| e-texts navigator |
| Wylie |
268a1 པ་ཙམ་གྱིས་ཀྱང་ཚེ་རབས་བྱེ་བ་ཕྲག་འབུམ་གྱི་བར་དུ་བསགས་པའི་ལས་ཀྱི་སྒྲིབ་པ་ཡང་འབྱང་བར་འགྱུར་རོ། །ཉོན་མོངས་པ་ཐམས་ཅད་བསྲབས་པར་འགྱུར་རོ། །དེའི་ངན་སོང་གི་འགྲོ་བ་ཐམས་ཅད་ཀྱང་རྒྱུན་ཆད་པར་འགྱུར་རོ། །སངས་རྒྱས་དང་བྱང
268a2 ཆུབ་སེམས་དཔའ་ཐམས་ཅད་ཀྱིས་ཀྱང་ཡོངས་སུ་གཟུང་བར་འགྱུར་རོ། །བྱང་ཆུབ་སེམས་དཔའི་དགེ་བ་དང་ཡང་ལྡན་པར་འགྱུར་རོ། །ཡོངས་སུ་མི་ཉམས་པའི་ཆོས་ཅན་དུ་ཡང་འགྱུར་རོ། །སྙིང་རྗེ་ལས་ཀྱང་ཉམས་པར་མི་འགྱུར་རོ། །སེམས་ཅན་ཐམས་ཅད་ཀྱིས་ཀྱང
268a3 མངོན་པར་དགའ་བར་བྱ་བར་འགྱུར་རོ། །ཉིན་དུས་གསུམ་མཚན་དུས་གསུམ་དུ་ལན་བདུན་བདུན་བརྗོད་ན་སྡིག་པ་ཐམས་ཅད་ལས་རྣམ་པར་ཐར་བར་འགྱུར་ལ། བྱང་ཆུབ་སེམས་དཔའི་ཡོན་ཏན་སྟོང་ཕྲག་དཔག་ཏུ་མེད། གྲངས་མེད་པ་དག་ཀྱང་ཐོབ་པར་འགྱུར་རོ། །ནམ
268a4 ལངས་པའི་དུས་སུ་སྐྱིལ་མོ་ཀྲུང་བཅས་ཏེ་བདེ་བར་འདུག་ལ། ལག་པ་གྲུ་གསུམ་གྱི་ཕྱག་རྒྱ་བྱས་ནས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་དམིགས་ཏེ། དེ་བཞིན་གཤེགས་པ་ཡོན་ཏན་བདག་ཉིད་ཆེན་པོ་མངོན་དུ་བསམས་ནས་དེ་བཞིན་གཤེགས་པ་ལ
268a5 ཕྱག་འཚལ་ལོ་ཞེས་སྨྲས་ཏེ། ཡིད་ཀྱིས་ཕྱག་འཚལ་ནས་ལན་ཉི་ཤུ་རྩ་གཅིག་བརྗོད་ན། དེ་ལ་ཡིད་ལ་ཇི་ལྟར་འདོད་པའི་བསམ་པ་ཐམས་ཅད་ཡོངས་སུ་རྫོགས་པར་འགྱུར་ཏེ། དོན་ཇི་ལྟ་བ་བཞིན་དུ་འགྲུབ་པ་ཐོབ་པར་འགྱུར་རོ། །ཚེས་བརྒྱད་དང་། བཅུ་བཞི་དང་།
268a6 ལྔ་ལ་བཅོམ་ལྡན་འདས་ལ་མཆོད་པ་བྱས་ལ། བསྙེན་གནས་བླངས་ནས་གོས་དཀར་པོ་བགོས་ཏེ། སྦྱིན་པ་བྱས་ལ་བྱང་ཆུབ་ཀྱི་སེམས་ཆེན་པོ་བླངས་ནས་མི་སྡུག་པ་མེད་པར་ལག་པ་བརྐྱང་བ་དེས་རང་གི་ལག་གིས་དཀྱིལ་འཁོར་བྱས་ལ། མེ་ཏོག་ཁ་དོག་སྣ་གསུམ
268a7 གྱིས་མཆོད་ནས་ཙནྡན་དཀར་པོས་བདུགས་ལ། འཇིག་རྟེན་གྱི་ཁམས་སྟོང་ཕྲག་མཐའ་ཡས་པ་དག་ན་མཆོད་པ་དང་། བཀུར་སྟི་ཆེན་པོ་རྣམ་པ་སྣ་ཚོགས་ཡོད་པ། དེ་བཞིན་གཤེགས་པ་རྣམས་ལ་འོས་པ་རྣམས་ཡིད་ལ་བསམས་ཏེ། སངས་རྒྱས་དང་། བྱང་ཆུབ་སེམས
iiif viewer powered by OpenSeadragon
