| e-texts navigator |
| Wylie |
269b1 ཅི་ལྟར་ཡང་ནི་དང་བར་འགྱུར། །བདག་ཅག་ཐེ་ཙོམ་ཆེན་པོ་མཆིས། །ཁྲོ་བོས་ལྷ་རྣམས་ཚིག་གསན་ནས། །གཤིན་རྗེའི་གཤེད་ཀྱིས་བཀའ་སྩལ་པ། །ལྷ་རྣམས་ཐམས་ཅད་ཁྱོད་ཉོན་ཅིག་།ང་ནི་དུས་གསུམ་སྔོན་དུ་འབྱུང་། །སངས་རྒྱས་ཀུན་གྱི་སྔོན་དུ་བྱུང་། །
269b2 ང་ནི་དུས་གསུམ་ཕྱིས་ཀྱང་འབྱུང་། །ང་ནི་དུས་གསུམ་ད་ལྟར་འབྱུང་། །ང་ནི་ལྔ་བརྒྱ་ཐ་མའི་ཚེ། །ང་ཡི་བསྟན་པ་འབྱུང་བར་བྱེད། །བསྟན་པ་ཐམས་ཅད་ནུབ་པའི་ཚེ། །ང་ཡི་བསྟན་པ་འབྱུང་བར་བྱེད། །ལས་ངན་མཚམས་མེད་བྱེད་པའི་ཚེ། །དེ་ཚེ་ང་ཡི་བསྟན་པ
269b3 འབྱུང་། །ཟས་ངན་ལྕི་བ་ཟ་བའི་ཚེ། །དེ་ཚེ་ང་ཡི་བསྟན་པ་འབྱུང་། །གོས་ངན་དུག་ཧྲུལ་གྱོན་པའི་ཚེ། །དེ་ཚེ་ང་ཡི་བསྟན་པ་འབྱུང་། །ང་ནི་དུས་གསུམ་འབྱུང་བའི་སྐུ། །བསྟན་པ་ཐམས་ཅད་ནུབ་པའི་ཚེ། །དེ་ཚེ་ང་ཡི་བསྟན་པ་འབྱུང་། །ཇི་ལྟ་བུར་ནི་ཞིར་འགྱུར
269b4 ཡང་། །ང་ནི་ཐམས་ཅད་ཞི་བའི་སྐུ། །ཇི་ལྟ་བུར་ནི་ཁྲོས་གྱུར་ཡང་། །ཐམས་ཅད་ཁྲོས་པ་ང་ཡི་སྐུ། །གཟི་བརྗེད་ཆེན་པོ་ཁྱེད་རྣམས་ཀུན། །གང་ཚེ་གསུམ་ལ་སྐྱབས་སོང་བ། །དེ་ཚེ་ང་ཡི་མི་བཟད་པ། །ཁྲོ་བོ་ཡིད་ལ་གནས་པར་གྱིས། །དཀོན་མཆོག་གསུམ
269b5 ནི་གནས་པ་དང་། །དེ་ཡི་བཀའ་ཡང་བསྐྱང་བ་དང་། །སེམས་ཅན་ཀུན་ལ་སྙིང་བརྩེའི་ཕྱིར། །ང་ཡི་ཡིད་ནི་ཞི་འགྱུར་གྱིས། །ཁྱེད་རྣམས་སྐྱབས་སུ་དོང་བ་ཡི། །བྱང་ཆུབ་སེམས་དང་ལྡན་པ་ཡིས། །ཐམས་ཅད་དོན་ནི་བསྒྲུབ་པའི་མཆོག་།ཡི་གེ་འབྲུ་ནི་བཅུ་བདུན
269b6 པོ། །ང་ཡི་སྙིང་པོ་ཡིད་ལས་བྱུང་། །ལྷ་རྣམས་ཀུན་གྱིས་གཟུང་བར་གྱིས། །གཤིན་རྗེ་གཤེད་པོ་བདག་ཉིད། །སྙིང་པོ་རབ་ཏུ་གསུངས་པ་ན། དེ་ནས་ས་ནི་གཡོས་པར་འགྱུར། །རྒྱ་མཚོ་ཡང་ནི་རབ་ཏུ་འཁྲུགས། །གནོད་སྦྱིན་དང་ནི་སྲིན་པོ་དང་། །ཤ་ཟ
269b7 ལ་སོགས་ཕུང་བར་གྱུར། །ལྷ་རྣམས་ཀུན་ནི་ཕྱག་འཚལ་ཞིང་། །ཡན་ལག་ཀུན་ནས་སྤུ་ལངས་ནས། །གཤིན་རྗེ་གཤེད་པོ་ཁྲོ་བོ་ཡི། །ཁྲོ་བོ་སྙིང་པོ་དེ་བཟུང་ངོ་། །དེ་ནས་དམ་ཆོས་བསྲུང་བའི་ཕྱིར། །ཁྲོ་བོ་རྣམ་པར་རྒྱལ་བ་ཡི། །རྟོག་པ་འདི་ནི་དེ་དག་ལ། །གཤིན
iiif viewer powered by OpenSeadragon
