| e-texts navigator |
| Wylie |
145b1 མཚམས་གཅོད་པར་བྱེད་ན་ལན་བདུན་སྤུ་ཟིང་ཞེས་བྱེད་པར་ཡང་འགྱུར་རོ། །ལྷོ་ཕྱོགས་ནས་ཅེ་སྤྱང་མོས་ལན་བསུམ་སྒྲ་ཕྱུང་སྟེ་འདུག་པར་གྱུར་ན། །དེ་ནས་མཚམས་བཅད་པར་ཤེས་པར་བྱའོ། །དེས་དེ་བཞིན་དུ་སྨྱུར་བ་བྱས་ཏེ། ཚེས་བཅོ་ལྔའི་ཉིན་པར་ཁྲུས་བྱས་ལ། བཅོམ་ལྡན
145b2 འདས་ལ་མཆོད་པ་བྱས་ཏེ། སྐུད་པ་བླངས་ལ། ཉན་ཐོས་ཀྱི་ཚིག་རྣམས་དང་། བཅོམ་ལྡན་འདས་ཀྱི་ཆོ་གཞི་མོས་ལན་བདུན་བཟླས་ཏེ། བཟླས་བརྗོད་ལན་རྩ་བརྒྱད་བརྗོད་ཅིང་མདུད་པ་བརྒྱ་རྩ་བརྒྱད་བྱས་ལ། སྐུད་པ་ལག་ཏུ་བླངས་ཏེ། རིག་སྔགས་ཐམས་ཅད་ལན་ཅིག
145b3 བཟླས་བརྗོད་བྱས་ཤིང་སྒྲུབ་པ་བྱས་ན་ཆར་པ་ཆེན་པོ་དང་། རླུང་ཆེན་པོ་ཡང་འབྱུང་སྟེ། མཚམས་ཀྱི་ཕྱི་རོལ་དུ་ལྡང་ཞིང་འབབ་པར་འགྱུར་ལ། སྐད་ཅིག་གིས་འཆད་པར་ཡང་འགྱུར་ཏེ། ལན་བདུན་གྱི་བར་དུ་ཡང་བརྗོད་པར་བྱའོ། །དེ་ནས་ལྷའི་བུ་སྤྲིན་ཆེན་ཞེས་བྱ་བ་དང་། སྤྲིན་བཟང
145b4 ཞེས་བྱ་བ་གཉིས་འོངས་ཏེ། དེའི་རྐང་པ་ལ་མགོ་བོས་ཕྱག་འཚལ་ཞིང་གྲུབ་པ་སྦྱིན་པ་དང་། རྗེས་སུ་ཡི་རང་བར་ཡང་འགྱུར་རོ། །དེ་ལ་གྲུབ་པ་ནི་འདི་དག་ཡིན་ཏེ། སྤྲིན་ནི་ཀུ་ཙུ་ཀུ་ཙ་ཞེས་བྱའོ། །སྤྲིན་བཟང་གི་ནི་འདི་ཡིན་ཏེ། ཀ་ར་ཀ་ར་ཀཱ་ར་ར་ཞེས་བྱའོ། ཚིག་འདི་དག་དང
145b5 སྐུད་པ་ལག་ཏུ་བླངས་པས་མདོ་སྡེ་དང་། གསང་སྔགས་རྣམས་བསམས་ན་གང་བྱ་བར་འདོད་པ་དེ་དག་ཐམས་ཅད་བྱེད་པར་འགྱུར་རོ། །བཅོམ་ལྡན་འདས་ཀྱི་མདོ་སྡེ་དང་། རིག་སྔགས་འདི་དག་ཐམས་ཅད་ཀྱིས་ཆུའམ་སྐུད་པ་ལ་བཟླས་ན་གང་བྱེད་པར་མི་འགྱུར་བ་དེ་མེད་དེ་ལས་ཐམས
145b6 ཅད་འགྲུབ་པར་འགྱུར་རོ། །ཇི་སྲིད་འཚོའི་བར་དུ་བདག་དང་། གཞན་དག་བསྲུང་བའི་ཕྱིར་མདོ་སྡེ་འདི་གཟུང་བར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འབྱུང་པོ་གང
145b7 དག་འདིར་ནི་ལྷགས་གྱུར་ཅིང་། །ས་དང་བར་སྣང་དག་ལ་འཁོད་པ་རྣམས། །སྐྱེ་དགུ་རྣམས་ལ་རྟག་ཏུ་བྱམས་བྱས་ཅིང་། །ཉིན་དང་མཚན་དུ་ཆོས་ཀྱང་སྤྱོད་གྱུར་ཅིག་།མདོ་ཆེན་པོ་འདུས་པ་ཆེན་པོའི་མདོ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་།
iiif viewer powered by OpenSeadragon
