| e-texts navigator |
| Wylie |
270b1 ནི་ལྕི་བས་བྱུག་། ཅི་རིགས་པར་ནི་བྱུགས་ནས་ཀྱང་། །སློབ་དཔོན་གྱིས་ནི་ཁྲུས་བྱས་ནས། །སྨྱུང་བ་བྱས་ཏེ་མཉམ་བཞག་ནས། །ཁྲོ་བོའི་བསྲུང་བས་བྱིན་གྱིས་བརླབ། །ཕལ་ཆེན་ཞེས་བྱ་བའི། །དཀྱིལ་འཁོར་གསང་མཆོག་ནུབ་མོ་བྲི། །ཟར
270b2 མའི་རས་སམ་རས་བལ་ལས། །ཐིག་སྐུད་གསུམ་སྒྲིལ་མཛེས་པ་ཡིས། །གྲཝ་བཞི་དང་ནི་སྒོ་བཞི་པར། །མཁས་པས་དཀྱིལ་འཁོར་ཐིག་བཏབ་སྟེ། །ཐོག་མར་ཤར་དང་བྱང་ནས་ནི། །ལྷོ་དང་ནུབ་ཀྱི་བར་དུ་འོ། །ཐིག་སྐུད་དེ་ནི་ཕྱོགས་མཚམས་ནས། །དེ་ནས
270b3 ཀྱང་ནི་དྲང་བར་བྱ། །ཤར་དང་ལྷོ་ཡི་མཚམས་དང་ནི། །ནུབ་དང་བྱང་གི་མཚམས་དག་ཏུ། །ཐིག་གིས་རབ་ཏུ་ཚད་བྱས་ཏེ། །གྲུ་བཞི་པར་ནི་ཐིག་གདབ་བོ། །རིམ་པ་གཅིག་པ་མཛེས་པ་ལ། །སྒོ་བཞི་དག་གིས་མཛེས་པར་བྱ། །ལྷོ་ཕྱོགས་ཀྱི་ནི་སྒོ་ཕྱེ་ལ། །
270b4 ལྷག་མ་རྣམས་ནི་གཅད་པར་བྱ། །དཀྱིལ་འཁོར་དང་ནི་འཚམ་པ་ཡི། །དབུས་སུ་པདྨ་བྲི་བར་བྱ། །པདྨ་དང་ནི་ཕྱོགས་བཞི་སྒོ། །ཐེ་ཚོམ་མེད་པར་མཉམ་པར་བྱ། །མཛེས་བྱེད་སྒོ་ཡི་ཕྱེད་དུ་བྱ། །འགྲམ་པ་འདབ་མའི་ཚད་དང་མཉམ། །ཉེ་བ་ཡི་ནི་མཛེས
270b5 བྱེད་ཀྱང་། །མཛེས་བྱེད་དང་ནི་འདྲ་བར་བྱ། །ཆོ་ག་བཞིན་དུ་དཀྱིལ་འཁོར་ཏེ། །ཀུན་ཏུ་ཐིག་ནི་བཏབ་ནས་ཀྱང་། །ཕྱི་ནས་ཚུལ་བཞིན་རིག་འཛིན་གྱིས། །དུར་ཁྲོད་ཐལ་བས་བྲི་བ་ནི། །རྟག་ཏུ་ཤར་བྱང་ལ་སོགས་པའི། །གྲཝ་ཡི་ནང་ནི་དེ་དག་ཏུ། །མཁས་པས
270b6 བེ་ཅོན་ཕྱག་རྒྱ་བྲི། །ཕྱོགས་ཀྱི་སྒོར་ནི་བཞག་།གཞན་ཡང་ལྔ་པ་ནི། །པདྨའི་སྟེང་དུ་བསམ་པར་བྱ། །དེ་བཞིན་ཕྱི་སྒོའི་ནང་དག་དང་། །ཕྱོགས་རྣམས་དེ་དག་ཐམས་ཅད་དུ། །མི་རོ་མགོ་མེད་རྣམས། །དུར་ཁྲོད་ཐལ་བས་དངར
270b7 ཏེ་བྲི། །དེ་ཕྱིར་ཕལ་ཆེན་ཡིན། །ཁྲུ་གང་ལ་སོགས་རིམ་པ་ནས། །ཁྲུ་བརྒྱད་པ་ཡི་བར་དུ་སྟེ། །དེ་ལས་ལྷག་པར་ཡོང་མི་བྲི། །རྟག་ཏུ་བདག་ཉིད་མཆོད་པ་ནི། །ཁྲུ་གང་པ་ནི་བྲི་བར་བར་བྱ། །ཞི་བ་དང་ནི་རྒྱས་པ་དང་། །མི་རྒྱལ་སྒྲུབ་པ་ཁྲུ་དོར་བསྟན། །སེམས་ཅན
iiif viewer powered by OpenSeadragon
