| e-texts navigator |
| Wylie |
281b1 དེ་ནས་བསྐྲད་པར་འདོད་པ་ཡིས། །བསྒྲུབ་པར་བྱ་བའི་སྒོ་ཀར་ནི། །ཕུར་བུ་དེ་ནི་གདབ་པར་བྱ། །འདི་ནི་སྐྲོད་པའི་མཆོག་ཏུ་གསུང་། །འོན་ཀྱང་བརྒྱ་བྱིན་སྟོབས་ལྡན་པའི། །བསྒྲུབ་པར་བྱ་བའང་བསྐྲད་པར་འགྱུར། །དེ་ནས་གཞན་ཡང་གཅིག་ལ་གཅིག་།འཐབ་དང
281b2 རྩོད་པ་བཤད་པར་བྱ། །དཀོན་མཆོག་གསུམ་ལ་གནོད་བྱེད་པར། །རིག་ནས་ཅི་ལྟར་འདོད་པ་ནི། །དེ་དག་རང་གི་ཕྱོགས་འཁྲུགས་པར། །སྔགས་པས་ཇི་སྐད་གསུངས་བཞིན་བྱ། །བ་ར་ཧེ་དང་རི་ཙི་ར། །པ་ཏྲ་དང་ནི་ཀེ་ཤི་ནི། །དེ་བཞིན་ཐ་མ་སུ་ཀ་རི། །རྫོགས་པའི
281b3 བྱང་ཆུབ་བཞུགས་བཞུགས་པ། །མཐུ་ཆེན་སྨན་ནི་འདི་རྣམས་ལས། །གང་ཡང་རུང་བ་གཅིག་བླངས་ཏེ། །ལོ་མ་རླུང་གིས་བཏབ་པར་སྦྱར། །དེ་བཞིན་བ་ལ་ཀ་ཏ་དང་། །གོ་སྙོད་ནག་པོ་ལྡོང་རོས་དག་།འདི་དག་བཏགས་ཏེ་ཕྱེ་མར་བྱ། །མི་ཡི་ཚིལ་གྱིས་སྦྲུས་ནས་སུ། །
281b4 རོ་ལངས་སྟོང་རྩ་བརྒྱད་དུ་བཟླས། །ནམ་ལངས་པ་རུ་གྱུར་པ་དང་། །གདུག་པ་འཁྲུག་པར་བྱེད་ཅེས་བྱ། །གང་གིས་བསྣམས་ཏེ་དེ་དག་ནི། །རང་གི་ཕྱོགས་རྣམས་ཕན་ཚུན་འཁྲུག་།གཅིག་ལ་གཅིག་ཀྱང་འཐབ་པར་འགྱུར། །ཡུལ་འཁོར་དང་ནི་གྲོང་ཁྱེར་དང་། །དཔུང་ལ་གནོད
281b5 པ་བྱ་བའི་ཕྱིར། །ཕན་ཚུན་གསོད་པར་བྱ་བ་ལ། །གདུག་པ་འདི་ནི་སྦྱར་བར་བྱ། །ཕན་ཚུན་འཐབ་ཅིང་གསོད་པ་དག་།ཅི་རིགས་བསྟན་པ་འདི་ཡིན་ནོ། །དེ་ནས་གཞན་ཡང་མིག་འཕྲུལ་གྱི། །ཆོ་ག་ཚུལ་བཞིན་བཤད་པར་བྱ། །དུར་ཁྲོད་དག་གི་ཐལ་བ་ཡིས། །མིག
281b6 འཕྲུལ་དངོས་པོ་འགྲུབ་པར་འགྱུར། །མི་ཐོད་བཟང་པོར་ཐལ་བ་དང་། །རི་བོང་དག་གི་ཁྲག་བླུགས་ཏེ། །ཕལ་ཆེན་དཀྱིལ་འཁོར་གྱི། །ཇི་སྐད་གསུངས་པ་བྲིས་པ་བཞག་།དེ་ཡི་ནང་དུ་རོ་ལངས་ལ། །མཆོད་པ་ཆེན་པོ་བྱས་ནས་ནི། །དེར་ཡང་ལྷོ་ཕྱོགས་སྒོ་དག་ཏུ། །
281b7 ཞུགས་ཐབ་ཏུ་ནི་མེ་བུས་ཏེ། །དེ་ནས་ཐལ་བ་དེ་ལ་ནི། །མར་གྱིས་བདུགས་ཏེ་སྦྱིན་སྲེག་བྱ། །དེ་ནས་ཐལ་བ་དེ་ལ་ཡང་། །སྟོང་རྩ་བརྒྱད་དུ་བཟླས་བྱས་ཏེ། །སྟོང་རྩ་བརྒྱད་པོ་དེ་ཉིད་ཀྱིས། །ནམ་ལངས་པར་ནི་ངེས་པར་ཡང་། །མཁས་པས་མིག་འཕྲུལ་རྩེད་མོ་རྣམས། །ཐལ་བ་དེས
iiif viewer powered by OpenSeadragon
