| e-texts navigator |
| Wylie |
271b1 དཔུང་པ་དང་། །གཞན་ཡང་དེ་བཞིན་ལག་པའི་ཕྲེང་། །ཐོད་པ་ཀེང་རུས་མི་ལྤགས་རློན། །རོ་ཡི་ཕྲེང་བ་བསམ་པར་བྱ། །དེ་ཡི་ནང་དུ་རང་སྔགས་ཀྱིས། །བྱིན་གྱིས་རློབ་ཏུ་གཞུག་པར་བྱ། །དེ་ལྟར་ཆོ་ག་བཞིན་བསམས་ནས། །མཇུག་ཏུ་ཁྲོ་བོ་གཤིན་རྗེ་གཤེད། །
271b2 སྔགས་བརྗོད་པས་ནི་སྤྱན་དྲངས་ནས། །རང་གི་སྙིང་པོས་བཞུགས་སུ་གསོལ། །ཁྲོ་བོ་འཁྲུགས་པ་འཇིགས་མཛད་པ། །སྐུ་ནི་མེ་ལྕེ་འབར་བ་འདྲ། །གཟི་བརྗིད་འཕགས་པ་བསམ་པ་ནི། །སྐུ་མདོག་སྟང་ཟིལ་བཅག་འཕྲོ་འདྲ། །ཞལ་དྲུག་སྐྲ་ཡང་ཁམ་པར་འདུག་།
271b3 སྨིན་མ་ཁམ་པ་མིག་ཀྱང་སེར། །སྤྱན་གསུམ་མིག་ནི་ཟླུམ་པ་སྟེ། །ཕྱག་ནི་བཅུ་གཉིས་པ་ཡི་གཟུགས། །དེ་བཞིན་སྟེང་ན་བཞུགས། །ཞབས་དྲུག་གིས་ནི་མཛེས་པར་བྱས། །ཏྲི་ཤཱུལ་རལ་གྲི་དབྱུག་དགྲ་སྟ། །སྦྱིན་པའི་ཕྱིར་ནི་ཕྱག་བརྐྱང་བ། །ལྕགས་ཀྱུ
271b4 ཡི་ནི་མཚོན་ཆ་དག་། གཡས་པའི་ཕྱག་ན་དེ་བཞིན་བསྣམས། །དེ་བཞིན་གཡོན་པའི་དྲུག་པོ་ཡང་། །ཐོད་པ་མདུང་ཐུང་མདའ་བོ་ཆེ། །མཛུབ་མོས་བསྡིགས་དང་ཞགས་པ་བསྣམས། །ཕྱག་ན་དབྱུག་ཏོ་བསམ་པར་བྱ། །མི་མགོ་རློན་དང་སྐམ་པོ་དང་། །
271b5 ཕྲེང་བས་རྣམ་པར་བརྒྱན། །སྟག་གི་པགས་པའི་ན་བཟའ་གསོལ། །སྐུ་ཡང་ཆེ་ལ་གསུས་ཁྱིམ་ཆེ། །ཞལ་གྱི་དབྱིབས་ནི་དུ་མ་སྟེ། །སྐྲ་ནི་རྒྱ་མཚོ་འཁྲུགས་པ་འདྲ། །ཞལ་གཅིག་བཞད་ཅིང་ཞལ་གཅིག་ཞི། །ཞལ་གཅིག་འཇིགས་པར་བགྲད་པའི་ཞལ། །ཞལ་གཅིག
271b6 ཞལ་ནི་གདངས་པ་སྟེ། །ལྗགས་ཀྱང་བསྐྱོད་པར་མཛད་པ་དང་། །ཞལ་གཅིག་ཞལ་ནི་མཆེ་བ་གཙིགས། །དེ་ལྟར་སྙིང་པོས་ལེགས་པར་ནི། །སྤྱན་དྲང་མཆོད་ཡོན་དབུལ་བར་བྱ། །དེ་ནས་དྲི་དང་སྦྱར་བའི་ཆུས། །མཆོད་ཡོན་ཆོ་ག་བཞིན་ཕུལ་ནས། །
271b7 ཀྱི་ནི་སྤྱི་བོར་ཡང་། །མེ་ཏོག་དམར་པོ་གཞག་པར་བྱ། །བློ་ཆེན་གྱིས་ནི་ཁྲོ་བོ་ལ། །དེ་ནས་ཙནྡན་དམར་པོ་དབུལ། །དྲི་ཡི་འོག་ཏུ་མེ་ཏོག་རྣམས། །ཙནྡན་གྱི་ནི་གཏོར་མ་དབུལ། །མེ་ཏོག་མེ་ཏོག་ཕྲེང་བ་རྣམས། །མེ་ཏོག་སྔགས་ཀྱིས་དབུལ་བར་བྱ། །མེ་ཏོག
iiif viewer powered by OpenSeadragon
