| e-texts navigator |
| Wylie |
143b1 མ་གྱུར་པར་འཛིན་ཏམ། ཀློག་པར་བགྱིད་ན་དེ་ལ་མི་དང་། མི་མ་ལགས་པ་དག་མཆི་བར་མི་འགྱུར་ཞིང་གདུག་པ་ཡང་མི་མཆི། སྦྲུལ་ཡང་མི་མཆི། དུག་ཀྱང་མི་མཆི་ལ། དེའི་ལུས་ལ་གནོད་པ་དག་གིས་མི་ཚུགས་པར་འགྱུར་ལགས་སོ། །འབྱུང་པོ་ཐམས་ཅད་ཀྱང
143b2 དགའ་བར་འགྱུར་ལགས་སོ། །ཇི་སྲིད་འཚོའི་བར་དུ་འབྱུང་པོ་ཐམས་ཅད་ལས་བསྲུང་བ་བགྱིས་པར་ཡང་འགྱུར་ལགས་སོ། །གང་ཀློག་པར་བགྱིད་པ་དང་། གང་ཉན་པར་བགྱིད་པ་དེ་ལ་དགུང་ལོ་བདུན་དུ་བསྲུང་བ་བགྱིས་པར་འགྱུར་ལགས་སོ། །ཆབ་ལ་བཟླས
143b3 བརྗོད་བགྱིས་ཏེ་གཏོར་ཏམ། འཚལ་དུ་སྩལ་ན་དེའི་བྲོ་ནད་ཐམས་ཅད་ཉེ་བར་ཞི་བར་འགྱུར་ལགས་སོ། །དེ་ནས་བཅོམ་ལྡན་འདས་ལ་འདོད་པའི་བདག་པོ་ཐམས་ཅད་ཀྱིས་གསོལ་པ། བཅོམ་ལྡན་འདས་འདི་ནི་བདག་ཅག་གི་ཡུལ་ཡང་ལགས་ཏེ། མདོ་སྡེ་འདི་ཡོངས་སུ
143b4 གཟུང་བའི་རིག་སྔགས་ནི་འདི་ལགས་སོ། །ཏདྱ་ཐཱ། ལིནྟེ་ལི་པེ། ལོ་པེ། བ་པེ། པད་ཀེ། ཀ་མེ། ཀཱ་ཙེ་ཀཱ་ཙེ་ཀྵི། ཀཱ་ཙ་པི་ག་ལེ། དུ་མེ་དུ་མེ། ཏ་ཊེ་ཏྲ་ཊེ། ཏ་ད་ཏྲ། ཊེ་ཏྲ་ཊཱ་ཀྵི། གོ་ལཱ། ཀོ་ལི། ཀི་ཀ་ཀོ་ལི་ཀེ་སཱ་དྷཱ། སཱུ་ཏྲ་མ་ནུ་པཱ་ལ་ཡ་ཐཱ། ཨུད་གྲྀཧྞ་ཡ་ཙེ་ཏི། བཅོམ་ལྡན
143b5 འདས་གང་ཞིག་གསང་སྔགས་ཀྱི་ཚིག་འདི་དག་དང་། མདོ་སྡེ་ལེགས་པར་གསུངས་པ་འདི་དུམ་བུར་མ་གྱུར་བ་དང་། མཉམས་པར་བཟུང་སྟེ་སྲུང་བར་བགྱིད་ན་དེ་ནི་ཐམས་ཅད་ལས་བསྲུང་བ་བགྱིས་པར་འགྱུར་ལགས་སོ། །འབྱུང་པོ་ཐམས་ཅད་ཀྱང་དགའ་བར་འགྱུར
143b6 ལགས་སོ། །ཇི་ཙམ་འཚལ་བར་དེ་ཙམ་གྱི་དགུང་ཆར་འབེབ་པར་ཡང་འགྱུར། འཆད་པར་ཡང་འགྱུར། དགུང་སེར་འབབ་པར་ཡང་འགྱུར། འཆད་པར་ཡང་འགྱུར་ལགས་སོ། །འབྱུང་པོ་དང་གདོན་རྣམས་ལས་ཡོངས་སུ་ཐར་བར་ཡང་འགྱུར་ལགས་སོ། །དུག
143b7 འབྱིན་པར་ཡང་འགྱུར་ལགས་སོ། །ཆབ་ལ་ལན་བདུན་བཟླས་བརྗོད་བགྱིས་ཏེ། གཏོར་ཏམ་འཚལ་དུ་སྩལ་ན་དེས་བྲོ་ནད་ཐམས་ཅད་ཉེ་བར་ཞི་བར་འགྱུར་ལགས་སོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་གསོལ་པ། བཅོམ་ལྡན་འདས་བདག་ཅག
iiif viewer powered by OpenSeadragon
