| e-texts navigator |
| Wylie |
137a1 སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏ་དྱ་ཐཱ། སྨྲྀ་ཏི་མ་ཏི་མ་ཏི། ཏེ་ཛ་བིདྱཱ། ཧུ་རུ་མེ་ཧུ་རུ་ཧུ་རུ་མེ་ཀྲྀཥྞ་ཧ་རུ་མེ་སྭཱ་ཧཱ། ཤུ་དག་ནག་པོ་ལ་སྔགས་འདི་ལན་བརྒྱ་རྩ་བརྒྱད་བཟླས་བརྗོད་བྱས་ཏེ་ཟོས་ན་གདོན་མི་ཟ་བར་ཐོས་པ་འཛིན་པར་འགྱུར་རོ། །ཐོས
137a2 པ་འཛིན་པའི་གཟུངས་རྫོགས་སོ། ། @#། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བའི་བླ་མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
137a3 བཅོམ་ལྡན་འདས་རྒྱལ་བའི་བླ་མའི་གཟུངས་སྔགས་ཀྱི་གཞི་འདི་གང་གིས་བཟུང་བས་ཆོས་ཐམས་ཅད་བཟུང་བ་དང་བཅས་པར་འགྱུར་རོ། །མི་ཁོམ་པ་བརྒྱད་ལས་འདས་པར་འགྱུར་རོ། །ཚེ་རབས་ཐམས་ཅད་དུ་ཡང་གནོད་སྦྱིན་དེ་ལ་བསྲུང་བ་དང་། བསྐྱབ་པ་དང་། སྦ་བར
137a4 བྱེད་ལ་དེ་ལ་ནད་ཐམས་ཅད་ཀྱིས་འཇིགས་པ་མེད་དོ། །སྱཱདྱ་ཐེ་དཾ། བུདྡྷེ་བུདྡྷེ། ཛ་ཡོཏྟ་ར། བོ་དྷ་ནི་བོ་དྷ་ནི། སཾ་བོ་དྷ་ནི། མ་ཧཱ་སཾ་བོ་དྷ་ནི། ཨ་དྷི་སམྦོ་དྷ་ནི། ཧ་ལ་ཧ་ལ་ཧ་ལ། ཧི་ལི་ཧི་ལི་ཧི་ལི། ཧུ་ལུ་ཧུ་ལུ་ཧུ་ལུ། སརྦ་བུདྡྷ། དྷརྨཱ་བ་བོ་དྷི་ནི། སྥུ་ཊ་སྥུ་ཊ་སྥུ་ཊ། སརྦ་པཱ་པ་ནི།
137a5 བུདྡྷ། ཨདྷིཥྛཱ་ནི་ན་སྭཱ་ཧཱ། འཕགས་པ་རྒྱལ་བའི་བླ་མའི་གཟུངས་རྫོགས་སོ།། @#། །རྒྱ་གར་སྐད་དུ། མ་ཧཱ་ས་མཱ་ཛ་སཱུ་ཏྲ་ན་ནཱ་མ་ཧཱ་སཱུ་ཏྲ། བོད་སྐད་དུ། མདོ་ཆེན་པོ་འདུས་པ་ཆེན་པོའི་མདོ་ཞེས་བྱ་བ། དཀོན་མཆོག
137a6 གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཤཱཀྱ་རྣམས་ཀྱི་སེར་སྐྱའི་གནས་ཀྱི་ནགས་ཚལ་ན། དགེ་སློང་ལྔ་བརྒྱ་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན
137a7 རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་ཤ་སྟག་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་ལ་མྱ་ངན་ལས་འདས་པ་དང་ལྡན་པའི་ཆོས་ཀྱི་གཏམ་སྟོན་པར
iiif viewer powered by OpenSeadragon
