| e-texts navigator |
| Wylie |
286b1 བའི་ཕྱག་རྒྱའི་རི་མོ་འདི། །དབེན་པའི་གནས་སུ་གཞག་པར་བྱ། །ཆོ་ག་ཤེས་པས་བེ་ཅོན་རྒྱ། །སྐུ་གཟུགས་འདི་ལ་བཟླས་པར་བྱ། །ཡང་ན་རོ་ལངས་ཕྱག་རྒྱ་ནི། །བཟླས་ན་ཕྱག་རྒྱའི་དངོས་གྲུབ་ཐོབ། །དབེན་ཞིང་འདུ་འཛི་མེད་པར་ནི། །བཞག་ནས་ཉིན་རེ་མཆོད
286b2 པར་བྱ། །ཡང་ན་ཕྱག་རྒྱའི་དཀྱིལ་འཁོར་དུ། །རྟག་ཏུ་རི་མོ་འདི་བཀྲམ་སྟེ། །མཉམ་གཞག་དངོས་གྲུབ་འདོད་པ་ཡིས། །མཆོད་པ་དང་ནི་བཟླས་པ་བྱ། །བདག་གིས་ཕྱག་རྒྱ་བསྒྲུབ་པ་ལ། །རི་མོ་ཚུལ་བཞིན་བཤད་པའོ། །དེ་ནས་གཤིན་རྗེའི་གཤེད་པོ་ཡི། །རི
286b3 མོ་གཞན་ཡང་བཤད་པར་བྱ། །སྔར་བསྙེན་བྱས་པའི་འོག་ཏུ་ནི། །མི་རོའི་གོས་བཟང་བཀྲུས་པ་ནི། །ཁྲུ་གང་ཚད་དུ་བྱས་པ་ལ། །ཚོན་རྩི་སྦྱིན་མེད་བཟང་པོ་ཡིས། །སྤྲིན་ནི་ནག་པོ་འདྲ་བ་ཡི། །ཁྲོ་བོ་དཔའ་བོ་གཅིག་བུ་ནི། །སྔ་མ་བཞིན་དུ་བྲི་བར་བྱ། །སྔར
286b4 བསྙེན་བྱས་པའི་འོག་ཏུ་ནི། །ཇི་ལྟར་རིགས་པར་བྲིས་ནས་ཀྱང་། །རབ་ཏུ་དབེན་པར་བཞག་ནས་སུ། །དེ་ནས་མཆོད་པའི་ཆོ་ག་བཞིན། །ཉིན་རེ་རྟག་ཏུ་མཆོད་ནས་ནི། །རབ་ཏུ་དབེན་པར་བཞག་ནས་ཀྱང་། །དེ་ཡི་འོག་ཏུ་བཟླས་པ་བརྩམ། །དེ་ནས་གཞན་ཡང་བཟླས
286b5 པ་ཡི། །ཆོ་ག་ཇི་སྐད་གསུངས་པ་བཤད། །རི་མོ་བཀྲམ་ནས་མཆོད་བྱས་ཏེ། །དེ་བཞིན་གཤེགས་པ་ཀུན་མཆོད་ནས། །ཀུ་ཤའི་སྟན་ལ་འདུག་ནས་ནི། །མཉམ་པར་བཞག་སྟེ་མི་སྨྲ་བར། །རི་མོ་གཅིག་པོ་ལ་བལྟས་ཤིང་། །མགོ་ནི་རྨ་བྱ་བཞིན་བཀུག་སྟེ། །
286b6 རུ་དྲཱ་ཀྵ་ཡི་ཕྲེང་བ་ཡིས། །ཅི་སྲིད་ཡིད་ནི་མི་སྐྱོའི་བར། །རྩེ་གཅིག་སེམས་ཀྱིས་བཟླས་བྱ་སྟེ། །སྐྱོ་ན་བཟླས་པ་གཏང་བར་བྱ། །དེ་ལྟར་འབུམ་ཕྲག་གསུམ་བཟླས་ནས། །བསྙེན་པ་བྱས་པའི་འོག་ཏུ་ནི། །དེ་ནས་རི་ཁར་གནས་བཅས་ཏེ། །རླུང་ཟ་ཞིང་ནི་བཟླས
286b7 བརྗོད་བྱ། །དངོས་གྲུབ་མཆོག་དགའ་འདོད་པ་ཡིས། །དེ་ནས་དེ་ཡི་བརྟུལ་ཞུགས་སྤྱད། །ཆོ་ག་ལས་གསུམ་མི་འདོད་ན། །སྔར་གསུངས་པ་ཡི་བཟླས་པ་ཡིས། །འབྲིང་དང་ཐ་མའི་དངོས་གྲུབ་དང་། །བརྟུལ་ཞུགས་མེད་པར་ལེགས་པར་ནི། །བསྒྲུབས་ན་དངོས་གྲུབ་ཐོབ
iiif viewer powered by OpenSeadragon
