| e-texts navigator |
| Wylie |
199b1 ནག་པོ་ཆེན་པོ་ཞེས་བྱ་བ་ཅིག་ཡོད་དེ། དེའི་ཚེ་དེའི་དུས་ན་ནུབ་ཕྱོགས་ཀྱི་འཇིག་རྟེན་གྱི་ཁམས་ན། མཐར་བྱེད་རྟའི་རྒྱལ་པོ་ཞེས་བྱ་བ། རྒྱལ་པོ་ཆེན་པོ་བཞི་ལ་སོགས་པའི་འཁོར་གྱིས་བསྐོར་ཏེ། དྲེགས་པ་ཅན་འདུལ་བའི་ཏིང་ངེ་འཛིན་ལ་སྙོམས་པར་ཞུགས
199b2 ནས་ལྕགས་ཀྱུའི་ཕྱག་རྒྱ་བཅས་ནས། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུ~ཾ་ཧུ་ལུ་ཧུ་ལུ་ཧཱུ~ཾ་བ~ཾ་ཞེས་བརྗོད་པས་དུར་ཁྲོད་ཧ་ཧ་དྲག་ཏུ་རྒོད་པའི་གནས་ནག་པོ་ཆེན་པོ། རང་དབང་མེད་པར་མཐར་བྱེད་རྟའི་རྒྱལ་པོའི་མངོན་དུ་བྱུང་སྟེ་ལས་ཅི་བྱ་ཟེར་ཞིང་རང་རྟགས་སྲོག་གི་སྙིང་པོ་འདི
199b3 མདོངས་གསོལ་དུ་ཕུལ་བ། ཨོ~ཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣ་ན་བི་ནཱ་ཡ་ཀ་ཧཱུ~ཾ་ཧཱུ~ཾ་ཕཊ་ཅེས་ཕུལ་ལོ། །དཔལ་ནག་པོ་ཆེན་པོའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་རྒྱལ་པོ་མིག་མི་བཟང་གིས་མཐར་བྱེད་རྟའི་རྒྱལ་པོ་ལ་འདི་སྐད་ཅེས་གསོལ
199b4 ཏོ། །ེ་མ་པདྨ་ཁྲོས་པའི་བདག་།ནག་པོ་ཆེན་པོ་དྲག་ཤུལ་ཅན། །གསང་བའི་སྒྲུབ་པ་བཤད་དུ་གསོལ། །མགོན་པོ་སྒྲུབ་པར་བྱ་བ་གང་། །བསད་ཅིང་ལུས་སྲོག་དབྱེ་བ་དང་། །མ་གྲུབ་ཤི་ས་བསྟན་པ་དང་། །མགོན་པོའི་རྟགས་དང་སེར་བ་རྣམས། །རྟ
199b5 མཆོག་ཆེན་པོས་བདག་ལ་སྩོལ། །ཞེས་ཞུས་པས། དེ་ནས་པདྨ་ཁྲོས་པ་ཡིས། ནག་པོའི་སྒྲུབ་ཐབས་ཆེད་དུ་བརྗོད། །དམ་ཚིག་ལྡན་པའི་སྔགས་པ་ཡིས། །སངས་རྒྱས་བསྟན་པ་བསྲུང་སླད་དུ། །གཟའ་སྐར་ཚེས་གྲངས་ཤིས་པ་ལ། །དུར་ཁྲོད་ལ་སོགས
199b6 ཤིང་གཅིག་ཏུ། །བསོད་ནམས་ཚོགས་ནི་བསགས་བྱས་ལ། །ནག་པོ་ཆེན་པོ་བསྒྲུབ་པར་བྱ། །ཕུངས་འམ་ས་ནག་དག་ལ་ནི། །སྟེགས་བུ་གྲུ་བཞི་བྱས་ནས་ནི། །དྲི་སྤོས་ཁྲག་གིས་ཆག་ཆག་བྱ། །དབུས་སུ་གྲུ་གསུམ་ཟླ་གམ་ལྡན། །ཕྱི་རོལ་པདྨ་འདབ་བརྒྱད
199b7 བྲི། །དེ་དབུས་ཐོད་ཆེན་ནང་དུ་ནི། །ཤ་ལྔ་སྙིང་སྣས་བརྒྱན་པ་ཡིས། །གཏོར་མ་བཤོས་བུ་ཁྲུ་གང་ཚད། །དེ་ལ་མདའ་གཟུགས་དམར་ནག་དར། །གྲི་སྙིང་ཙ་ཀ་ལི་ཡང་གཟུགས། །དེ་ཉིད་མགོན་པོའི་རྟེན་དུ་བཞག་།ཌ་མ་རུ་ཡི་པགས་པའི་ནང་། །མགོན་པོའི
iiif viewer powered by OpenSeadragon
