| e-texts navigator |
| Wylie |
139a1 དུ་མངོན་པར་ཞུགས། །དེ་ལྟར་སྟོང་ཕྲག་བཅུ་དྲུག་ཀུན། །ཁ་དོག་སྣ་ཚོགས་ལྡན་པ་དག་།སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ
139a2 ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །གནོད་སྦྱིན་ཆུ་སྲིན་རྒྱལ་པོའི་ཁབ། །ཡངས་པ་ལ་ནི་རྟག་གནས་ཤིང་། །བརྒྱ་སྟོང་ཕྲག་ནི་མང་པོ་ཡི། །གནོད
139a3 སྦྱིན་བསྙེན་བཀུར་བྱེད་པ་དང་། །གང་དག་དེ་ཡི་འཁོར་རྣམས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །
139a4 ཀུན་གྱི་བཤེས་གཉེན་ལྡ་བརྒྱ་དང་། །རྫུ་འཕྲུལ་ཆེན་པོ་ཀུན་གྱི་ལྷ། །གང་དག་དེ་ཡི་འཁོར་རྣམས་དང་། །དེ་གཉིས་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི
139a5 ཚལ་དུ་མངོན་པར་ཞུགས། །ཤར་ཕྱོགས་མངོན་པར་སྐྱོང་བྱེད་པ། །རྒྱལ་ཆེན་གྲགས་དང་ལྡན་པ་ནི། །དྲི་ཟའི་བདག་པོ་རྒྱལ་པོ་སྟེ། །མིང་ནི་ཡུལ་འཁོར་སྲུང་ཞེས་བྱ། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣམས་དང་། །དེ་ཡང་འདུས
139a6 པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་ཅུ་དང་ནི་བཅུ་དང་གཅིག་།དེ་དག་མིང་མཐུན་གྲགས་པ་ནི། །
139a7 དབང་པོ་ཞེས་བྱ་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པར། །ཀུན་ཏུ་གཞན་གྱིས་མི་ཐུབ་པར། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ
iiif viewer powered by OpenSeadragon
