| e-texts navigator |
| Wylie |
287a1 པར་འགྱུར། །བརྟུལ་ཞུགས་དེས་ནི་མཆོག་ཀྱང་འགྲུབ། །དེ་ནས་གཞན་ཡང་འདི་རུ་ནི། །དཔའ་བོ་ཞེས་བྱ་བརྟུལ་ཞུགས་འབྱུང་། །ལམ་མི་བཟུར་དང་མི་སྨྲ་བ། །སློང་མོ་ཟ་ཞིང་དབང་པོ་བསྡམས། །སེང་ལྡེང་དབྱུག་པ་འདོམ་གང་བ། །སྲ་བ་བཟང
287a2 པོ་ཐོགས་ནས་སུ། །གཤིན་རྗེ་མཐར་བྱེད་བཟོ་བྱེད་ཅིང་། །བགྲོད་དཀའ་བ་ཡི་ལམ་ནས་འགྲོ། །ཁྲོ་བོ་དཔའ་བོ་བརྟུལ་ཞུགས་དག་།དཔའ་བོ་གཟུགས་སུ་ཟླ་དྲུག་ཏུ། །སྒྲུབ་པ་གང་གིས་ཡང་དག་སྤྱོད། །དེ་ནས་དངོས་གྲུབ་མཆོག་ཀྱང་འཐོབ། །དཔལ་ལྡན་བརྟུལ
287a3 ཞུགས་སྤྱད་ནས་ནི། །དེ་ནས་སྒྲུབ་པ་ལ་ཞུགས་ནས། །གདོན་མི་ཟ་བར་དམ་པ་ཉིད། །དེ་ལྟར་དེ་ཉིད་མྱུར་དུ་འགྲུབ། །མི་བཟད་བརྟུལ་ཞུགས་བཟུང་བའོ། །བསྒྲུབ་པ་ལ་ནི་བདུད་ཀྱི་རིགས། །ལྷ་མོ་འདོད་པའི་གཟུགས་དག་དང་། །དེ་བཞིན་གཞན་གྱིས་ལུས་སུ
287a4 ནི། །རྣམ་པ་སྣ་ཚོགས་གཟུགས་དག་གིས། །དབང་པོ་བསྡམས་ལ་འཚེ་བར་བྱེད། །དེ་དང་ལྷན་ཅིག་སྨྲ་མི་བྱ། །ཅུང་ཟད་ཀྱང་ནི་ཆགས་མི་བྱ། །བྱང་ཆུབ་སེམས་དང་མཉམ་ལྡན་པ། །ཁྲོ་བོ་ལ་གཞོལ་ཟློས་བྱེད་པ། །གལ་ཏེ་དེ་ལྟར་འགྲོ་བ་ན། །མི་བཟད་པ་ཡི་གཟུགས
287a5 དག་གམ། །གཞན་ཡང་ཤིན་ཏུ་ངོ་མཚར་བ། །བདེ་གཤེགས་བསམ་པས་མཐོང་ན་ནི། །དེ་དག་གིས་ནི་འཇིགས་མི་བྱ། །གནོན་དང་སྡང་བར་བྱེད་ན་ནི། །བདེ་གཤེགས་ཀྱི་ནི་བཀའ་གཅོག་པ། །ཁྲོ་བདག་ཉིད་ནི་རྣམ་པར་འཇིག་།བདེ་གཤེགས་བསམས་པ
287a6 བསྒོམ་པ་ཡིས། །རྟུལ་ཕོད་པ་ཡི་དཔའ་བོ་ཡིས། །བརྟུལ་ཞུགས་འདི་ནི་བསྟེན་བྱ་བ། །དཔའ་བོས་བྱ་ཡིས་གཞན་དུ་མིན། །སྒྲུབ་པ་མཆོག་རྣམས་འདོད་པ་ཡིས། །ལྷ་ཡི་བརྟུལ་ཞུགས་གསུངས་པ་འདི། །ཇི་སྐད་གསུངས་པའི་ཚུལ་བཞིན་དུ། །ནན་ཏན
287a7 གྱིས་ནི་བསྟེན་པར་བྱ། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་ཁྲོ་བོའི་བརྟུལ་ཞུགས་རིམ་པར་ཕྱེ་བ་བདུན་པའོ།། །།
iiif viewer powered by OpenSeadragon
