| e-texts navigator |
| Wylie |
137b1 མཛད་དེ། དེའི་ཚེ་ན་ཕྱོགས་བཅུ་ཀུན་གྱི་འཇིག་རྟེན་གྱི་ཁམས་དག་ནས། དབང་ཆེ་བར་གྲགས་པ་དབང་ཆེ་བར་གྲགས་པའི་ལྷ་དག་ལྷགས་ནས། བཅོམ་ལྡན་འདས་དང་དགེ་སློང་གི་དགེ་འདུན་ལ་བསྙེན་བཀུར་བྱེད་དོ། །དེ་ནས་ཚངས་རིས་ཀྱི་ལྷ་ཚངས་པའི་འཇིག་རྟེན་གནས་པ་བཞི
137b2 ཞིག་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་དེ་ནི་ཤཱཀྱ་རྣམས་ཀྱི་སེར་སྐྱའི་གནས་ཀྱི་ནགས་ཚལ་ན། དགེ་སློང་ལྔ་བརྒྱ་ཐམས་ཅད་ཀྱང་དགྲ་བཅོམ་པ་ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད
137b3 པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་ཤ་སྟག་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་ལ་མྱ་ངན་ལས་འདས་པ་དང་ལྡན་པའི་ཆོས་ཀྱི་གཏམ་སྟོན་པར་མཛད་དེ། དེའི་ཚེ་ན
137b4 ཕྱོགས་བཅུ་ཀུན་གྱི་འཇིག་རྟེན་གྱི་ཁམས་དག་ནས་དབང་ཆེ་བར་གྲགས་པ་དབང་ཆེ་བར་གྲགས་པའི་ལྷ་དག་ལྷགས་ནས་བཅོམ་ལྡན་འདས་དང་དགེ་སློང་གི་དགེ་འདུན་ལ་བསྙེན་བཀུར་བྱེད་ཀྱིས་བདག་ཅག་ཀྱང་སོང་ལ། བཅོམ་ལྡན་འདས་ལ་རེ་རེ་ནས་ཚིགས་སུ་བཅད་པས་མངོན་པར
137b5 བསྟོད་པར་བྱ་བ་གོར་མ་ཆག་སྙམ་མོ། །དེ་ནས་ཚངས་རིས་ཀྱི་ལྷ་བཞི་པོ་དག་འདི་ལྟ་སྟེ། དཔེར་ན་སྐྱེས་བུ་སྟོབས་དང་ལྡན་པས་ལག་པ་བསྐུམ་པ་ལས་བརྐྱང་བའམ། བརྐྱང་བ་ལས་བསྐུམ་པ་ཙམ་གྱིས་ཚངས་པའི་འཇིག་རྟེན་ནས་མི་སྣང་བར་གྱུར་ཅིང་། བཅོམ
137b6 ལྡན་འདས་ཀྱི་སྤྱན་སྔར་ལྷགས་ཏེ་ཕྱོགས་གཅིག་ཏུ་འཁོད་ནས། ཚངས་རིས་ཀྱི་ལྷ་གཅིག་གིས་ཚིགས་སུ་བཅད་དེ་གསོལ་པ། འདུས་པ་ཆེ་ལ་གཞོལ་བ་ཡི། །ལྷ་ཚོགས་ཀུན་ནས་ལྷགས་གྱུར་པས། །གཞན་གྱིས་མི་ཐུབ་དགེ་འདུན་ལ། །བལྟ་བའི་སླད་དུ་བདག
137b7 ཅག་མཆིས། །ཚངས་རིས་ཀྱི་ལྷ་གཉིས་པས་ཚིགས་སུ་བཅད་དེ་གསོལ་པ། དྲང་པོར་གྱུར་པའི་སེམས་ཀྱིས་ནི། །འདི་ན་དགེ་སྦྱོང་རབ་བརྩོན་པ། །ཁ་ལོ་པ་ལྟར་མིག་བླངས་ཤིང་། །དབང་པོ་རྣམས་ནི་ལེགས་སྡོམ་བགྱིད། །ཚངས་རིས་ཀྱི་ལྷ་གསུམ་པས་ཚིགས
iiif viewer powered by OpenSeadragon
