| e-texts navigator |
| Wylie |
271a1 ཀུན་ནི་བསྐྲད་པ་དང་། །དེ་བཞིན་གཞིག་ལ་ཁྲུ་གསུམ་པ། །ཁྲུ་བཞི་དབང་དང་དགུག་པ་ཡི། །ལས་རྣམས་ཀྱི་ནི་མཆོག་ཏུ་གསུངས། །ཁྲུ་ལྔ་ནད་དང་མི་ནད་དང་། །དགྲ་རྣམས་མེད་པར་བརྩལ་བའི་མཆོག་།ཁྲུ་དྲུག་བགེགས་རྣམས་ཐམས་ཅད
271a2 དང་། །གདོན་རྣམས་ངེས་པར་ཟློག་པར་བྱེད། །ཁྲུ་བདུན་པ་ནི་ལྷ་ཡི་རྣམས། །དབང་དང་དགུག་པའི་ལས་རྣམས་བྱེད། །ཁྲུ་བརྒྱད་པ་ནི་དངོས་གྲུབ་ཀུན། །སྦྱིན་སྲེག་མཆོག་ཏུ་ཤེས་པར་བྱ། །དེ་ལྟར་ཅི་རིགས་བྲིས་ནས་ནི། །དེ་ནས་གཙང་མས་ཉེ་རེག་བྱ། །ཆུ་ཡི་ཕྱིར་ནི
271a3 ཆུ་ཡི་སྣོད། །ཆུ་ནི་རབ་ཏུ་དགང་བར་བྱ། །དེ་བཞིན་མེ་ཏོག་དོན་དུ་ཡང་། །མེ་ཏོག་སྡུག་གུ་དྲི་ཞིམ་དང་། །མེ་ཏོག་ཕྲེང་བས་སྣོད་མཆོག་གཞན། །ལེགས་པར་དགང་ཞིང་མཛེས་པར་བྱ། །དྲི་ཡི་དོན་དུ་བྱ་བ་ནི། །ཙནྡན་དཀར་པོ་དམར་པོ་བླང་། ། ག་རུ་དང་སྦྱར་བ་ཡི། །
271a4 གུ་གུལ་བདུག་པ་དེ་བཞིན་ནོ། །མར་མེ་མར་གྱིས་མར་མེ་དང་། །མཁས་པས་སྙིང་པོ་འཇམ་པའོ། །དྲག་པོ་ཡི་ནི་ལས་དག་ལས། །མི་ཡི་ཚིལ་གྱིས་བྱ་བར་བཤད། །གཏོར་མ་ཉ་དང་ཤ་ལ་སོགས། །སྦྱར་ཐུག་ལ་སོགས་ལྷག་པར་དབུལ། །དེ་ལྟར་དེར་ནི་ཚོགས
271a5 བསགས་ནས། །དེ་ནས་རིག་སྔགས་འཆང་བ་ཡིས། །སངས་རྒྱས་ཀུན་ལ་ཕྱག་བྱས་ཏེ། །བྱང་ཆུབ་སེམས་ལ་དམིགས་ནས་ནི། །རི་མོ་ཡི་ནི་ལས་རྣམས་དག་།གལ་ཏེ་འདྲི་བར་མི་ནུས་ན། །ཕལ་ཆེན་དབུས་དག་ཏུ། །པདྨ་སྔར་བྲིས་གང་ཡིན་པ། །དེ་ཡི
271a6 སྟེང་དུ་ནི། །མཁས་པས་ཡིད་ཀྱིས་བསམ་པར་བྱ། །ཀྱི་ནི་སྔགས་མཆོག་གིས། །བསམ་པ་དག་ནི་བྱས་ནས་ཀྱང་། །གྲཝ་ཡི་བེ་ཅོན་བཞི་པོ་ཡང་། །སྔགས་ཉིད་ཀྱི་ནི་བསམ་པར་བྱ། །གལ་ཏེ་འདྲི་བར་ནུས་ན་ནི། །སྔགས་ཉིད་སྟེང་དུ་གཞག་པར
271a7 བྱ། །སྒོ་ཡི་བཞི་པོ་ཡང་། །གལ་ཏེ་བྲི་བར་མ་ནུས་ན། །དེ་བཞིན་འཛིན་སྔགས་ཀྱིས། །བྱིན་གྱིས་རློབ་པར་གསུངས་པ་སྟེ། །དེ་ཡི་ནང་དུ་རང་སྔགས་ཀྱི། །བྱིན་གྱིས་རློབ་པར་བྱ་བའི་ཕྱིར། །རྐང་ལག་མགོ་བོ་དཔུང་པ་དང་། །དེ་བཞིན་གཞན་ཡང
iiif viewer powered by OpenSeadragon
