| e-texts navigator |
| Wylie |
284b1 དུ་བསྙེན་ལ་སོགས་པའི་རིམ། །སྒྲུབ་པ་པོ་ལ་ཕན་པའི་ཕྱིར། །ཆོ་ག་འདིར་ནི་བཤད་པར་བྱ། །གཅིག་ཏུ་དཔའ་བའི་ཁྲོ་བོ་ཉིད། །བདུད་རྣམས་ཐམས་ཅད་ཚར་གཅོད་པ། །དངོས་གྲུབ་ཐམས་ཅད་རབ་སྩོལ་ཅིང་། །འཚེ་བ་ཐམས་ཅད་འཇིག་མཛད་པ། །
284b2 ཐོག་མར་ཁྲོ་བོའི་རྒྱལ་པོ་ཡི། །ཁྲུས་ཀྱི་ཆོ་ག་ཉིན་རེ་བྱ། །དེ་ནས་ཁྲོ་བོས་བསྐུལ་བ་ཡིས། །བསྲུང་བ་རང་གི་ལུས་ལ་བྱ། །བྷཾ་གི་ས་བོན་ལས་བྱུང་བའི། །ཡིད་ཀྱིས་པདྨོའི་སྟན་ལ་འདུག་།བདག་ཉིད་དེ་ཡི་སྟེང་དུ་ཡང་། །ས་བོན་ཧཱུ~ཾ་ལས་གྱུར
284b3 པའི་སྐུ། །བསྒོམ་པར་བྱས་ཏེ་བསྒོམས་ནས་ཀྱང་། །བདག་གི་སྤྱི་བོར་ཡི་གེ་ཨོཾ། །མིག་གཉིས་སུ་ནི་ཡི་གེ་ཨཱཿ། །བསྲུང་བར་བྱ་སྟེ་དེ་ནས་ཡང་། །སྔགས་ནི་ཡི་གེ་བཅུ་བདུན་པོ། །ཟློས་ཤིང་དེ་བཞིན་གཤེགས་དྲན་ནས། །རང་གི་ལུས་ལ་སྔར
284b4 བཀོད་པའི། །སྙིང་པོ་སྙིང་གར་གཞག་པར་བྱ། །དེ་ནས་ཁྲོ་བོའི་མཚོག་མ་ཡིས། །བདག་གི་མཚོག་མར་རེག་པར་བྱ། །ཁྲོ་བོ་གཙོ་བོའི་སྤྱི་གཙུག་ཀྱང་། །ཕྱིས་ནི་གཙུག་ཏུ་གཞག་པར་བྱ། །དེ་ནས་ལུས་ལ་གོ་ཆ་ཡང་། །ལག་པས་ཆོ་ག
284b5 བཞིན་དུ་བྱ། །དེ་ནས་བདག་གི་ལག་གཉིས་ལ། །བློ་དང་ལྡན་པས་མཚོན་ཆ་དགོད། །རང་གི་དམ་ཚིག་ལྡན་པའི་རྒྱ། །མཁས་པས་ཆོ་ག་བཞིན་བཅིངས་ནས། །ཁྲོ་བོ་གཙོ་བོའི་རོ་ལངས་མ། །བདག་གི་སྙིང་གར་གཞག་པར་བྱ། །དེ་བཞིན་བེ་ཅོན
284b6 ཕྱག་རྒྱ་ཡང་། །ཤིན་ཏུ་དྲག་པའི་མཚོན་ཆའི་གནས། །ལག་པ་གཡས་པས་བཅིངས་ནས་ནི། །ཁྲོ་བོའི་མཆོད་པ་འཇུག་པར་བྱ། །ཁྲོ་མཆོད་བཤད་པ་བཞིན་བྱས་པས། །འདོད་པ་ཐམས་ཅད་སྩོལ་བར་མཛད། །ཕལ་ཆེན་དཀྱིལ་འཁོར་དང་། །གཞན
284b7 ཡང་རྟག་པར་སྐུ་གཟུགས་དང་། །ཅི་སྲིད་བསྟན་པའི་རི་མོ་ལ། །ཡིད་ཀྱི་མཆོད་པ་བྱ་བར་བསྒྲགས། །ལྷ་ཡི་མེ་ཏོག་དྲི་ཞིམ་དང་། །བིལ་བའི་ལོ་མ་བཟང་པོ་དང་། །སྤོས་ཆུ་དག་གིས་ས་ལ་འམ། །ཡང་ན་སྐུ་གཟུགས་དག་ལ་མཆོད། །དགོས་པ་ཀུན་གྱི
iiif viewer powered by OpenSeadragon
