| e-texts navigator |
| Wylie |
283b1 གིས་ནི་ནམ་མཁའ་ལས། །རྫུ་འཕྲུལ་ཆེ་དང་ལྡན་པ་དང་། །ཞགས་པ་དེས་ནི་དྲངས་ནས་སུ། །འདོད་པའི་མཆོག་ནི་རབ་ཏུ་དབུལ། །གནོད་སྦྱིན་བུ་མོའམ་དྲི་ཟ་མོ། །ཡང་ན་ལྷ་ཡི་བུ་མོ་དག་།བདག་གི་དྲུང་དུ་སྐད་ཅིག་གིས། །ཞགས་པ་དེས་ནི་དྲངས་ནས་སུ། །དེ་ནས
283b2 རིག་པ་འཛིན་མཆོག་གིས། །ཡིད་དུ་འོང་བའི་ལས་རྣམས་བྱེད། །གལ་ཏེ་བསྒྲུབས་ན་དམན་པ་དག་།འདོད་པས་གདུངས་པར་གྱུར་པ་ནི། །དེ་ཚེ་ཞགས་པ་དེ་ཉིད་ཀྱིས། །ལྷ་ཡི་ངོ་བོ་བཀུག་ནས་ནི། །དོགས་པ་མེད་པར་བསྟེན་པར་བྱ། །འདོད་པས་གདུངས་ཀྱང
283b3 བུད་མེད་མིན། །དགའ་དང་མྱ་ངན་གྱིས་གདུངས་ན། །ནད་དང་གཙོ་བོས་སྨ་ཕབ་པ། །གཅིན་དང་རྡུལ་དང་དྲི་མ་ཅན། །མི་ཡི་བུད་མེད་རྟག་ཏུ་སྤང་། །གལ་ཏེ་འདོད་པས་གདུངས་གྱུར་ན། །ལྷ་ཡི་བུད་མེད་བསྟེན་པར་བྱ། །འོན་ཏེ་སེམས་དཔའ་ཆེན་པོ་དེ། །དེ་ཚེ
283b4 བརྩེ་ལྡན་མ་ཡིན་ན། །ལྷ་ཡི་དབང་ཕྱུག་དགེ་བ་དང་། །གནོད་སྦྱིན་གདུག་པ་དག་གིས་བསྐོར། །རང་གི་གཞལ་ཡས་ཁང་ན། །འདུག་ཅིང་གང་དུ་འདོད་པར་འགྲོ། །གཞལ་མེད་ཁང་ནི་བཟང་པོ་དག་།ལྷ་རྣམས་དེ་ལ་རབ་ཏུ་དབུལ། །བཅུད་ཀྱིས་ལེན་ནི་དུ་མ
283b5 དང་། །དཔག་བསམ་ཤིང་གི་འབྲས་བུ་ཡང་། །ལྷ་ཡི་དབང་ཕྱུག་མཉམ་ལྡན་པ། །དོགས་པ་མེད་པར་ཐོབ་པར་འགྱུར། །བཀྲེས་སྐོམ་ནད་ལས་ངེས་པར་ཐར། །རིག་པ་འཛིན་པ་ཀུན་གྱིས་མཆོད། །ཞགས་པ་འགུལ་ལམ་གཡོ་ན་ནི། །དངོས་གྲུབ་འདི་འདྲ་ཐོབ་པར
283b6 འགྱུར། །འགུལ་ལམ་གཡོས་སམ་གཞན་པ་དག་།གལ་ཏེ་གྲུབ་པར་མ་གྱུར་ན། །མ་གྲུབ་པ་ཡི་ཞགས་པས་ཀྱང་། །འཇིག་རྟེན་པ་ཡི་ལས་རྣམས་བྱ། །སྐྱེས་པའམ་ཡང་ན་བུད་མེད་དག་།ཡིད་ལ་འདོད་པ་བསམས་ནས་ནི། །མཚན་མོ་ཞགས་པ་དེ་བརྐྱང
283b7 སྟེ། །དེ་ནི་དེ་ན་ཕྱོགས་སུ་བཟླས། །བསྒྲུབ་བྱ་མིང་ནི་ཚིག་དང་བཅས། །དེ་ནི་ཚིག་གིས་མཇུག་ཏུ་སྦྱར། །ཞགས་པ་གང་ན་འདུག་པ་དེར། །ནམ་མཁའ་ལས་ནི་བྱ་བཞིན་དུ། །བདག་གི་དྲུང་དུ་སྐད་ཅིག་གིས། །ཐེ་ཙོམ་མེད་པར་འོང་བར་འགྱུར། །
iiif viewer powered by OpenSeadragon
