| e-texts navigator |
| Wylie |
275a1 དག་གི་ཁྲག་གིས་ཀྱང་། །ཤིས་པའི་ཐོད་པ་བཀང་ནས་ཀྱང་། །དེ་བཞིན་མི་ལས་བྱུང་བའི་ཤ། །ཕྱག་རྒྱ་ལ་ནི་དབུལ་བར་བྱ། །ཕྱུགས་ཆེན་གྱི་ནི་ཚིལ་བུ་ལས། །མར་མེ་འབར་བ་བྱས་པ་དག་།དེ་ཡི་ཕྱི་རོལ་ཕྱོགས་བརྒྱད་དུ། །སྔགས་བསྲུང་དེ
275a2 ལ་དབུལ་བར་བྱ། །ཆོ་ག་ཤེས་པས་དེ་ལྟ་བུར། །བྱས་ནས་མཇུག་ལ་བསྒྲུབ་པར་བྱ། །དཔལ་ལྡན་གོས་ནི་དམར་པོ་གྱོན། །ཙནྡན་དམར་པོས་བསྐུས་ནས་ནི། །ཅུང་ཟད་དག་ཀྱང་མི་བྱེད་པར། །མར་གྱི་བརྒྱད་ལ་གཅིག་པུས་བྱ། །དཔའ་ལ་སེམས་དྲག་མཐུ་ལྡན
275a3 པའི། །གྲོགས་ནི་གསུམ་དང་ལྷན་ཅིག་ཏུ། །སྒྲུབ་པ་བློ་ལྡན་སེམས་སྟོབས་ཅན། །དབང་པོ་ལེགས་པར་བསྡམས་པ་ཡིས། །ཀྱི་ནི་དཀྱིལ་འཁོར་དུ། །སྒྲུབ་པ་ལ་ནི་འཇུག་པར་འགྱུར། །དེ་ནས་མཚན་མོ་རྒྱ་བཅིངས་ཏེ། །བརྟན་པར་འདུག་ལ་ལེགས་པར་བཟླས། །
275a4 བགེགས་རྣམས་སྣ་ཚོགས་མཚན་གཅིག་ཏུ། །འབྱུང་སྟེ་དེ་ལས་རྒྱལ་བར་བྱ། །དེ་ལྟར་སྲིན་པོའི་ཚོགས་ཆེན་ལས། །རྒྱལ་ནས་ཕྱག་རྒྱ་འགྲུབ་པར་འགྱུར། །མི་འགྲུབ་པ་ཡི་ལས་རྣམས་ཀྱང་། །དེ་ནས་ཐོགས་པ་མེད་པར་བྱེད། །འཇམ་པའི་དབྱངས་ཀྱི་ཁྲོ་བོ་ཡིས། །བསྐུལ
275a5 ནས་འདིར་ནི་དོགས་པ་མེད། །ཧ་ན་བི་སྥོ་ཊ་བཉྫ་བཉྫ་ཞེས། །བསྐུལ་བའི་ཐ་མར་ཧཱུ~ཾ་བརྗོད་ཅིང་། །གཡོན་བརྐྱང་བ་ཡི་ཚུལ་གནས་ནས། །ཁྲོས་པས་རི་རྩེ་བགྲོད་དཀའ་དང་། །ར་བ་ཡང་ཐོག་སྒོ་ཁང་དང་། །པུ་ཤུ་ཁང་པ་དངར་བ་དག་།སྐད་ཅིག་གིས་ནི་རྙིལ་བར་བྱེད། །དྷ
275a6 ར་བི་སྥོ་ཊ་བཉྫ་ཞེས། །བསྐུལ་བའི་མཇུག་ཏུ་ཧཱུ~ཾ་བརྗོད་ན། །རི་བོ་དང་ནི་མང་པོ་དང་། །དེ་བཞིན་ལྷ་མིན་སྒོ་དག་དང་། །དེ་བཞིན་ས་དང་གཞན་དག་དང་། །ཇི་ལྟར་འདོད་པ་འགས་པར་བྱེད། །པ་ཙ་བི་དྷྭནསཾ་ཤོ་ཞེས། །བསྐུལ་ནས་ཐ་མར་ཧཱུ~ཾ་བརྗོད་ན། །ཕྱག་རྒྱ་འདི་ཡིས་ཆུ
275a7 རྣམས་ནི། །ཐོགས་པ་མེད་པར་སྐམ་པར་བྱེད། །མཚོ་ཆེན་དང་ནི་ཆུ་བོ་དང་། །རྒྱ་མཚོ་དག་ཀྱང་སྐམ་པར་བྱེད། །སྟམ་བྷ་ཡ་ཞེས་ལན་གཉིས་བརྗོད། །ཐ་མར་ཧཱུ~ཾ་དང་དེ་བཞིན་མུ། །དེ་ནས་དེ་ཡི་མཇུག་ཏུ་ཧཱུ~ཾ། །སེ་ན་སྟམ་བྷ་ཞེས་སྦྱར་ན། །པ་ཙ་བི་དྷྭ་ནས་ཡ་ཤོ་ཥ་ཡ་ཤོ་ཥ་ཡ་ད་ཧཱུ~ཾ
iiif viewer powered by OpenSeadragon
