| e-texts navigator |
| Wylie |
226b1 གླིང་དུ་སྐྱེས་པ་འགའ། །གཏན་ལ་འདུད་འཕེལ་བྱ་བའི་ཕྱིར། །མཚན་མོ་མུན་ནག་སྤྲིན་རུམ་དུ། །སྐད་ཅིག་གློག་འགྱུ་ཅི་ལྟ་བར། །རིག་སྔགས་འཆང་བ་གདོང་བཅུ་གཅིག་།ཡན་ལག་སྟོང་དང་ལྡན་པ་ལ། །སྤྱན་ནི་ཆིག་སྟོང་སུམ་ཅུ་པའི། །མཚན་དང
226b2 ལྡན་པའི་སྐུ་འབྱུང་འགྱུར། །དེ་ཚེ་སྐལ་ལྡན་ལ་ལ་ཞིག་།མཚན་ནས་བརྗོད་ཅིང་སྐུ་ལ་མོས། །རིག་སྔགས་ཟློས་པ་པོ་གང་ཞིག་།འཇིག་རྟེན་འདོད་པ་ཀུན་གྲུབ་ཅིང་། །ཕྱི་ནས་ཡེ་ཤེས་ཉིས་འགྱུར་རོ། །ལུང་བསྟན་དེ་སྐད་ཐོས་པའི་ཕྱིར། །སངས་རྒྱས་བྱེ
226b3 བ་ཕྲག་བཅུ་གཅིག་། གྲངས་སྙེད་ཞལ་ནས་གསུངས་པ་ཡི། །རིག་སྔགས་སྙིང་པོ་གདོང་བཅུ་གཅིག་།མཐུ་ཆེན་ཐོགས་པ་མེད་པ་སྟེ། །འགྲོ་ལ་སྨན་ཅིང་བདེ་བ་དང་། །ནད་ཀུན་སེལ་བྱེད་སྡིག་ཀུན་སྦྱོང་། །བཀྲ་ཤིས་མེད་པ་ཀུན་ཟློག་ཅིང་། །རྨི་ལམ་མཚན
226b4 མ་ངན་ཀུན་སེལ། །དུས་མིན་འཆི་དང་ངན་སེམས་ཟློག་།རྟག་ཏུ་དཔལ་དང་སེམས་བདེ་ཐོབ། །མྱ་ངན་སྡུག་བསྔལ་ངལ་བ་སེལ། །རྩོད་འཁྲུག་ཐམས་ཅད་ཞི་བ་དང་། །བདུད་དང་གདོན་བགེགས་ཞི་བར་འགྱུར། །འཇིག་རྟེན་སྨོན་པ་ཀུན་གྲུབ་ཅིང་། །བདུད་དང
226b5 བར་ཆད་མཚོན་ཆའི་ནད། །དབྱིག་པ་བརྡེག་དང་བཅིང་བ་དང་། །བཙོན་རར་བཅུག་དང་མཚོན་ཆས་བརྩལ། །གསོད་སར་ཁྲིད་དང་ཡན་ལག་བཅད། །མིག་འབྲུ་མཚོན་གྱིས་བཙབ་པ་དང་། །ཆུ་དང་མེ་དང་རླུངས་གཡོས། །དུག་དང་བྱད་སྟེམས་རོ་ལངས་དང་། །ཆོམ
226b6 རྐུན་མི་མ་ཡིན་རྣམས་གནོན། །རིག་སྔགས་འདི་ཡིས་བསྲུངས་པ་དང་། །ལེན་དང་འཛིན་དང་འདྲི་བ་དང་། །ཀློག་དང་ཁ་ཏོན་བཤད་སོགས་རྣམས། །བརྩོན་ལ་འཇིག་རྟེན་ལྷར་བཅས་དང་། །བདུད་དང་ཚངས་པ་དགེ་སྦྱོང་དང་། །བྲམ་ཟེར་བཅས་པས་གནོད་པ་མེད། །
226b7 སྔོན་གྱི་ལས་དྲག་ཡོད་པ་ཡང་། །བྱང་ཞིང་བསྲབས་ཏེ་མེད་པར་འགྱུར། །ངེས་པའི་དངོས་པོ་འདི་ལགས་པས། །རིག་ནས་མངོན་སུམ་ཡིད་ཆེས་པར། །རྣམ་པར་རྟོག་མེད་སེམས་ཀྱིས་བླང་། །དེ་སླད་སྐྱབས་དང་སྐྱོབ་པ་དང་། །སྲུང་དང་དབུགས་འབྱིན་དཔལ་མགོན་དང་། །
iiif viewer powered by OpenSeadragon
