| e-texts navigator |
| Wylie |
273b1 ཕུར་གྱུར་པ་འདི། །ཁྲོ་བོའི་སྙིང་པོ་སྔགས་འབར་བྱེད། །མཚོན་ཆ་མ་ལུས་པ་ཡི་གཙོ། །བདུད་རྣམས་ཐམས་ཅད་ཞི་བར་བྱེད། །ཇི་ལྟར་དཀྱིལ་འཁོར་དུ་བྲི་བ། །དེ་ཡི་ཆོ་ག་བཤད་པར་བྱ། །བེ་ཅོན་དབྱིག་པ་ལྟ་བུའི་ཚུལ། །འདི་ནི་བེ་ཅོན་ཞེས་པར་གྲགས། །ཁྱད
273b2 པར་དུ་ནི་དེ་ཡི་རྩེར། །མགོ་བོ་མཁས་པས་བྲི། །མང་པོ་རྟག་ཏུ་བྲི། །དེ་ལས་གཞན་དུ་ནམས་ཀྱང་མིན། །རིག་འཛིན་གྱི་ནི་ཆོ་ག་བཞིན། །རྒྱ་འདི་དུར་ཁྲོད་ཐལ་བས་བྲི། །ཡང་ན་འདི་ཉིད་ལོགས་ཤིག་ཏུ། །གང་གི་ཚེ་ན་བསྒྲུབ་འདོད་པ། །སྒྲུབ་པ
273b3 དངོས་གྲུབ་འདོད་པ་ཡི། །རང་གི་དཀྱིལ་འཁོར་དག་ཏུ་བྲི། །དེ་ནས་ཕྱག་རྒྱ་བསྒྲུབ་པ་ཡི། །དཀྱིལ་འཁོར་འདིར་ནི་བཤད་པར་བྱ། །སྔ་མ་བཞིན་དུ་གྲུ་བཞི་པ། །ཕལ་ཆེན་འདིར་ཡང་བྲི། །དེ་ཡི་དབུས་སུ་བེ་ཅོན་བཞག་།ཕྱོགས་བརྒྱད་རྣམས་སུའང་དེ
273b4 བཞིན་ནོ། །ཕྱག་རྒྱ་དགུ་དང་ལྡན་པ་ཡི། །ཕྱག་རྒྱའི་དཀྱིལ་འཁོར་ཞེས་ཀྱང་བྱ། །དེ་བཞིན་དུ་ནི་ལྷོ་ཡི་སྒོ། །ཕྱེ་སྟེ་དེ་ནས་མཆོད་པ་བྱ། །ཕྱག་རྒྱ་སྔགས་ནི་མ་ལུས་པ། །ཁྲོ་རྒྱལ་རང་གིས་སྤེལ་མ་བྱ། །དེ་ཡིས་འདིར་ནི་མཆོད་གྱུར་ལ། །རིམ་གྱིས་གསང་བའི་མཆོད་བྱས
273b5 འགྱུར། །ོཾ་ན་མོ་བུདྡྷ་དྷརྨ་སཾ་གྷེ་བྷྱཿ། ཨོཾ་ཨཱ་སརྦ་ཏ་ཐཱ་ག་ཏ་ཀྲོ་དྷ་བི་ཛ་ཡ། ཨགྣི་ཛྭཱ་ལི་ཏཱ་པྲེ་ཏ་ཤི་ར་ཧཱུ~ཾ་ཕཊ་ཧཱུ~ཾ། འདི་ནི་ཁྲོ་བོ་རྣམ་པར་རྒྱལ་བའི་གོང་དུ་བཅུག་པའི་བེ་ཅོན་གྱི་ཕྱག་རྒྱའི་སྔགས་སོ། །འདིས་ལས་ཐམས་ཅད་བསྒྲུབ་པར་བྱའོ། །དེ་ནས་དངོས་གྲུབ་ཀུན་གྱི
273b6 མཆོག་། ཁྲོ་བོའི་གཙོ་བོ་དེ་ཁོ་ན། །གསང་བའི་མཆོད་དང་ལྡན་པ་ཡི། །བེ་ཅོན་སྒྲུབ་པ་བཤད་པར་བྱ། །སྙིང་པོ་ཟེ་བ་མཛེས་པ་ཡི། །པདྨ་འདབ་མ་བརྒྱད་བྱས་ལ། །འདབ་མ་རྩེ་མོའི་ཕྱོགས་བརྒྱད་དུ། །བེ་ཅོན་ཁྲོ་བོའི་བར་བཅུག་བྲི། །དབུས་སུ་དགུ་པ་བཞག་ནས་ནི། །
273b7 གཞན་རྣམས་ཤར་ཕྱོགས་ནས་བརྩམས་ཏེ། །བསྐོར་བའི་ཚུལ་དུ་བཞིན། །མེ་ཏོག་དག་གིས་གཞག་པར་བྱ། །བེ་ཅོན་ཀུན་གྱི་ས་བོན་ཧཱུ~ཾ། །སྤྱི་བོར་གཞག་པར་བྱ། །ཐོག་མར་ཨོཾ་དང་ལྡན་བྱས་ཏེ། །ོཾ་དང་ནམཿམཆོད་པར་འགྱུར། །ཿའདི་ཁྲོ་བོ
iiif viewer powered by OpenSeadragon
