| e-texts navigator |
| Wylie |
141a1 པའི་ཚལ་དུ་མངོན་པར་ཞུགས། །ལག་ན་རྡོ་རྗེས་ཕམ་བྱས་ཤིང་། །རྒྱ་མཚོར་རྟེན་པའི་ལྷ་མིན་རྣམས། །ཐམས་ཅད་ནོར་ལྷས་སྦག་གྱུར་ཅིང་། །མཚོ་ལ་སྐྱབས་སུ་འདུ་ཤེས་པ། །ཐགས་རིས་དང་རབ་བཀྲ་དང་། །རབ་སིམ་བྱེད་དང་བཏང་བཟུང
141a2 དང་། །སྟོབས་ལྡན་བུ་ནི་བརྒྱད་པོ་ཀུན། །རྣམ་སྣང་བྱེད་པའི་བུ་རྣམས་དང་། །སྟོབས་ལྡན་སྡེ་དང་སྒྲ་གཅན་བཟང་། །དཔའ་ཆེན་ཁྱོད་ཀྱི་དུས་ལགས་ཤེས། །དགེ་སློང་འདུས་པའི་ནགས་ཚལ་དུ། །གོ་ཆ་བགོས་ཏེ་ལྷགས་པ་དང་། །གང་དག་དེ་ཡི་འཁོར་རྣམས་དང་། །
141a3 དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཆུ་ལྷ་མོ་དང་བུ་མོ་དང་། །ཟླ་བ་མོ་ཡང་ཕྱི་བཞིན་འོངས། །མཛའ་བཤེས
141a4 མ་དང་ཆུ་ལྷ་ཅན། །ལྷ་མོ་གྲགས་ལྡན་ཉིད་ཀྱང་འོངས། །ས་དང་ཆུ་དང་རླུང་གི་དང་། །མེ་ཡི་ལྷ་མོའང་འོངས་གྱུར་ཏེ། །བཅུ་ཚན་ཚོགས་བཅུ་དེ་དག་ཀུན། །ཁ་དོག་སྣ་ཚོགས་ལྡན་བདག་།སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །
141a5 གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཁྱབ་འཇུག་ལྷ་དང་གཤོལ་ཅན་ལྷ། །
141a6 མཚེམ་གཉིས་ཀྱང་ལྷགས་པར་གྱུར། །ཟླ་ལ་གནས་པའི་ལྷ་རྣམས་ཀྱིས། །ཟླ་བ་ཉིད་ནི་མདུན་དུ་བདར། །ཉི་ལ་གནས་པའི་ལྷ་རྣམས་ཀྱིས། །ཉི་མ་ཉིད་ཀྱང་མདུན་བདར་ཅིང་། །ཆར་པ་འབེབས་པར་བྱེད་པ་དག་།རྒྱུ་སྐར་རྣམས་ཀྱིས་མདུན་བདར་ལགས། །ཐམས
141a7 ཅད་བཟང་པོ་རྡོ་རྗེ་ཅན། །བརྒྱ་བྱིན་ཁྱེར་འཇིག་འོངས་གྱུར་ཏེ། །བཅུ་ཚན་ཚོགས་བཅུ་དེ་དག་ཀུན། །ཁ་དོག་སྣ་ཚོགས་ལྡན་པ་དག་།སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས
iiif viewer powered by OpenSeadragon
