| e-texts navigator |
| Wylie |
284a1 མི་དབང་སླས་དང་བཅས་པ་འམ། །ཡང་ན་སྐྱེ་བོ་ཕལ་པའམ། །བ་ལང་རྟ་དང་ཤིང་རྟ་དང་། །འབྲས་བུའི་མེ་ཏོག་གང་ཡང་རུང་། །དེ་བཞིན་འདོད་པའི་རྫས་དག་ཀྱང་། །མཐོང་བའམ་ཡང་ན་ཐོས་པའང་རུང་། །དེ་ཡི་མིང་ཚིག་བསྐུལ
284a2 བ་དག་། དེ་ཚེ་དེས་ནི་འགུགས་པར་འགྱུར། །ཡུལ་གཞན་དག་ན་གནས་པ་ནི། །དཔག་ཚད་བརྒྱ་ན་འདུག་པ་ཡང་། །དམ་ཚིག་དག་གིས་བསྐུལ་ན་ནི། །ཞགས་པ་དེས་ནི་ངེས་པར་ཁུགས། །ཁྲོ་བོ་འཁྲུག་པ་རོ་ལངས་སམ། །ཁྲོ་བོ་རྣམ་རྒྱལ
284a3 ཆོ་ག་འདིར། །ཞགས་པས་གྲུབ་པའི་ལས་རྣམས་དང་། །མ་གྲུབ་གྲུབ་པ་གང་ཡིན་དེའི། །ལྷ་དང་ལྷ་མིན་གཉི་ག་དག་།དགུག་པས་ཆོ་གར་གསུངས་པ་སྟེ། །རོ་ལངས་མ་ཡི་ཆོ་ག་འདི། །ཚུལ་བཞིན་རིམ་པ་བཞིན་དུ་བཤད། །འཇམ་དཔལ་གྱི
284a4 རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་རོ་ལངས་མའི་ཆོ་ག་ཞིབ་མོ་རྣམ་པར་ཕྱེ་བ་སྟེ་དྲུག་པའོ། ། །།འདི་ནི་རོ་ལངས་ཆོ་ག་མཆོག་།རིག་པ་འཛིན་པ་རྣམས་ལ་ནི། །དངོས་གྲུབ་ཆེན་པོ་མཆོག་སྟེར་བ། །ཚུལ་བཞིན་མདོར་བསྡུས་བཤད་པ་ཡིན། །
284a5 དེ་ནས་ཁྲོ་བོའི་ཆོ་ག་ནི། །ཞིབ་མོ་རྨད་དུ་བྱུང་བའི་མཆོག་།ཁྲོ་བོའི་པདྨའི་ཞལ་ནས་བྱུང་། །ཡང་དག་རྒྱས་པར་བཤད་པར་བྱ། །སྔགས་ཀྱི་གྲངས་ནི་བཅུ་བདུན་པོ། །ཁྲོ་བོ་ཉིད་ཀྱིས་གསུངས་པ་གང་། །ཐོས་པ་ཙམ་གྱི་མོད་ལ་ཡང་། །ལྷ་དག
284a6 ཀུན་ཏུ་རྨོངས་པར་གྱུར། །འཇམ་པའི་དབྱངས་ཀྱིས་རབ་བསྐུལ་བ། །ཁྲོ་བོ་དེ་ཉིད་འབར་བ་ཡི། །བཟླས་པའི་གྲངས་ནི་ངེས་པ་དག་།ཆོ་ག་ཞིབ་མོ་འདིར་བཤད་བྱ། །ཐོག་མར་དྲུག་འབུམ་བཟླས་པས་ནི། །སྔོན་དུ་བསྙེན་པ་བྱས་པར་འགྱུར། །
284a7 དེ་ནས་བུ་དོན་ཆོ་ག་ཡི། །ཕྱིས་ཀྱང་དྲུག་འབུམ་བཟླས་པར་བྱ། །དེ་བཞིན་རི་རྩེར་འབུམ་བཟླས་ན། །གྲུབ་པར་འགྱུར་ཏེ་གཞན་དུ་མིན། །ཕྱིས་ནི་མཁས་པས་ཅི་འདོད་པར། །སྒྲུབ་པ་ལ་ནི་འཇུག་པར་བྱ། །དེ་ནས་ཁྲོ་བོ་རྣམ་རྒྱལ་གྱི། །སྔོན
iiif viewer powered by OpenSeadragon
