| e-texts navigator |
| Wylie |
278a1 འཁོར་དུ། །རོ་ལངས་ཕྱག་རྒྱ་རང་སྔགས་དང་། །ལྡན་ན་མྱུར་དུ་ཁྲོ་བོ་ནི། །ངེས་པར་བྱིན་གྱིས་རློབ་པར་མཛད། །དཔའ་བོ་དག་གི་སྦྱོར་བར་ནི། །སྔར་བསྙེན་ལ་སོགས་བྱེད་ན་ཡང་། །སྒྲུབ་པ་པོར་ནི་འདོད་པ་བཞིན། །ཁྲོ་བོ་ངེས་པར་མྱུར་དུ་འགྲུབ། །
278a2 ཡང་ན་རོ་ལངས་ཕྱག་རྒྱ་འདི། །སྐྱེས་བུ་སེམས་ནི་མི་དཔའ་བས། །ཧ་ཧར་གྱུར་པའི་དཀྱིལ་འཁོར་དུ། །བདག་ཉིད་ཀྱིས་ནི་དམ་ཚིག་གིས། །མཁས་པས་བཟུང་ནས་བཟླས་པར་བྱ། །འདི་ཉིད་ཀྱིས་ཀྱང་དབང་བསྐུར་ནས། །ཅི་ལྟར་ནུས་པས་གང་དུའང་རུང་། །ཁྲོ་བོ་མཆོག་གིས་རི
278a3 མོའམ། །དཀྱིལ་འཁོར་ཆོ་ག་བཞིན་བྱས་པའམ། །དེ་བཞིན་སྐུ་གཟུགས་གཞན་ཡང་རུང་། །ཡིད་དང་དབང་པོ་བསྡམས་བྱས་ཏེ། །ཐོག་མར་ཚིག་འབུམ་བཟླས་པར་བྱ། །དེ་ལྟར་སྔོན་དུ་བསྙེན་པ་ནི། །ཅི་ལྟར་འདོད་པར་བྱས་ནས་གདོད། །ཕྱི་ནས་སྨྱུང་བ་བྱས་ནས་དེ། །རོ་ལངས
278a4 ཕྱག་རྒྱ་བསྒྲུབ་ལ་འཇུག་། ཧ་ཧར་གྱུར་པའི་དཀྱིལ་འཁོར་ནི། །ཆོ་ག་བཞིན་དུ་དུར་ཁྲོད་བྲི། །ཡང་ན་སེམས་ནི་མི་དཔའ་བས། །དུར་ཁྲོད་ཐལ་བས་ཁྱིམ་དུ་བྲི། །ཁྱིམ་དེ་སྟོང་པ་ཡིན་ཡང་རུང་། །གལ་ཏེ་ཁྱིམ་དེ་མི་སྟོང་ན། །ཧ་ཧར་གྱུར་པ་མཐོང་བ་དང་། །ཞག་བདུན་ལོན་མ་ཐག
278a5 ཏུ་འཇིག་། དེ་ནས་མང་པོ་ལས། །གསང་བའི་མཆོད་པ་ཅི་རིགས་བྱས། །དེ་ནས་ལྷོ་ཕྱོགས་སྒོར་འདུག་སྟེ། །བྱང་གི་ཕྱོགས་སུ་ཁ་བལྟས་ལ། །རང་གི་དམ་ཚིག་ལས་གསུངས་པའི། །རོ་ལངས་ཕྱག་རྒྱ་བཅིངས་ཏེ་བཟླས། །ཟླ་བ་མར་གྱི་ཚེས་བརྒྱད་ལ། །བློ་ལྡན
278a6 ཆོ་ག་ཤེས་པ་ཡིས། །མཚན་མ་བསྟན་ཅིང་འདུག་ནས་ནི། །ཉི་མ་ཤར་གྱི་བར་དུ་བཟླས། །དེ་ནས་ཁྲོ་བོས་དགོངས་པ་ཡིས། །རོ་ལངས་ལྷ་མོ་འགྲུབ་པར་འགྱུར། །ཁྲོ་བོ་ལྷ་ཡི་སྔགས་དག་དང་། །བསྐུལ་བའི་ཚིག་ནི་མཆོག་རྣམས་ཀྱིས། །ཇི་སྐད་གསུངས་པའི་ལས་རྣམས
278a7 ནི། །ཐམས་ཅད་དེ་ནས་བྱེད་པར་འགྱུར། །བེ་ཅོན་ཞེས་བྱ་ཕྱག་རྒྱ་ལའང་། །དེ་དག་ཉིད་ལ་མྱུར་དུ་སྦྱར། །སྦྱར་ན་དོགས་པ་མེད་པར་ཡང་། །འདི་ནི་དེ་དག་བྱེད་པར་འགྱུར། །རོ་ལངས་ཕྱག་རྒྱ་སྒྲུབ་པ་བྲི། །སྔགས་པ་རྣམས་ལ་འདིར་གསུངས་སོ། །དེ་ནི་ཞན་པའི་སེམས
iiif viewer powered by OpenSeadragon
