| e-texts navigator |
| Wylie |
195b1 ལ། ལ་ཕུག་ལ་སྔགས་ཀྱིས་བཏབ་སྟེ་ཚོགས་ཀྱི་བདག་པོ་མཆོད་ན་ཚེ་འདི་ཉིད་ལ་འཁོར་ལོས་སྒྱུར་བའི་རྒྱལ་པོ་དང་བསོད་ནམས་མཉམ་པར་འགྱུར་རོ། །མེ་ཏོག་དཀར་པོས་མཆོད་ན་རྒྱལ་པོ་ལ་སོགས་པས་ཕམ་པར་མི་འགྱུར་རོ། །རྒྱལ་པོ་ལ་སོགས་པ་སྒྲུབ་པར་འགྱུར་རོ། །
195b2 རྒྱལ་པོ་དང་བློན་པོ་ལ་སོགས་པ་བདག་གི་དབང་དུ་འདུས་པར་འགྱུར་རོ། །དངོས་གྲུབ་སྒྲུབ་པའི་ཞལ་ཟས་བསྟན་པའི་ལེའུ་སྟེ་དགུ་པའོ།། །།དེ་ནས་ཆོ་ག་བཤད་པར་བྱ། །དངུལ་ཞེས་བྱ་བའི་རིན་ཆེན་ལ། །ཚོགས་བདག་ཆེན་པོའི་གཟུགས་བྱས་ཏེ། །ཡིད་བཞིན
195b3 ནོར་བུ་ལག་ན་ཐོགས། །དཀྱིལ་འཁོར་ཆེན་པོ་ཁྲུ་གང་ཚད། །རིན་ཆེན་མེ་ཏོག་དཀར་པོ་དགྲམ། །གསང་སྔགས་འབུམ་དུ་བཟླས་བྱས་པས། །ནད་དང་སྡུག་བསྔལ་ཞི་བར་འགྱུར། །ཤེལ་དང་དུང་ལས་ཆོགས་བདག་སྐུ། །མཁས་པས་ཇི་ལྟར་འབྱོར་པར་བྱ། །སྡུག
195b4 བསྔལ་ཐམས་ཅད་སེལ་བར་འགྱུར། །རིན་ཆེན་ཤེལ་ལས་ཚོགས་བདག་སྐུ། །མཐེ་བོང་གི་ནི་ཚད་ཙམ་བྱ། །སེ་ན་པྲ་ཞེས་བྱ་བའི་སྔགས། །རིག་པ་འབུམ་དུ་བཟླས་བྱས་ཏེ། །ཤེལ་གྱི་སྐུ་དེ་ཁྲུས་བྱས་ནས། །སྐར་མ་རྒྱལ་གྱི་ཉིན་པར་ནི། །བདག་ཉིད་ཤར་དུ་ཁ་བལྟས
195b5 ནས། །གོས་དཀར་གྱོན་ཏེ་ཁྲུས་བྱས་ལ། །ཐལ་སྦྱར་ཡིད་ཀྱིས་གསོལ་བ་གདབ། །བདག་ལ་གནོད་པའི་བགེགས་གང་ཡིན། །ཤེལ་གྱི་སྐུ་དེ་མེ་ལོང་སྟེང་། །མི་གཡོ་མི་འགུལ་རབ་ཏུ་བཞུགས། །བདག་ཉིད་ཁྲུས་བྱས་ཤར་དུ་བལྟ། །ཛ་ར་པ་དང་རྐུན་མ་ནི། །གང
195b6 ཡིན་མེ་ལོང་ནང་དུ་འབྱུང་། །དེ་ཚེ་དེ་ཡི་ངོས་ཟིན་འགྱུར། །ཚོགས་བདག་ཤེལ་གྱི་སྐུ་དེ་ནི། །མཆོད་པ་རབ་གསལ་ལེགས་བྱས་ལ། །ནཱ་ག་ཀུ་རུ་ཞེས་བྱ་བའི། །རིག་པ་འབུམ་དུ་བཟླས་བྱས་ན། །ནད་དང་སྡུག་བསྔལ་གྱིས་ཉེན་ལ། །སྐུ་དེ་བསྟན་པ་ཙམ་གྱིས
195b7 ནི། །ནད་རྣམས་ཐམས་ཅད་སོས་པར་འགྱུར། །སྡུག་བསྔལ་ལས་ཀྱང་ཐར་བར་འགྱུར། །ཞི་བ་ཆེན་པོའི་ཆོ་ག་ཡིན། །རིན་ཆེན་གསེར་ཞེས་བྱ་བ་ལ། །ཚོགས་བདག་ཆེན་པོའི་སྐུ་བྱས་ཏེ། །རྒྱལ་གྱི་ཉིན་པར་མིག་ཕྱེ་ནས། །མཆོད་པ་རབ་ཏུ་གནས་པ་བྱ། །བ
iiif viewer powered by OpenSeadragon
