| e-texts navigator |
| Wylie |
145a1 བཅོམ་ལྡན་འདས་ཀྱིས་བཀའ་སྩལ་པ། ཁྱེད་ཀྱིས་གསང་སྔགས་ཀུན་ཏུ་བཟུང་བ་འདི་ནི་གྲུབ་པ་ཡིན་ཏེ། ང་ཉན་ཐོས་ཀྱི་ཚོགས་དང་བཅས་པས་ཀྱང་མདོ་སྡེ་འདིའི་གྲུབ་པ་དང་། བསྲུང་བ་དང་། བསྒྲུབ་པ་དག་བཤད་པར་བྱ་སྟེ། དེ་ཉོན་ཅིག་དང་བཤད་པར་བྱའོ། །གནས
145a2 གཙང་མའི་རིས་ཀྱི་ལྷ་རྣམས་ཀྱིས་བཅོམ་ལྡན་འདས་དེ་བཞིན་ལགས་ཏེ། བཅོམ་ལྡན་འདས་ཉན་ཐོས་ཀྱི་ཚོགས་དང་བཅས་པས་མདོ་སྡེ་ཆེན་པོ་འདི་གྲུབ་པར་བགྱི་བའི་སླད་དུ་བསྲུང་བ་དང་། བསྒྲུབ་པ་དག་བཤད་དུ་གསོལ། དེ་ནས་བཅོམ་ལྡན་འདས་ཀྱིས་མདོ་སྡེ་འདི་གྲུབ་པར་བྱ་བའི་ཕྱིར
145a3 བསྲུང་བ་དང་། བསྒྲུབ་པ་དག་བཀའ་སྩལ་པ། དེ་ལ་རྒྱུན་དུ་ཞུགས་པ་རྣམས་ཀྱི་གྲུབ་པ་ནི་འདི་ཡིན་ནོ། །ཏ་ལ་ཏ་ལ། ཏན་ཏ་ལ། ཏ་ཏོ་ཏ་ལེ་མེ་ཏེ། ལན་ཅིག་ཕྱིར་འོང་བ་རྣམས་ཀྱི་གྲུབ་པ་ནི་འདི་ཡིན་ནོ། །ས་ལེ་ས་ས་ལི་ཏི། ཕྱིར་མི་འོང་བ་རྣམས་ཀྱི་གྲུབ་པ་ནི་འདི་ཡིན་ནོ། །ལ་ཏེ
145a4 ལ་ཏེ་ལོ་ལ་ཏེ། དགྲ་བཅོམ་པ་རྣམས་ཀྱི་གྲུབ་པ་ནི་འདི་ཡིན་ནོ། །དྷུ་པུ་དྷུ་པུ། དྷུ་རུ་དྷུ་རུ། ཀ་ཙི་བི་ཀ་ཙི། ཀ་ཙ་བི་ཀ་ཙེ་ཏི། དེ་ནས་བཅོམ་ལྡན་འདས་ཀྱི་གྲུབ་པ་ནི་འདི་ཡིན་ནོ། །དྷ་མེ་དྷ་མེ། དྷ་མེ་དྷ་མེ། དྷ་སེ་དྷ་སེ། དྷ་རེ་དྷ་རེ། དྷ་རོ་དྷི་དྷི་ཏི། དེ་ལ་སྲུང་བ་ནི་འདི་ཡིན་ནོ། །ཏི་ན་ཏི་རི
145a5 ཙ་རི་ཥ། པིངྒ་ལ་ཀྵི་རཀྵ། མཚམས་བཅད་པ་ནི་འདི་ཡིན་ནོ། །བདྡྷ་བདྡྷོ་ཏི། བདྡྷ་སི་རི་མི་ཏི། བདྡྷ་ཀུ་ཥེ་བདྡྷ། གྷུ་གྷུ་ཥེ་བདྡྷ་གྷུ་ཥེ་གྷུ་ཥེ་ཡ་མ་བ་དྷ་བྷི། སྒྲུབ་པ་ནི་འདི་ཡིན་ནོ། །པེ་ཥེ་སཱ་དྷ་ཡ། ཏུ་ཏུ་ལི་སཱ་དྷ་ཡེ་ཏི། ཞག་གསུམ་སྨྱུང་བ་བྱས་པས་ཚེས་བཅོ་ལྔའི་ཉིན་པར་གསང་སྔགས་ཀྱི་ཚིག
145a6 འདི་དག་དང་། མདོ་སྡེ་འདིས་བཅོམ་ལྡན་འདས་ལ་མཆོད་པར་བྱས་ཏེ། ཁ་ཤར་ཕྱོགས་སུ་བལྟས་ལ་སྲུང་བ་ལན་བརྒྱ་བརྗོད་པར་བྱ་ཞིང་། བཟླས་བརྗོད་ལན་བརྒྱ་བྱས་ལ། མདུད་པ་རེ་རེ་ལ་བརྒྱ་རྩ་བརྒྱད་བྱས་ན་བསྲུང་བ་བྱས་པ་ཡིན་ཞིང་། ལན་གསུམ་སྤུ་ཟིང་ཞེས་བྱེད་པར་ཡང
145a7 འགྱུར་ཏེ། སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །ཟླ་བ་ཡར་གྱི་ངོའི་ཚེས་བཅུ་གཉིས་ལ་བཅོམ་ལྡན་འདས་ལ་མཆོད་པ་བྱས་ལ་སྐུད་པ་དེ་ལག་ཏུ་བླངས་ཏེ་བཟླས་ཤིང་མཚམས་གཅད་པར་བྱས་ཏེ། ལན་བརྒྱ་རྩ་བརྒྱད་བརྗོད་ཅིང་མདུད་པ་བརྒྱ་རྩ་བརྒྱད་བྱས་ཏེ།
iiif viewer powered by OpenSeadragon
