| e-texts navigator |
| Wylie |
140a1 དང་ལྡན་པ་ནི། །གནོད་སྦྱིན་བདག་པོ་རྒྱལ་པོ་སྟེ། །མིང་ནི་ལུས་ངན་པོ་ཞེས་བྱ། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣམས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །
140a2 ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་ཅུ་དང་ནི་བཅུ་དང་གཅིག་།དེ་དག་མིང་མཐུན་གྲགས་པ་ནི། །དབང་པོ་ཞེས་བྱ་སྟོབས་པོ་ཆེ། །ལྷ་དང་ལྷ་མིན
140a3 གཡུལ་འགྱེད་པར། །ཀུན་ཏུ་གཞན་གྱིས་མི་ཐུབ་པ། །གང་དག་དེ་ཡི་འཁོར་རྣམས་དང་། །དགེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི
140a4 ཚལ་དུ་མངོན་པར་ཞུགས། །ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་མིག་མི་བཟང་། །བྱང་ཕྱོགས་ན་ནི་ལུས་ངན་པོ། །རྒྱལ་པོ་ཆེན་པོ་དེ་བཞི་དག་།འཇིག་རྟེན་སྐྱོང་བ་གྲགས་དང་ལྡན། །རྫུ་འཕྲུལ་ཆེན་པོ་སྟོབས
140a5 པོ་ཆེ། །ཕྱོགས་བཞི་དག་ནི་སྐྱོང་བར་བྱེད། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར
140a6 ཞུགས། །དེ་དག་གི་ནི་ཁོལ་པོ་རྣམས། །མཆོད་རྟེན་མང་ལ་གནས་བཅས་པ། །སླུ་བྱེད་གཡོན་ཅན་སྒྱུ་མ་ཅན། །སྒྱུ་མ་ཤེས་དང་རྣམ་ཤེས་དང་། །ངན་སྤོང་ཁྲོ་གཉེར་ལྷན་ཅིག་ཏུ། །དེ་ཚེ་རྫུ་འཕྲུལ་སྟོན་ཅིང་ལྷགས། །གང་དག་དེ་ཡི་འཁོར་རྣམས་དང་། །དེ་དག
140a7 ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །གནོད་སྦྱིན་དང་། གནོད་སྦྱིན་ཆེན་པོ་དང་། །གནོད་སྦྱིན་གྱི་སྡེ་དཔོན་དང་། དམག
iiif viewer powered by OpenSeadragon
