| e-texts navigator |
| Wylie |
142b1 འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དབང་པོར་བཅས་དང་དབང་ལྡན་བཅས། །སྐྱེ་དགུའི་བདག་དང་བཅས་པ་ཡི། །ལྷ་རྣམས་དེ་དག་དེར་ལྷགས་ཤིང་། །དགེ་སློང
142b2 རྣམས་ཀྱང་དེར་ལྷགས་སོ། །ནག་པོས་སྨྲས་པའི་ཚིག་ལ་ལྟོས། །འདོད་ཆགས་ཀྱིས་ནི་འདི་བཟུང་ལ། །བཅིང་བགྱིས་དང་ཁྱོད་ལ་ལེགས། །འདི་དག་ཀུན་ནས་ཡོངས་བསྡུས་ལ། །འདི་དག་གསོན་པོར་མ་བཏང་ཞེས། །དེ་ན་ནག་པོ་སྡེ་བོ་ཆེ། །སྡེ་རྣམས་ལ་ནི་སྐུལ་བྱེད
142b3 ཅིང་། །ཁྲོས་ཤིང་རང་དབང་ཆེད་གྱུར་ནས། །རང་ཡང་མངོན་པར་ཞུགས་གྱུར་ཏེ། །ལག་པས་ལ་བརྡབས་ནས་ནི། །ཤིན་ཏུ་འཇིགས་པའི་སྒྲ་ཕྱུང་སྟེ། །དེ་ནས་ལྷ་ཡིས་སྤྲིན་ཕྲེང་དང་། །གློག་དང་བཅས་པའི་ཆར་ཡང་ཕབ། །སངས་རྒྱས་ཀྱིས་ནི་དེ་མཁྱེན་ནས། །དེ་བཞིན
142b4 གཤེགས་པས་རྣམ་གཟིགས་ཏེ། །དེ་ནས་སྟོན་པས་བསྟན་དགའ་བའི། །ཉན་ཐོས་རྣམས་ལ་དགེ་སློང་དག་།བདུད་སྡེ་མངོན་པར་ལྷགས་གྱུར་གྱིས། །མངོན་པར་རྟོགས་ཞེས་བཀའ་སྩལ་པ། །བརྩོན་པར་བྱེད་པ་དེ་དག་གིས། །སངས་རྒྱས་གསུངས་པ་ཐོས་ནས་ནི། །དེ་དག
142b5 སྤུ་ཡང་མི་གཡོ་བས། །དེ་དག་ཆགས་བྲལ་ཡིན་པར་རྟོགས། །རྒྱལ་སྲས་ཉན་ཐོས་དེ་དག་ནི། །སློབ་མ་རྣམས་དང་ལྷན་ཅིག་དགའ། །དེ་དག་གཡུལ་ལས་རྣམ་རྒྱལ་ཞིང་། །འཇིགས་བྲལ་གྲགས་དང་ལྡན་པ་ཡིན། །བར་གྱི་སྡོམ་ནི། བདུན་སྟོང་གསེར་ཅན་རི་མཉམ
142b6 དང་། །དེ་བཞིན་གནོད་སྦྱིན་ཆུ་སྲིན་དང་། །ཀུན་གྱི་བཤེས་དང་རྒྱལ་པོ་རྣམས། །དེ་བཞིན་ཁོལ་པོ་གནོད་སྦྱིན་དང་། །ཀླུ་དང་འདབ་བཟང་ལྷ་མིན་དང་། །ཆུ་ལྷ་མོ་དང་ཁྱབ་འཇུག་དང་། །ཚོགས་ཅན་མ་དང་སྔོ་བསངས་དང་། །དཀར་མོ་བདེ་བྱེད་དབང་ཕྱུག་དང་། །ཀུན་འགེད
142b7 གཞོན་དང་འཕྲོག་མ་དང་། །དབང་བཅས་བདུད་དང་དགེ་སློང་ངོ་། །དེ་ནས་གནས་གཙང་མའི་ལྷ་ཤིན་ཏུ་དབང་ཆེ་བར་གྲགས་པ་རྣམས་མདོ་སྡེ་བསྟན་པས་ཡི་རངས་པར་གྱུར་ནས་དེའི་ཚེ་ཚིག་འདི་དག་གིས་འདུས་པ་ཆེན་པོའི་མདོ་བཤད་དོ། །བཅོམ་ལྡན་འདས་བདག་ཅག་གིས་ཀྱང
iiif viewer powered by OpenSeadragon
