| e-texts navigator |
| Wylie |
211a1 པོར་ཡང་། །ནམས་ཀྱང་འཁོར་བར་མི་ལྟུང་ཞིང་། །མྱ་ངན་འདས་པ་ཐོབ་བྱའི་ཕྱིར། །ཉན་ཐོས་ས་རྣམས་ནོན་པ་དང་། །རྟེན་འབྲེལ་བཅུ་གཉིས་ཤེས་པར་བྱ། །བྱང་ཆུབ་སེམས་དཔའི་ས་རྣམས་ནི། །རབ་དགའ་དྲི་མེད་འོད་བྱེད་འཕྲོ། །སྦྱང་དཀའ་མངོན
211a2 འགྱུར་རིང་དུ་སོང་། །མི་གཡོ་ལེགས་པ་ཆོས་ཀྱི་སྤྲིན། །སངས་རྒྱས་ས་ཆེན་བླ་ན་མེད། །བཅུ་གཉིས་པོ་ཡང་ཐོབ་འགྱུར་ཏེ། །ཀུན་དུ་འོད་དང་བདུད་རྩི་འོད། །ནམ་མཁའི་འོད་དང་རྡོ་རྗེའི་འོད། །རིན་ཆེན་འོད་དང་པདྨའི་འོད། །ལས་ཀྱི་འོད་དང་དཔེ་མེད་ས། །དཔལ
211a3 ལྡན་ས་དང་ཤེས་རབ་འོད། །ཐམས་ཅད་མཁྱེན་དང་རང་རིག་སྟེ། །བཅུ་གཉིས་སངས་རྒྱས་ས་རྣམས་ཀྱང་། །འདི་ཚེ་བྱུང་ན་མྱུར་དུ་ཐོབ། །ས་རྣམས་མ་ཐོབ་པར་དུ་ཡང་། །འགྲོ་བ་རྣམས་ལ་ཕན་པ་དང་། །ཤེས་རབ་སྙིང་རྗེ་ལྡན་གྱུར་ཅིང་། །ཆོས་ལ་དགའ་བ
211a4 རྣམས་ཀྱིས་བསྲུང་། །དངོས་གྲུབ་ཐོབ་སྟེ་དེ་བཞིན་གཤེགས། །རིན་ཆེན་ལས་བྱུང་ཐོབ་པར་འགྱུར། །དཔལ་ལྡན་བྱང་ཆུབ་སེམས་དཔའ་དང་། །དཔལ་ལྡན་ལྷ་མོ་ནག་མོ་ཡི། །མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཐོབ་སྟེ། །
211a5 སྐུ་གསུང་ཐུགས་ནི་གྲུབ་ནས་ཀྱང་། །ཁམས་གསུམ་ཆོས་ཀྱི་རྒྱལ་པོར་འགྱུར། །ཞེས་གསུངས་པ་དང་། བྱང་ཆུབ་སེམས་དཔའི་འཁོར་དེ་དག་དང་། དཔལ་ལྷ་མོ་ནག་མོ་ཆེན་མོ་རྣམས་ངོ་མཚར་དུ་གྱུར་ཏེ། །བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང
211a6 ཞིང་མངོན་པར་བསྟོད་དོ། ། །།དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ་རྫོགས་སོ།། @#། །ལྷའི་དབང་པོ་བརྒྱ་བྱིན་གྱིས་བསྟོད་པ། །དུས་གསུམ་འཁོར་བའི་སྡུག་བསྔལ་ཆེན་པོ་དང་། །འདོད་ཆགས་ཞེ་སྡང
211a7 གཏི་མུག་གསུམ་གྱི་རྒྱུས། །སྡིག་སྨིན་ལས་གྲུབ་ལྷ་དང་ལྷ་མ་ཡིན། །དམྱལ་ཚོགས་མེ་ལྟར་འབར་བའི་གནས་འདི་རུ། །ཤ་ཁྲག་དམར་ལ་རོལ་པའི་ལྷ་མོ་ཁྱོད། །ལྷ་ཡི་གཡུལ་ངོ་རྒྱལ་བར་ཞལ་འཆེས་ལ། །ལྷ་མ་ཡིན་གྱི་དཔུང་རྣམས་བརླག་པར་མཛོད། །
iiif viewer powered by OpenSeadragon
