| e-texts navigator |
| Wylie |
164b1 གྱུར་པ་ལས་ཟླ་བའི་དཀྱིལ་འཁོར་དེའི་སྟེང་དུ་ར~ཾ་ཡོངས་སུ་གྱུར་པ་ལས་མེ་ལྷ་བསྒོམས་ལ་གཞན་པ་མེ་ལྷ་སྔགས་ཀྱིས་སྤྱན་དྲངས་ཏེ། ཨོཾ་ཨེ་ཧྱེ་ཧི་མ་ཧཱ་བྷཱུ་ཏ་དེ་བ་དྭི་ཛ་རྀ་ཥི་སཏྟ་མ། པ་རི་གྲྀ་ཧཱི་ཏྭཱ་ཨཱ་ཧུ་ཏི་མ་ཧཱ་རསྨིནྶནྣི་ཧི་ཏོ་བྷ་བ། མེ་ལྷ་སྤྱན་དྲང་བའི་སྔགས་སོ། །ོཾ་ཨགྣ་ཡེ་དཱི
164b2 བྱ་དཱི་པྱ་ཨཱ་བི་ཤ་མ་ཧཱ་ཤྲི་ཡེ་ཧཱ་བྱ་ཀཱ་བྱ་བཱ་ཧ་ནཱ་ཡ་སྭཱ་ཧཱ། མེ་ལྷའི་སྔགས་སོ། །ཟླ་བའི་དཀྱིལ་འཁོར་ལ་གནས་པའི་ཞལ་དཀར་ཟླུམ་པ། ཕྱག་བཞི་པ་འབར་བའི་སྤྱན་གསུམ་པ། མེ་ལྷ་བཟང་པོ་སྟོན་ཀའི་ཟླ་བའི་འོད་འདྲ་བ། དྲི་མ་མེད་པ་བདུད་རྩིའི་རྒྱུན་འབབ་ཅིང་ཞི་བ།
164b3 དབྱུ་གུ་དང་། རིལ་བ་སྤྱི་བླུགས་དང་། ཕྲེང་བ་དང་། མཆོག་སྦྱིན་པ་འཆང་བར་བསམ་ལ་མཆོད་ཡོན་སྦྱིན་ལ་སྔོན་དུ་བསྟན་པའི་སྣོད་དུ་མཆོད་པ་རྣམ་པ་ལྔ་དང་བཅས་པས་དེའི་ཞལ་དུ་དགང་བླུགས་གསུམ་དབུལ་བར་བྱའོ། །ཡང་ཆུ་བསངས་ལ། ཞི་བ་ལ་ནི་འབར་བའི་ངོ་བོ
164b4 ཉིད་དུ་ཡོངས་སུ་གྱུར་ནས་གཞན་ཡང་དེ་ཉིད་དུ་ལྷ་མོ་འོད་ཟེར་ཅན་ཟླ་བའི་དཀྱིལ་འཁོར་ལ་གནས་པ། སྟོན་ཀའི་ཟླ་བ་ལྟ་བུ་དཀར་ཞིང་གཞོན་ནུ་མ་ལ་ཨུཏྤ་ལ་སྔོན་པོའི་སྤྱན་ཅན་ན་བཟའ་དཀར་པོ་འཆང་བ། ཞི་བ་ལ་ནི་སྣ་ཚོགས་པའི་ངོ་བོ་བདུད་རྩིའི་བུམ་པ་འཆང་ཞིང་འབབ་ལ། འབར
164b5 བའི་མེ་ཏོག་ལྷ་བཞེངས་པ་ལྟ་བུ་གཞོན་ནུ་མ་འགྲོ་བ་ལ་བདུད་རྩིའི་རྒྱུན་གྱིས་འབབ་བཞིན་པའི་ལྷ་མོ་བསམ་ལ་དེའི་ཞལ་དུ་དགང་བླུགས་དབུལ་བར་བྱའོ། །ཕྱུགས་ཀྱི་མགོ་སྤུ་དང་རུས་པ་དང་། དཱུར་བ་དང་ལྡན་པས་ཞོ་དང་། སྦྲང་རྩི་དང་། མར་དང་། འོ་མ་དང་བསྲེས་ལ་ལན་སྟོང
164b6 ཕྲག་བརྒྱ་སྦྱིན་སྲེག་བྱའོ། །གཞན་ཡང་གནག་ལྷས་ནས་ཕྱིར་སོང་ལ་འབྱུང་པོ་ཐམས་ཅད་པའི་གཏོར་མ་མཆོད་པ་ལྔ་དང་བཅས་པ་ཞོ་དང་། ཞོ་ཐུག་དང་། འོ་མ་དང་། འབྲས་ཀྱི་ཕྱེ་མ་བུ་རམ་དང་བསྲེས་པའི་གོང་བུ་བྱས་ལ་སྙིང་པོ་གསུམ་གྱི་མར་དང་། འབྲས་དང་། སྲན་མ་མ
164b7 ཥ་དང་། ཆང་དང་། ཤ་དང་། ཉ་དང་། ནང་དུ་སྲན་མ་བླུགས་པའི་ཁུ་བ་དང་། སྲན་མ་མ་ཥ་དང་བུ་རམ་དང་བསྲེས་པའི་ཁུར་བ་དང་། བཅས་པ་ལ་ལན་བདུན་དུ་མངོན་པར་བསྔགས་ཏེ་སྦྱིན་པར་བྱའོ། །འོ་ཐུག་ནི་ཀླུ་རྣམས་ལའོ། །ཞོ་དང་འོ་མ་ནི་ལྷ་མ་ཡིན་རྣམས་ལའོ། །ཞོ་དང
iiif viewer powered by OpenSeadragon
