| e-texts navigator |
| Wylie |
182b1 མཚམས་སུ་ཁྱིམ་རྣམས་དང་རྒྱུ་སྐར་རྣམས་སོ། །ལྷོ་ནུབ་དུ་གནོད་པ་ཐམས་ཅད་དོ། །ནུབ་བྱང་དུ་རྗེ་བཙུན་རིགས་པ་ཆེན་མོའོ། །དཀྱིལ་འཁོར་གྱི་སྒོའི་ཕྱི་རོལ་གྱི་ཤར་དུ་ཡུལ་འཁོར་སྲུང་། ལྷོར་འཕགས་སྐྱེས་པོ། ནུབ་ཏུ་མིག་མི་བཟང་། བྱང་དུ་ལུས་ངན་པོའོ།
182b2 ཉི་མའི་འོ་ཐུག་དང་། ཟླ་བའི་ཞོ་ཟན་དང་། མིག་དམར་གྱི་སྲན་མ་མ་ཤའི་བཟའ་བ་དང་། ལྷག་པའི་མར་གྱི་ཁུར་བ་དང་། ཕུར་བུའི་འོ་མ་དང་། པ་བ་སངས་ཀྱི་ཁུར་བ་དང་། སྤེན་པའི་སྲན་མ་མ་ཤ་དང་། མུད་ག་བསྲེས་པ་དང་། སྒྲ་གཅན་གྱི་ཏིལ་གྱི
182b3 ཐུག་པ་དང་། མཇུག་ཏིལ་ཀྱི་ཐུག་པ་དང་། བུ་རམ་གྱི་ཚོད་མའོ། །གནོད་སྦྱིན་གྱི་གཏོར་མ་ནི་ཡུལ་འཁོར་སྲུང་གི་ཞོ་ཟན་ནོ། །འཕགས་སྐྱེས་པོའི་ཞོ་དང་སྲན་མ་མ་ཤའི་བཟའ་བའོ། །མིག་མི་བཟང་གི་འོ་ཐུག་གི་བཟའ་བའོ། །ལུས་ངན་པོའི་ཞོ་དང་སྲན
182b4 མ་མ་ཤའི་བཟའ་བ་དང་བུ་རམ་ཆང་དང་སྦྱར་བའོ། །ཇི་ལྟ་བའི་རིམ་པའི་ཁ་དོག་གི་མེ་ཏོག་དབུལ་ལོ། །ཇི་ལྟ་བའི་རིམ་པའི་ཁ་དོག་གི་བདུག་སྤོས་དབུལ་ལོ། །ཇི་ལྟ་བའི་རིམ་པའི་ཁ་དོག་གི་བ་དན་དབུལ་ལོ། །སོ་སོ་ལ་མར་མེ་དབུལ་ལོ། །ཇི་ལྟ་བའི་རིམ་པའི་མཆོད་པ་བྱའོ། །
182b5 མར་དང་སྦྲང་རྩིས་དུང་ཕོར་བཀང་སྟེ། རིན་ཆེན་སྣ་ལྔ་བཅུག་ལ་མཆོད་ཡོན་དབུལ་ཞིང་གདོང་ལ་ཡང་དར་བཅིང་བར་བྱའོ། །ལག་ན་རྡོ་རྗེ་གཟའ་འདི་རྣམས་ཀྱི་སྙིང་པོའི་སྔགས་བཀླགས་པས་འགྲུབ་པ་རྣམས་ཡིན་ཏེ། ཇི་ལྟ་བའི་རིམ་པའི་ཁ་དོག་དང་མཐུན་པའི་སྤོས་ཀྱི་དཀྱིལ
182b6 འཁོར་སོར་བཅུ་གཉིས་པ་བྱས་པའི་དབུས་སུ་མཆོད་པར་བྱའོ། །ཁམ་པའམ་ཟངས་ལ་སོགས་པའམ། གསེར་དངུལ་གྱི་སྣོད་དུ་མཆོད་ཡོན་ཕུལ་ནས། རེ་རེ་ལ་ཡང་བཟླས་བརྗོད་ལན་བརྒྱ་རྩ་བརྒྱད་རྩ་བརྒྱད་བྱའོ། །ལག་ན་རྡོ་རྗེ་དེ་ནས་ཡང་དེའི་འོག་ཏུ་གཟའ་རྣམས་ཀྱི་ཡུམ
182b7 ཞེས་བྱ་བའི་གཟུངས་ཀྱི་སྔགས་ཀྱི་ཚིག་རྣམས་ལན་བདུན་བརྗོད་པར་བྱའོ། །དེ་ནས་གཟའ་ཉི་མ་ལ་སོགས་པའི་གཟའ་ཐམས་ཅད་ཀྱིས་སྲུང་བར་བྱེད་པར་འགྱུར་རོ། །དབུལ་བའི་གདོན་ལས་གྲོལ་བར་བྱེད་དོ། །ཚེ་ཟད་པ་རྣམས་ཚེ་རིང་བར་འགྱུར་རོ། །ལག་ན་རྡོ་རྗེ་ཡང་གང་ཞིག་དགེ
iiif viewer powered by OpenSeadragon
