| e-texts navigator |
| Wylie |
226a1 བའི། །ལུས་ཀྱིས་བདེ་གཤེགས་སྦྱིན་པ་དང་། །སྒྲུབ་བརྩོན་ལེགས་བྱས་མཐའ་ཡས་པ། །སྤྱོད་བཟང་ལ་གནས་བསྒྲལ་བའི་གྲངས། །གང་གཱ་ཀླུང་གི་རྡུལ་དང་མཚུངས། །དེ་སྐད་འབྲས་བུ་དེ་ཙམ་སྟེ། །དང་པོའི་ལས་ཅན་ཅི་སྙེད་ལ། །ཕན་གདགས་གཞི
226a2 ནི་བྱ་བའི་ཕྱིར། །ཅུང་ཟད་བསྡུས་ནས་བརྗོད་བྱ་སྟེ། །ལེགས་པར་ཉོན་ལ་ཡིད་ལ་ཟུང་། །སྔོན་ཚེ་འདས་དུས་བསྐལ་པ་ནི། །གང་གཱ་ཀླུང་བཅུའི་སྔ་རོལ་གྱི། །ཆེར་འདས་བ་ཡི་སྔ་རོལ་ན། །བདེ་གཤེགས་རྫོགས་སངས་རྒྱས་ཀྱི་མཚན། །མན་དཱ་ར་ཡི་དྲི་ཞེས་བྱ། །འཇིག
226a3 རྟེན་སྟོན་པ་བྱུང་བའི་ཚེ། །བདག་ནི་ཁྱིམ་བདག་དྲག་པོར་གྱུར། །ཐུབ་པ་དེ་ལ་རིག་སྔགས་མནོས། །ཐོབ་མ་ཐག་ཏུ་བསྐལ་པའི་གྲངས། །བཞི་ཁྲི་སྙེད་ཀྱི་འཁོར་བ་སྙིལ། །དེ་རྗེས་བསྐལ་པ་གང་གཱ་ཀླུང་། །བྱེ་བ་སྙེད་གཅིག་སྔ་རོལ་ན། །བདེ་གཤེགས་རྫོགས
226a4 སངས་རྒྱས་ཀྱི་མཚན། །ཐོགས་མེད་པདྨ་བརྒྱ་ཡི་སྤྱན། །གཙུག་ཏོར་ཡོན་ཏན་རབ་རྒྱས་པའི། །འོད་ཟེར་རྒྱལ་པོ་ཞེས་བྱ་བ། །འཇིག་རྟེན་སྟོན་པ་བཞུགས་པའི་ཚེ། །བདག་ཉིད་དྲང་སྲོང་བདག་པོར་གྱུར། །རིག་སྔགས་འདི་མནོས་བསྒྲུབས་པ་ཡིས། །ཕྱོགས་བཅུའི
226a5 སངས་རྒྱས་ཞལ་མཐོང་ཞིང་། །སྐྱེ་མེད་ཆོས་ལ་བཟོད་པ་ཐོབ། །དེ་རྗེས་འདས་དུས་བསྐལ་བ་ནི། །བྱེ་བ་ཕྲག་བརྒྱའི་སྔ་རོལ་ན། །བདེ་གཤེགས་རྫོགས་སངས་རྒྱས་ཀྱི་མཚན། །ཚེ་དཔག་མེད་ཅེས་འཇིག་རྟེན་དུ། །སྟོན་པ་བྱུང་བ་བདག་གིས་མནོས། །དེ་ཚེ་ཕྱོགས
226a6 བཅུའི་སངས་རྒྱས་ཀྱིས། །བདག་ལ་དབང་བསྐུར་ལུང་བསྟན་མཛད། །ཁྱོད་ཀྱི་སྔོན་དུ་བསྐལ་པའི་གྲངས། །བརྗོད་མི་ལང་ནས་རིག་སྔགས་ཕྱིར། །ཡང་དག་སྟོང་ཕྲག་སྟོང་སྙེད་ཀྱང་། །དང་པོའི་མཆོད་སྦྱིན་ཆེན་པོ་བྱས། །བྱེ་བ་ཕྲག་གྲངས་བཅུ་གཅིག་ཏུ། །ཕྱོགས
226a7 བཅུའི་སངས་རྒྱས་དབང་བསྐུར་བླངས། །དེ་དང་དེ་ཡི་རྣམ་སྨིན་མཆོག་།སངས་རྒྱས་ཞིང་ཁམས་རབ་འབྱམ་དུ། །ཡང་དང་ཡང་དུ་འབྱུང་བར་འགྱུར། །ཕྱིས་ནི་འདྲེན་པ་ཤཱཀྱ་ཞེས། །མི་མཇེད་འཇིག་རྟེན་ཁམས་འཁྲུངས་ཚེ། །མི་ཡུལ་ལས་ཀྱང་ཁྱད་པར་དུ། །
iiif viewer powered by OpenSeadragon
