| e-texts navigator |
| Wylie |
268b1 དཔའ་ཐམས་ཅད་ལ་ཕུལ་ནས། དེ་བཞིན་གཤེགས་པའི་སྙིང་པོ་སྟོང་ཆེན་པོ་འབར་བ་འབྱུང་བ་འདི་ནམ་དགའ་བ་ཆེན་པོ་སྐྱེས་ཀྱི་བར་དུ་བརྗོད་ན། བདག་ཉིད་དེ་བཞིན་གཤེགས་པ་རྣམས་ཀྱི་དྲུང་ན་འདུག་པར་ཤེས་ཤིང་། དེ་བཞིན་གཤེགས་པ་རྣམས་ཀྱི་ཟང་ཟིང་མེད་པའི
268b2 ཆོས་ཀྱི་ལོངས་སྤྱོད་ཆེན་པོའི་དགའ་བ་ཐོབ་པར་འགྱུར་ཏེ། དེ་ཕྱིན་ཆད་དེ་བཞིན་གཤེགས་པའི་རིགས་སུ་ཕྱིར་མི་ལྡོག་པར་སྐྱེས་པ་ཡིན་ནོ། །ཚེ་རབས་གཞན་དུ་སོང་ན་ཡང་བྱང་ཆུབ་སེམས་དཔའི་ས་ཆེན་པོ་ཐོབ་པར་འགྱུར་རོ། །རིག་སྔགས་འཆང་ཆེན་པོའི
268b3 འཁོར་ལོས་སྒྱུར་བ་ཡང་ཐོབ་པར་འགྱུར་རོ། །གཟུངས་ཀྱང་ཐོབ་པར་འགྱུར་རོ། །དེ་བཞིན་གཤེགས་པ་རྣམས་ཀྱང་མཉེས་པར་བྱེད་དོ། །མངོན་པར་ཤེས་པ་མི་ཉམས་པ་ཡང་ཐོབ་པར་འགྱུར་རོ། །ཚེ་འདི་ལ་ཡང་སེམས་ཅན་ཐམས་ཅད་དགའ་བར་འགྱུར་རོ། །
268b4 ལྷ་ཐམས་ཅད་ཀྱིས་ཀྱང་བསྲུང་བར་འགྱུར་རོ། །ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། གནོད་སྦྱིན་དང་། སྲིན་པོ་ཐམས་ཅད་ཀྱིས་ཀྱང་བསྲུང་བར་འགྱུར་ཏེ། གང་ལ་སྨྲས་པ་དེ་དེའི་བྱ་བ་སྒྲུབ་པར་འགྱུར་རོ། །དེས་ཅི་བསམ
268b5 པ་དང་། བྱེད་དུ་བཅུག་པ་རྣམས་ཀྱང་ལྷ་ལ་སོགས་པ་རྣམས་བྱེད་པར་འགྱུར་རོ། །དེའི་འདོད་པ་ཐམས་ཅད་ཀྱང་ཡོངས་སུ་རྫོགས་པར་འགྱུར་རོ། །སུས་ཀྱང་ངག་མི་གཅོག་པར་ཡང་འགྱུར་རོ། །ལྷ་རྣམས་ཀྱིས་ཀྱང་དེའི་སྟོབས་དང་། གཟུགས་དང་། བསོད
268b6 ནམས་དང་། ལང་ཚོ་དང་། ནད་མེད་པ་དང་། རྒྱས་པ་འཕེལ་བར་བྱེད་དོ། །བགེགས་ཐམས་ཅད་ཀྱིས་ཀྱང་མི་ཚུགས་པར་འགྱུར་རོ། །མདོར་ན་དེ་བཞིན་གཤེགས་པའི་གྲོང་ཁྱེར་དུ་འཇུག་པར་འདོད་པ་རྣམས་དང་། དེ་བཞིན་གཤེགས་པའི་སངས་རྒྱས་ཀྱི་སྐུ་ཆེན་པོ
268b7 མཐོང་བར་འདོད་པ་རྣམས་དང་། ཡོན་ཏན་ཕུན་སུམ་ཚོགས་པ་ཐམས་ཅད་ཐོབ་པར་འདོད་པ་རྣམས་དང་། གཞན་ཡང་བྱང་ཆུབ་སེམས་དཔའ་ཆེན་པོའི་བསླབ་པའི་གང་ཟག་བྱེད་པ་ལ་འཇུག་པར་འདོད་པ་རྣམས་དང་། བྱང་ཆུབ་སེམས་དཔའ་ཆེན་པོའི་ཆོས་ཉིད་ཀྱི་དམ་ཚིག
iiif viewer powered by OpenSeadragon
