| e-texts navigator |
| Wylie |
285a1 དོན་སྒྲུབ་པ། །སྐུ་གཟུགས་མཚན་ཉིད་བཤད་པར་བྱ། །སྔར་བསྙེན་ཆོ་ག་བཞིན་བྱས་ནས། །དེ་ནས་སྐུ་གཟུགས་བྱེད་དུ་གཞུག་།གསེར་རམ་ཡང་ན་དངུལ་ཡང་རུང་། །དེ་བཞིན་ཁར་བའམ་ཟངས་ལ་བྱ། །ར་གན་ཨིནྡྲ་ནཱི་ལ་དང་། །མཆིང
285a2 བུ་ཤེལ་དང་རིན་ཆེན་ཏེ། །རྒྱལ་སྲིད་འདོད་པས་གསེར་ལ་བྱ། །ལོངས་སྤྱོད་འདོད་པས་དངུལ་ལ་བྱ། །ནད་རྣམས་འཇིག་ཕྱིར་ཁར་བས་བྱ། །ཟངས་ནི་འདོད་པ་རབ་ཏུ་སྟེར། །དགྲ་རྣམས་གཤིག་ཕྱིར་ར་གན་ཏེ། །རང་གི་ལོངས་སྤྱོད་འཕེལ་བའི་ཕྱིར། །ིནྡྲ
285a3 ནཱི་ལ་དག་ལས་བྱ། །མཆོག་དང་འདོད་པ་ཐམས་ཅད་སྟེར། །མཆིང་བུ་རྣམ་པ་སྣ་ཚོགས་པས། །ནོར་སྟེར་བར་ནི་ཡོངས་སུ་བསྒྲགས། །དྲི་མེད་ཤེལ་ལས་བྱས་ན་ནི། །ཞི་དང་རྒྱས་པའི་མཆོག་རྣམས་སྟེར། །རིན་ཆེན་ལས་བྱས་རལ་གྲི་དང་། །ས་འོག
285a4 ལྷ་ཡི་དངོས་གྲུབ་སྟེར། །ཐམས་ཅད་གྲུབ་པར་བྱ་བའི་ཕྱིར། །ད་ནི་ཚད་རྣམས་བཤད་པར་བྱ། །གསེར་ལས་སོར་བརྒྱད་ཙམ་བྱས་ཏེ། །མཆོད་ན་རྒྱལ་སྲིད་དཔལ་ཡང་འཐོབ། །ལོངས་སྤྱོད་རྟག་པར་འདོད་པ་ཡིས། །དངུལ་ལས་སོར་བཅུའི་ཚད་དུ་བྱ། །ཁར
285a5 བ་དེ་བཞིན་ནད་སེལ་བ། །སོར་གྲངས་བཅུ་དྲུག་ཚད་དུ་བྱ། །སོར་ནི་ཉི་ཤུ་ཚད་དག་ཏུ། །ཟངས་ལས་བྱས་ཏེ་མཆོད་པར་བྱ། །ར་གན་གྱི་ཡང་ཟངས་བཞིན་དུ། །སོར་གྲངས་ཉི་ཤུ་གཉིས་ཀྱི་ཚད། །ིནྡྲ་ནཱི་ལས་བྱས་པ་ཡང་། །སོར་གྲངས་བཅུ་དྲུག་ཚད་དུ་བྱ། །
285a6 མཆིང་བུ་ལས་ནི་སོར་བརྒྱད་ཤིས། །ཤེལ་ལས་སོར་གྲངས་བཅུ་གཉིས་སོ། །རིན་ཆེན་སོར་ནི་བརྒྱད་པར་བྱ། །དེ་ལྟར་ཇི་སྐད་གསུངས་པ་ཡི། །སྐུ་གཟུགས་འདོད་པ་ཀུན་སྟོན་པའི། །དངོས་གྲུབ་འདོད་པས་ལེགས་པར་མཆོད། །ཡན་ལག་མ་ཉམས་གསལ་ལ
285a7 བཟང་། །རྟག་པར་བཟོ་བོ་མཁས་པས་བྱ། །མཚན་ཉིད་སྔ་མ་རྣམས་དང་ལྡན། །མཚོན་ཆ་བཟང་པོས་རྒྱས་པར་བྱས། །ལ་ཆིབས་ཞལ་ཡང་དྲུག་།སྤྱན་གསུམ་འཇིགས་པར་གཟིགས་པའི་ཚུལ། །གཟི་ཅན་ཕྱག་བཟང་བཅུ་གཉིས་པ། །ཞབས་ནི་གསལ
iiif viewer powered by OpenSeadragon
