| e-texts navigator |
| Wylie |
279a1 ནི་གིའུ་ཝང་གིས། །ཁྲོ་བོས་མཐར་བྱས་རོ་ལངས་བྲི། །མཁས་པས་མཆོད་རྟེན་འོག་ཏུ་གཞག་།དེ་ནས་ཟླ་བ་གཟས་ཟིན་པའི། །ནུབ་མོ་ཕལ་ཆེན་གྱི། །དཀྱིལ་འཁོར་མཚོ་འགྲམ་བྲིས་ནས་བཟླས། །དེ་ནས་གྲུབ་ཕྱིར་སྔགས་པ་ཡིས། །མཇུག་མ་དེ་ལ་ཡིད
279a2 གཏད་ནས། །ལག་པ་གཡོན་པས་བཟུང་ནས་ནི། །ཟླ་བ་དེ་ལ་བལྟ་ཞིང་བཟླས། །སེམས་ནི་བདུད་ཀྱིས་མ་འཁྲུགས་པའི། །སེམས་དཔའ་ཆེན་པོ་ཁ་ཅིག་ལ། །དྲོད་དང་དུད་འཐུལ་འབར་བ་དག་།མཇུག་མ་དེ་ལས་འབྱུང་བར་འགྱུར། །དྲོ་བར་གྱུར་པ་མཐོང་ན་ནི། །བྱང་ཆུབ་སེམས
279a3 དཔའ་འདྲ་བ་ཡིས། །སེམས་ཅན་རྣམས་ནི་ཐམས་ཅད་ལ། །དེས་ནི་ཕན་འདོགས་གནོད་པ་ནུས། །མཇུག་མ་བཟང་པོ་དེ་ལས་ནི། །དུ་བ་འབྱུང་བ་མཐོང་ན་ཡང་། །མྱུར་དུ་མི་སྣང་བར་ཡང་འགྱུར། །འདོད་པའི་གཟུགས་ཅན་ཡིད་མགྱོགས་བཞིན། །རྒས་པ་དང་ནི་འཆི་བ་མེད། །
279a4 གནོད་སྦྱིན་རྣམས་ནི་ཡོངས་སུ་བསྐོར། །སེམས་ཅན་ཆེན་པོ་དེ་ཡི་གཟིས། །གལ་ཏེ་དེ་ནི་འབར་འགྱུར་ན། །རིག་འཛིན་དཔལ་དང་ལྡན་པར་འགྱུར། །ནམ་མཁའ་ལ་ནི་མྱུར་དུ་འགྲོ། །བདེ་བ་ཀུན་དང་ལྡན་པ་ཡིས། །རིག་འཛིན་རྣམས་ཀྱི་མཆོག་ཏུ་འགྱུར། །གལ་ཏེ་ཟླ་བ་གཟས
279a5 བཏང་ལ། །དེ་ཚེ་གྲུབ་པར་མ་གྱུར་ནའང་། །མཇུག་མ་ལན་ཅིག་བསྐོར་བ་ཡིས། །དཔུང་རྣམས་གནོན་པའི་དངོས་གྲུབ་དང་། །གང་ཡང་རུང་བ་གཅིག་ཀྱང་གནོན། །མྱོས་པས་དྲེགས་པའི་གླང་པོ་དང་། །སྟག་དང་སེང་གེ་ཝ་རྣམས་དང་། །རྟ་དང་ཤིང་རྟ་བྱ་རྣམས་དང་། །གྲུ་དང་གྲུ
279a6 ཆེན་བཞོན་པ་རྣམས། །བསྐོར་ན་ཐམས་ཅད་གནོན་པར་བྱེད། །མནན་པ་དག་ལས་ཐར་བར་ཡང་། །མཇུག་མ་འདིས་ནི་གདོན་མི་ཟ། །དེ་ནས་གཞན་ཡང་རོ་ལངས་ཀྱིས། །རྨུགས་པར་བྱ་བ་གསང་བར་བཤད། །དེ་ནས་ཚིལ་ཆེན་བླངས་ནས་ནི། །དེ་ཡང་ཐོད་པའི་ནང་དུ་གཞག་།
279a7 ཨེ་ཤྭ་མ་ར་དམར་པོ་ཡི། །ཤིང་བལ་འཇམ་པོའི་སྙིང་པོ་བྱ། །གདོལ་པའི་མེ་ཡིས་འབར་བྱས་ན། །ཉི་མ་ཟླ་བ་གཟས་ཟིན་ཚེ། །ཐོད་པའི་དུད་པ་བླངས་ནས་ནི། །ཟླ་བའམ་ཡང་ན་ཉི་མ་དག་།བཏང་བའི་བར་དུ་བཟླས་པར་བྱ། །ཡང་ན་ཨརྒའི་ཤིང་བལ་ལས། །དེ་ཡི་འོག་ཏུ་ལྕགས
iiif viewer powered by OpenSeadragon
