| e-texts navigator |
| Wylie |
282a1 ནི་བྱེད་པར་འགྱུར། །མེ་ཏོག་དཀར་ལ་ཐལ་བ་དེས། །ལན་རེ་དག་ཏུ་བསྐུས་ནས་ནི། །ནམ་མཁར་གཏོར་ན་ངེས་པར་ཡང་། །རྫོགས་པའི་སངས་རྒྱས་སྟོན་པར་འགྱུར། །ཐལ་བ་དེ་ཡིས་སྔ་མ་བཞིན། །མེ་ཏོག་སེར་པོ་ལ་བསྐུས་ཏེ། །དེ་བཞིན་ནམ
282a2 མཁའ་ལ་གཏོར་ན། །འདོད་ཆགས་བྲལ་བ་སྟོང་དག་དང་། །ཉིད་ཀྱི་གནས་བཅས་སངས་རྒྱས་ཀུན། །སྟོན་པར་བྱེད་དེ་གཞན་དུ་མིན། །མེ་ཏོག་དཀར་པོས་འཇིག་རྟེན་པའི། །ལྷ་རྣམས་ཀྱང་ནི་སྔ་མ་བཞིན། །གང་དང་གང་གི་འདོད་པ་དག་།ཡིད་ལ་བསམ་པས
282a3 སྟོན་པར་བྱེད། །མེ་ཏོག་སྔོན་པོས་དེ་བཞིན་དུ། །གནོད་སྦྱིན་སྲིན་པོ་སྔ་མ་བཞིན། །མཁའ་འགྲོ་གྲུལ་བུམ་དང་། །ཡང་ན་གང་དང་གང་འདོད་པའོ། །ཆུ་ལས་ལན་བདུན་བཟླས་པ་ནི། །གྱེན་དུ་གཏོར་ནས་ངེས་པར་ཡང་། །མིག་འཕྲུལ་སླར་ཡང
282a4 བསྡུ་བར་བྱ། །ཡང་ན་ཁུ་ཚུར་བཅངས་པས་སོ། །ཁྭ་ཡི་སྒྲོ་བདུན་མི་རུས་ཀྱི། །ཡུ་བ་དག་ལ་བཅིངས་ནས་སུ། །དེ་ལ་ཐལ་བ་དེ་བསྐུས་ཏེ། །མིག་འཕྲུལ་བསམ་ལ་ཅི་འདོད་པར། །ཚོགས་ཀྱི་ནང་དུ་བསྐོར་ནས་ནི། །མཚོ་དང་རྒྱ་མཚོ་རྒལ་བ་དང་། །དེ་བཞིན
282a5 ཁང་པ་ལི་བ་དང་། །གཡུལ་དང་འཁྲུག་ཅིང་འཆི་བ་དང་། །ལྟད་མོ་ཆེན་པོ་མཆོག་རྣམས་ནི། །རབ་ཏུ་སྦྱར་བ་སྟོན་པར་འགྱུར། །ཁུ་ཚུར་བཅངས་པས་དེ་བཞིན་སྡུད། །ས་ཡི་འོག་ཀྱང་སྟོན་པ་དང་། །འགྲོ་བ་མང་པོ་འདུས་པ་དང་། །གྱེན་དུ་འགྲོ་དང་དེ་བཞིན
282a6 འཁྲུག་། རང་གི་དཔུང་དང་རྒྱ་མཚོའང་འཁྲུག་།མཇུག་མ་དེ་དང་ཐལ་བ་ཡིས། །གཞན་ཡང་གང་དང་གང་འདོད་པ། །དེ་དག་ངེས་པར་བྱེད་པར་འགྱུར། །ཁུ་ཚུར་བཅངས་པས་དེ་བཞིན་སྡུད། །དེ་ལྟར་མིག་འཕྲུལ་མདོར་བསྡུས་པ། །ཇི་སྐད་བཤད་པ་དེ
282a7 བཞིན་བྱ། །རོ་ལངས་དེ་ཡི་ངོ་བོ་ཉིད། །ཞི་བའི་ཕྱིར་ནི་ཚུལ་བཞིན་བཟླས། །བདག་གམ་འོན་ཏེ་གཞན་ཡང་རུང་། །བསྒྲུབ་བྱ་ཞི་བའི་ཚིག་སྨོས་ཏེ། །སྟོང་རྩ་བརྒྱད་དུ་བཟླས་བྱས་ནས། །མེ་ཏོག་དཀར་པོ་བཟང་པོ་ནི། །བསུང་ཞིམ་ཡིད་དུ་འོང་བ་དག་།ཙནྡན
iiif viewer powered by OpenSeadragon
