| e-texts navigator |
| Wylie |
277b1 དེ་ནི་གཡོ་བར་འགྱུར། །ཧ་ཧར་གྱུར་པ་འཁྲུགས་པ་དང་། །དེ་བཞིན་ཧ་ཧའི་སྒྲ་ཡང་འབྱིན། །དེ་ནས་བདག་གིས་ལངས་པ་ལ། །མཚོན་ཆ་རྣོན་པོ་འབར་བ་ཡིས། །བཅད་པའི་ཤ་དང་ཁྲག་བཅས་པའི། །མཆོད་ཡོན་དེ་ལ་དབུལ་བར་བྱ། །རིག་པ་འཛིན་པ་དེ་ཡི་ནི། །སེམས
277b2 ཀྱི་དྲོད་ནི་དེ་ཤེས་ནས། །མཆོད་ཡོན་བླངས་ཏེ་དཀྱིལ་འཁོར་ནི། །ཧ་ཧར་གྱུར་པ་འཇིགས་པར་བྱེད། །དེ་ནས་བདག་ཉིད་ཆེན་པོ་དེ། །འཇིགས་སུ་རུང་བའི་གཟུགས་མཐོང་ནས། །གཤིན་རྗེའི་གཤེད་པོ་དཔའ་བོ་ཡི། །རོ་ལངས་ཕྱག་རྒྱ་བསྟན་པར་བྱ། །དེ་ནས་གཤིན
277b3 རྗེའི་གཤེད་པོ་ནི། །ལུས་ལ་གནས་པ་དེས། །རོ་ལངས་ཉིད་ཀྱི་རྒྱ་མཐོང་ནས། །རིག་པ་འཛིན་པ་དེ་ཡི་ནི། །སེམས་དྲོད་རིག་ནས་འདོད་པའི་མཆོག་།སྦྱིན་པར་བྱེད་ལ་གདོན་མི་ཟ། །ཁྲོ་བོའི་རྒྱལ་པོ་སླར་གཤེགས་ནས། །མི་རོ་ས་ལ་འགྱེལ་བར་འགྱུར། །དེ་ཡི་ལུས
277b4 ནི་དེ་ཉིད་ཀྱང་། །གསེར་དུ་འགྱུར་བ་གདོན་མི་ཟ། །དེ་ཚེ་གྲོགས་པོ་རྣམས་དང་ཡང་། །སེམས་ཅན་རྣམས་ལ་ཅི་བདེར་སྦྱིན། །བདག་ཉིད་ཆེན་པོ་དཔའ་བོ་ཡི། །བསྒྲུབ་པ་བཤད་པ་འདི་ཡིན་ཏེ། །སེམས་ནི་རབ་ཏུ་དཔའ་བས་བྱའི། །ངན་སོང་གཞན་གྱིས་ཡོང་མི་བྱ། །སེམས
277b5 ཞན་པ་ཡི་སྒྲུབ་པ་པོས། །ཁྲོ་བོའི་རྒྱལ་པོ་དེ་བསྒྲུབས་ན། །དེ་ནས་ལངས་ནས་མྱུར་བར་ནི། །གྲོགས་དང་བཅས་པ་གསོད་པར་འགྱུར། །རོ་ལངས་ཕྱག་རྒྱ་མི་ཤེས་ན། །དེས་ནི་ཅི་ལྟར་དྲག་འགྱུར་ཀྱང་། །ཁྲོ་བོའི་རྒྱལ་པོ་དེ་ཡི་ནི། །སྒྲུབ་པ་པོ་ནི་གསད་པར་འགྱུར། །རིག
277b6 འཛིན་མཆོག་གིས་གང་དག་ཏུ། །དེ་བཞིན་གཤེགས་པའི་དམ་ཚིག་གིས། །བརྒྱན་ཅིང་ཁྲོ་བོ་བསྐུལ་བ་ཡིས། །རོ་ལངས་ཕྱག་རྒྱ་བཅིངས་པ་དེར། །གདོན་མི་ཟ་བར་ཁྲོ་བོ་ནི། །ལེགས་པར་བྱིན་གྱིས་རློབ་པར་འགྱུར། །མྱུར་དུ་མཆོག་ཀྱང་སྩོལ་བར་མཛད། །འགྲོ
277b7 བར་གྱུར་པ་གདོན་མི་ཟ། །ོཾ་ན་མོ་བུནྡྷ་དྷརྨ་སཾ་གྷེ་བྷྱཿ། ཨཱ་ཀྲོ་དྷི་ཀ་ཡ་མཱནྟ་ཀ་ཧ་ནམ་ཐ་བྷཉྫ་ཧཱུ~ཾ་བེ་ཐཱ་བི་རཀྵ་ར་ཀྵ་མཱན་ཏ་ཐཱ་ག་ཏོ་ཨཱ་ཛྷཱ་པ་ཡ་ཏི་སྭཱཧཱ། དེ་བཞིན་གཤེགས་པའི་དམ་ཚིག་གི་བཀས་བརྒྱན་པ། རོ་ལངས་ཀྱི་ཁྲོ་བོའི་ཕྱག་རྒྱའི་སྔགས་སོ། །ཧ་ཧར་གྱུར་པའི་དཀྱིལ
iiif viewer powered by OpenSeadragon
