| e-texts navigator |
| Wylie |
282b1 དཀར་པོའི་ཆུས་བཏབ་ནས། །རྒྱ་མཚོར་འགྲོ་བའི་ཆུ་ནང་དུ། །ཞུགས་ནས་རེ་རེ་ལ་བཟླས་ཤིང་། །བརྒྱ་རྩ་བརྒྱད་ནི་དོར་བར་བྱ། །འོན་ཀྱང་བདག་གམ་གཞན་ཡང་རུང་། །མཚུངས་པ་མེད་པ་ཞི་བར་འགྱུར། །རྒྱལ་པོའི་ཡུལ་ལམ་ལྗོངས་དག་གམ། །གྲོང་ངམ་ཡང་ན་གྲོང
282b2 ཁྱེར་དག་། ཞི་བའི་ལས་དེ་བྱས་པ་ཡིས། །ཞི་བར་འགྱུར་བ་གདོན་མི་ཟ། །དེ་ནས་རྒྱས་པའི་ལས་རྣམས་ཀྱང་། །ཚུལ་བཞིན་དུ་ནི་བཤད་པར་བྱ། །མཆོད་རྟེན་ལ་མཆོད་སྣ་ཚོགས་པ། །བྱས་ནས་དེ་ཡི་མདུན་འདུག་སྟེ། །རོ་ལངས་ཕྱག་རྒྱ་ཆེན་པོ་ནི། །རྫོགས
282b3 སངས་རྒྱས་ཀྱིས་མཆོད་པ་བཟླས། །གལ་ཏེ་མཆོད་རྟེན་རིང་བསྲེལ་ཅན། །ཡིན་ན་དེ་མ་ཐག་ཏུ་འགྱུར། །བསྒྲུབ་བྱའི་མིང་སྨོས་བཟླས་ན་ནི། །སྐྱེས་པ་བུད་མེད་རྒྱས་པར་འགྱུར། །དམ་ཆོས་མཆོད་རྟེན་མདུན་དུ་ནི། །ཆོ་ག་བཞིན་དུ་ཁྲི་བཟླས་ན། །ཅི་སྲིད་རྒྱས་པར
282b4 འགྱུར་གྱི་བར། །དེ་སྲིད་རྒྱས་ཕྱིར་རིམ་གྱིས་བཟླས། །དེ་བཞིན་གཤེགས་པའི་མཆོད་པ་དག་།མཁས་པས་མཆོད་རྟེན་ཀུན་ལ་བྱ། །རིང་བསྲེལ་ཅན་ལ་ཆོ་ག་བཞིན། །ཁྱད་པར་དུ་ནི་བཤད་པར་བྱ། །ཐོག་མར་མཆོད་རྟེན་དྲུང་དུ་ནི། །མཁས་པ་དག
282b5 གིས་དཀྱིལ་འཁོར་བྱ། །དེ་ནས་དེར་ནི་མེ་ཏོག་དག་།ཤིན་ཏུ་ཡིད་འོང་དགྲམ་པར་བྱ། །མེ་མར་རབ་ཏུ་འབར་བ་བརྒྱད། །མཁས་པས་དེ་ལ་དབུལ་བར་བྱ། །ཤིན་ཏུ་ཡིད་འོང་ཆུ་དང་བཅས། །སྣ་ཚོགས་པ་ཡི་བཤོས་ཕུལ་ནས། །གུ་གུལ་བདུག་པ་ཕུལ
282b6 ནས་ནི། །བྱང་ཆུབ་སེམས་དང་ལྡན་པ་ཡིས། །དེ་བཞིན་གཤེགས་པ་ཐམས་ཅད་ལ། །ཞེ་སར་བཅས་པས་ཕྱག་བྱས་ནས། །མཆོད་རྟེན་ལ་ནི་མངོན་ཕྱོགས་ཏེ། །ཞི་དང་རྒྱས་ཕྱིར་བཟླས་པར་བྱ། །དམ་པའི་ཆོས་ཀྱང་བཀླག་པ་དང་། །དུས་དུས
282b7 སུ་ཡང་མཆོད་རྟེན་བྱ། །དེ་ལྟར་ཉིན་མཚན་ཕྱེད་བྱས་ན། །ཞི་བ་དག་དང་རྒྱས་པར་འགྱུར། །རྒྱས་པའི་ལས་ནི་བཤད་ཟིན་ཏོ། །གཞན་ཡང་སྒྲུབ་པ་པོ་ལ་ནི། །འཇིག་རྟེན་ཐམས་ཅད་ངེས་པར་ཡང་། །དགའ་བར་འགྱུར་བ་བཤད་པར་བྱ། །ཇི་ལྟར་མ་ལ་བུ
iiif viewer powered by OpenSeadragon
