| e-texts navigator |
| Wylie |
283a1 སྡུག་པ། །དེ་འདིར་དེ་བཞིན་གཞན་དུ་མིན། །མཁས་པ་ཡིས་ནི་གིའུ་ཝང་དག་།ངེས་པར་བདག་གི་ཁྲག་དང་སྦྱར། །ལན་གྲངས་མང་དུ་སྦྱར་ནས་ཀྱང་། །མཁས་པས་དེ་ནི་ཐོད་པར་གཞག་།དེ་ནས་ཟླ་བ་གཟས་ཟིན་ཚེ། །ཟླ་བ
283a2 ལ་ནི་མིག་བལྟས་ཤིང་། །བཏང་གི་བར་དུ་ལེགས་པར་བཟླས། །ནང་པར་བདག་གིས་དཔྲལ་བ་ལ། །ཐིག་ལེ་གཅིག་ནི་བྱས་ནས་ཀྱང་། །དེ་ནས་རྒྱལ་པོའི་འཁོར་དུ་འགྲོ། །འགྲོ་བ་དབང་བྱེད་སྦྱོར་བ་འདི། །མདོར་བསྡུས་ནས་ནི་བཤད་པ་སྟེ། །
283a3 རྒྱུ་དང་མི་རྒྱུ་འཇིག་རྟེན་དག་།མཐོང་བ་ཡིས་ནི་དགའ་བར་འགྱུར། །འདི་ནི་འཇིག་རྟེན་པ་རྣམས་ཀུན། །དགའ་བར་བྱེད་པ་བསྟན་པ་ཡིན། །དེ་ནས་དགུག་པའི་ཆོ་ག་ཡང་། །འཇམ་དབྱངས་མགོན་པོ་གཅིག་པུ་ཡིས། །ཁྲོ་བོའི་ཞལ་ནས་གསུངས
283a4 པ་དག་། མདོར་བསྡུས་ནས་ནི་བཤད་པར་བྱ། །བུད་མེད་བུ་མོ་ཤི་སྐྲ་ལས། །མར་གྱི་བརྒྱད་ལ་ནན་ཏན་དུ། །ཞགས་པ་ལེགས་པར་བཀལ་བྱས་ཏེ། །དེ་ནས་ཐོད་པའི་ནང་དུ་གཞུག་།དེ་ནས་ཟླ་བ་གཟས་ཟིན་པར། །འགྱུར་བའི་བར་དུ་ཉིན་རེ་བཟླས། །
283a5 ཟླ་བ་གཟས་ཟིན་གྱུར་པ་དང་། །ཆུ་འགྲམ་གཙང་མ་དག་ཏུ་ཡང་། །དེར་ནི་ཕལ་ཆེན་གྱི། །དཀྱིལ་འཁོར་དེས་བྲིས་མཆོད་པ་བྱ། །ཁྲོ་བོའི་གཙོ་བོས་གསུངས་པ་ཡིས། །རོ་ལངས་ཁྲོ་བོ་ལྡན་པ་ལ། །གཏོར་མ་རྒྱ་ཆེན་བྱས་ནས་ནི། །དེ་ནས
283a6 ཕྱི་རོལ་འབྱུང་པོ་ལའོ། །དེ་ནས་དེ་ལ་ལག་གིས་མནན། །མི་ཐོད་ནང་དུ་འདུག་པ་ཡི། །ཞགས་པ་ཅི་སྲིད་གཡོ་བའི་བར། །ཟླ་བ་ལ་བལྟས་བཟླས་བརྗོད་བྱ། །དེ་ནས་གྱེན་དུ་འཕར་ན་ནི། །བསྒྲུབ་པ་ལ་ནི་འགྲུབ་ཅེས་བྱ། །དེ་ཚེ་ཞགས་པ་བླངས་ནས་ནི། །འཇིག
283a7 རྟེན་ལྷ་རྣམས་སྐད་ཅིག་གིས། །བསམས་པས་དེ་ཡི་དྲངས་ནས་ནི། །དེ་ནས་རིག་པ་འཛིན་པ་ཡིས། །ཡིད་ཀྱིས་བསམས་སམ་ཚིག་གིས་ཀྱང་། །གང་དང་གང་འདོད་ལེགས་པར་བྱེད། །བརྒྱ་བྱིན་ལ་སོགས་ལྷ་རྣམས་ཀྱང་། །དེ་ཡི་བཀའ་བཞིན་ངེས་པར་བྱེད། །སྐད་ཅིག
iiif viewer powered by OpenSeadragon
