| e-texts navigator |
| Wylie |
227a1 གླིང་དང་ཁང་ཁྱིམ་འདི་ཉིད་ཡིན། །ཉེ་རིང་ས་ཕྱོགས་ཅི་སྲིད་པར། །མཚམས་བཅད་ནས་ནི་རིག་སྔགས་དང་། །འབྱུང་པོ་རྣམས་ཀྱིས་འཚེ་བ་མེད། །གང་གིས་སངས་རྒྱས་ཕྱག་འཚལ་མཆོད། །སྐྱབས་སུ་འགྲོ་ཞིང་སྡིག་པ་བཤགས། །མངོན་པར་དགའ་ཞིང
227a2 གཟུངས་སྔགས་འདིས། །ཉི་ཤུ་རྩ་གཅིག་བརྗོད་པ་ལ། །ཕྱོགས་བཅུའི་སངས་རྒྱས་མ་ལུས་པ། །མཚུངས་པར་ཡི་རང་ལེགས་པར་སྦྱིན། །རྩ་བ་བཞི་དང་མཚམས་མེད་ལྔ། །མ་ལུས་སྡིག་ཀུན་བྱང་བར་འགྱུར། །གནོད་སྦྱིན་སྲིན་པོ་སོགས་སྣང་ཡང་། །བཟུང་ནས་བྱམས
227a3 པ་སྙིང་རྗེའི་སེམས། །དང་པོ་བསྐྱེད་ནས་བླ་མེད་ཀྱི། །བྱང་ཆུབ་སེམས་མཆོག་ས་ལ་དགོད། །གང་གཱ་ཀླུང་བརྒྱའི་སངས་རྒྱས་ཀྱི། །མཚན་ནས་བརྗོད་ཅིང་བསྟོད་པ་བས། །རིགས་ཀྱི་བུ་འམ་བུ་མོ་གང་། །བདག་གི་མིང་བརྗོད་དྲན་བྱེད་ཅིང་། །རིག་སྔགས་རྒྱུན་དུ་བརྗོད་ན་དེ། །
227a4 མྱུར་དུ་མཆོག་དགའི་ས་འཐོབ་ཅིང་། །ལག་པའི་མཐིལ་ནས་མཐོང་བ་ལྟར། །བླ་མེད་བྱང་ཆུབ་མྱུར་དུ་འབྱུང་། །རྩེ་གཅིག་དྲན་པས་གུས་བྱས་ཏེ། །རྟག་ཏུ་ནང་པར་སྔར་ལངས་ནས། །ཆོས་བཞིན་དུ་ནི་དགེ་བགྱིས་ཏེ། །བརྒྱ་རྩ་བརྒྱད་དུ་གང་བརྗོད་པ། །ཚེ་འདིར་ཕན
227a5 ཡོན་བཅུ་ཐོབ་འགྱུར། །རྟག་པར་ལུས་ལ་ནད་མེད་དང་། །ལྷ་དང་སངས་རྒྱས་ཀུན་གྱིས་བསྲུང་། །ནོར་འབྲུ་རིན་ཆེན་གོས་རྙེད་དང་། །དགྲ་སྡང་དུལ་ཞིང་འཇིགས་མེད་དང་། །བཟའ་རྣམས་བཀུར་ཅིང་རིགས་བཙུན་ཐོབ། །དུག་དང་འདྲེ་གཤིན་གདོན་བྲལ་དང་། །ལུས་ལ་དྲི
227a6 ཞིམ་ཀུན་དགའ་དང་། །བསམ་ངན་མི་སྙན་རྗོད་བྱེད་དང་། །རིམས་ནད་བྲལ་ཞིང་དགང་སླ་དང་། །དུས་མིན་འཆི་བ་སངས་པར་འགྱུར། །གཞན་ཡང་ཡོན་ཏན་བཞི་ཐོབ་སྟེ། །འཆི་ཁར་སངས་རྒྱས་ཞལ་མཐོང་དང་། །མཁའ་ལ་འོད་འབྱུང་ལྷས་མཆོད་དང་། །ནམ་ཡང་ངན་འགྲོར
227a7 མི་འགྲོ་ཞིང་། །བདེ་བ་ཅན་ནམ་བདེ་འགྲོར་སྐྱེ། །རིག་སྔགས་འདི་དང་སངས་རྒྱས་ཀྱི། །ཡེ་ཤེས་སྙིང་པོ་འཛིན་པ་ལ། །བྱང་ཆུབ་སེམས་དང་སངས་རྒྱས་ཀྱི། །རྣམ་པར་ཐར་པའི་ཆོས་སྒོ་འཐོབ། །བསྐལ་པ་དུ་མར་དགེ་བསགས་དང་། །རིག་སྔགས་འདི་རྙེད་འགྱུར་བ་སྟེ། །དད
iiif viewer powered by OpenSeadragon
