པའི་དབྱིངས། །རྣམ་རྟོག་བག་ཆགས་ཀྱིས་དཀྲུགས་ནས། །བློ་བུར་དཀར་ནག་ལས་སུ་སྣང་། །དཀར་པོ་སངས་རྒྱས་ཆོས་དགེ་འདུན། །དེ་ལ་སྒྲོ་བཏགས་བྱང་ཆུབ་སེམས། །དེ་ལས་བྱུང་བའི་ཕྲིན
228a4 ལས་ཀྱིས། །ཉོན་མོངས་ལས་ཀྱི་སྒྲིབ་པ་སྦྱོང་། །མགོན་པོ་བྱམས་པས་སྔགས་སྒྲུབ་ཀྱི། །ལམ་ལ་ཆེད་དུ་འདི་ལྟར་བརྗོད། །ེ་མ་གདོད་ནས་གྲོལ་ཞིའི་སེམས། །ཆུ་ལྟར་དང་བར་སྣང་མོད་ཀྱང་། །སྣ་ཚོགས་འགྲོ་བའི་གཟུགས་བྱུང་བས། །མུན་པ་ཐིབས་པོས་རྣམ་པར
228a5 བསྒྱུར། །དེ་ཉིད་སེམས་ཀྱི་སྣང་བའི་ཕྱིར། །འབད་རྩོལ་མེད་པའི་སེམས་ཀྱིས་གྲོལ། །རྩོལ་བ་སེམས་ཀྱི་དྲི་མས་ནི། །དྲི་མ་མེད་པའི་སེམས་འཆིང་འགྱུར། །ནམ་མཁའི་སྙིང་པོས་སྔགས་མིང་ལ། །ཆེད་དུ་འདི་ལྟར་བརྗོད་པར་མཛད། །ེ་མ་སྟོང་པ་མཚན་མ་བྲལ། །ཁ
228a6 དོག་དབྱིབས་བྲལ་ཆོས་ཉིད་དག་། དགའ་བའི་སེམས་ཆེན་གསལ་བྱེད་པ། །ཤེས་རབ་ཆེན་པོའི་ཡི་གེ་མིན། །མཚན་དཔེ་ཡེ་ཤེས་བདེ་ལྡན་སྐུ། །གང་གང་དོན་དུ་དེ་སྣང་བ། །སྙིང་རྗེ་ཆེན་པོའི་རིང་ཤུགས་ཀྱིས། །འབྱུང་འགྱུར་ཡི་གེ་ཏ་ཡི་དོན། །བྱང་ཆུབ་སེམས་དཔའ་པད
228a7 མོས་ནི། །གནས་ལམ་འདི་ལྟར་ཆེད་དུ་བརྗོད། །ེ་མ་རྒྱུ་རྐྱེན་ནམ་མཁའ་ལ། །ཉི་ཟླ་སྐར་རྒྱུན་འཁོར་བ་ཡིས། །གསལ་ནས་ཉིན་མཚན་བྱེ་བྲག་བརྗོད། །ཉོན་མོངས་མ་རིག་སྲེད་ལེན་གྱིས། །འདུ་བྱེད་སྲིད་པའི་ལས་བསྐུལ་ཏེ། །རྣམ་ཤེས་མིང་གཟུགས་སྐྱེ་མཆེད་དྲུག་།རེག
iiif viewer powered by OpenSeadragon
