| e-texts navigator |
| Wylie |
227b1 ལྡན་ཁྲེལ་ཡོད་ངོ་ཚ་ཤེས། །བློ་བཟང་བརྩོན་ལྡན་སྙིང་རྗེ་ཆེ། །མདོག་དཀར་ངང་བཟང་གསོང་པོར་སྨྲ། །སེམས་འཇམ་ལུས་ངག་དལ་བར་སྤྱོད། །བླ་མ་ལ་གུས་བརྟུལ་ཞུགས་ཆེ། །སྲེད་པ་ཆུང་ཞིང་སྦྱིན་ལ་དགའ། །སངས་རྒྱས་གུས་ཤིང་སེམས་བཅས་པས། །ཉིན་མཚན
227b2 རྒྱུན་དུ་རིག་སྔགས་འདོན། །བཅུ་བཞི་འམ་ནི་བཅོ་ལྔ་དང་། །ཁྱད་པར་དུ་ནི་ཚེས་བརྒྱད་ལ། །གསོ་སྦྱོང་སྐུ་ཡི་མདུན་དུ་བླང་། །སྐྱོན་མེད་ཙནྡན་དཀར་སོགས་ཤིང་། །རིགས་བཟང་ལས་བྱས་སྐུ་གཟུགས་སམ། །ཡང་ན་ས་རྡོ་རིན་ཆེན་སོགས། །བཟང་ལས་བདེ་བར་གཤེགས
227b3 གཟུགས་བྱ། །ཡང་ན་རིས་སུ་བྲིས་ཀྱང་རུང་། །སྐུ་གཅིག་པོ་འམ་ལྷ་ཚོགས་ཀྱི། །དཀྱིལ་འཁོར་རྒྱས་པར་བྱས་པ་ལ། །མངོན་སུམ་བཞིན་དུ་དམིགས་བྱས་ན། །མྱུར་དུ་མངོན་སུམ་མཐོང་བར་འགྱུར། །ཡོན་ཏན་ཀུན་གྱིས་བརྒྱན་པ་ཡི། །བུམ་པ་ཆུ་དང་བཅས་པ
227b4 ལ། །སྔགས་བརྗོད་པས་ནི་འདོད་དོན་ཀུན། །འགྲུབ་འགྱུར་ཐེ་ཚོམ་མི་བྱའོ། །ནད་དང་འཕྲོད་པའི་སྨན་རྣམས་ལ། །སྔགས་བཟླས་བཟའ་འམ་བྱུགས་པས་སམ། །བདུགས་པ་ཙམ་ཡང་གནོད་པ་སེལ། །སྲད་བུ་འམ་ནི་གོས་དག་དང་། །ཕྱག་རྒྱས་གདགས་ཀྱང་དེ་བཞིན
227b5 ནོ། །འདོད་པ་གང་དང་གང་ལ་ཡང་། །མེ་ཡི་ལས་ཀྱི་སྦྱོར་བ་བྱ། །གསང་སྔགས་འདོད་འཛིན་ཡིད་བྱེད་པ། །བདག་ཀྱང་རྗེས་སུ་འཇུག་པར་བྱ། །དེ་སྐད་གསུངས་པའི་དེ་མ་ཐག་།བྱང་ཆུབ་སེམས་དཔའ་འཇམ་དབྱངས་ཀྱིས། །སྔགས་ཀྱི་ངོ་བོ་ཉིད་ལ་ནི། །ཆེད་དུ་བརྗོད
227b6 པ་འདི་བརྗོད་དོ། །ེ་མ་རང་བཞིན་མེད་པའི་ཆོས། །སྣ་ཚོགས་གཟུགས་སུ་སྣང་བ་ལ། །བརྗོད་རྟོག་བྲལ་བའི་སྐད་ཅིག་ནི། །ཞི་བའི་ཆེ་བ་ཉིད་ཡིན་ནོ། །སྲིད་པ་དངོས་པོ་མེད་པ་ལ། །དམིགས་པར་བྱེད་པ་བསྒོམ་པའོ། །དམིགས་པ་མཐར་ཐུག་མེད་མཐོང་བ། །དེ
227b7 ནི་བསྒོམ་པའི་འབྲས་བུའོ། །ཀུན་ཏུ་བཟང་པོས་གསང་སྔགས་ཀྱི། །དོན་ལ་ཆེད་དུ་འདི་ལྟར་བརྗོད། །ེ་མ་སྐུ་གསུམ་ཐ་དད་པར། །ལུས་ངག་ཡིད་ཀྱི་དོན་ལས་བྱུང་། །དོན་གཅིག་པ་ཡི་རྣལ་འབྱོར་གྱིས། །སྐུ་གཅིག་ཏུ་ནི་ངེས་པར་གཟུང་། །གང་ལ་གང
iiif viewer powered by OpenSeadragon
