| e-texts navigator |
| Wylie |
121a1 མ་མོའི་ཚོགས་རྣམས་ཐམས་ཅད་དང་། །དེ་བཞིན་བདུད་རིས་གཞན་རྣམས་དང་། །དྲང་སྲོང་གཟི་བརྗིད་ཆེ་རྣམས་དང་། །རྫུ་འཕྲུལ་ཆེན་པོའི་ལྷ་རྣམས་དང་། །དེ་ཀུན་སོ་སོར་འབྲང་བ་ཡི། །གཟུངས་འཛིན་དེ་ལ་སྲུང་བར་བྱེད། །སངས་རྒྱས་བདག
121a2 ཉིད་ཆེ་རྣམས་དང་། །རིག་པའི་ལྷ་མོ་སྟོབས་ཆེན་དང་། །བདག་གི་མ་དང་ཁྲོ་གཉེར་དང་། །ལྷ་མོ་སྒྲོལ་མ་ལྕགས་ཀྱུ་དང་། །རྡོ་རྗེ་ལུ་གུ་རྒྱུད་དང་དཀར། །དེ་བཞིན་དཀར་མོ་ཆེན་མོ་དང་། །ནག་མོ་ཆེ་དང་ཕོ་ཉ་དང་། །དེ་བཞིན་རྡོ་རྗེ་ཕོ་ཉ་གཞན། །ཞགས་པ་བཟང
121a3 དང་རྡོ་རྗེ་ཞགས། །ལག་ན་རྡོ་རྗེ་སྟོབས་པོ་ཆེ། །རིག་པ་ལྷ་མོ་རྡོ་རྗེ་ཕྲེང་། །བདུད་རྩི་ཐབ་སྦྱོར་བྱེད་པ་དང་། །གཞན་གྱིས་མི་ཐུབ་ལྷ་མོ་ཆེ། །རྣ་བ་ནག་མོ་སྟོབས་ཆེན་མོ། །དཔལ་ཡོན་ལྡན་པ་སྐལ་ཆེན་དང་། །རྣ་ཆ་གདུབ་ཀོར་པདྨ་འདྲ། །མེ་ཏོག་སོ་ཅན་ནོར
121a4 བུ་གཙུག་། སྐྲ་མདོག་མཛེས་དང་ཁམ་པ་མོ། །ལྷ་མོ་གཟི་བརྗིད་ཆེན་མོ་དང་། །དཔལ་ཡོན་ལྡན་པ་གློག་ཕྲེང་ཅན། །སྲིན་མོ་རལ་པ་གཅིག་པ་དང་། །སངས་རྒྱས་བསྲུངས་ཞེས་བྱ་བ་དང་། །སྐལ་བ་ཆེན་པོ་མི་ཐོད་ཅན། །ལང་ཀའི་བདག་པོ་དཔལ་ཡོན་ཅན། །
121a5 གཞན་ཡང་ལྷ་མོ་མང་པོ་རྣམས། །སེམས་ཅན་རྗེས་སུ་འཛིན་བྱེད་དག་།རིག་པ་གང་གི་ལག་ན་གནས། །དེ་ལ་སྲུང་བ་བྱེད་པར་འགྱུར། །འཕྲོག་མ་དང་ནི་ལྔས་རྩེན་དང་། །དུང་ཅན་དང་ནི་སོ་བརྩེགས་མ། །དཔལ་གྱི་ལྷ་མོ་དབྱངས་ཅན་ཡང་། །དེ་ཡི་རྗེས་འགྲོ
121a6 རྟག་ཏུ་བསྲུང་། །སོ་སོར་འབྲང་བ་ཆེན་མོ་འདི། །བུད་མེད་གང་ཞིག་རྟག་འཆང་ན། །དེ་ཡི་ཐམས་ཅད་འགྲུབ་པར་འགྱུར། །རྟག་པར་མངལ་ན་བུ་ཕོ་ཆགས། །མངལ་རྣམས་ན་ཡང་བདེ་བར་སྐྱེ། །སྦྲུམ་མ་དག་ཀྱང་བདེ་བར་འགྱུར། །ནད་དང་སྡིག་པ་ཐམས་ཅད་ཀྱང་། །
121a7 འཇིག་པར་འགྱུར་ཏེ་ཐེ་ཙོམ་མེད། །བསོད་ནམས་ལྡན་ཞིང་སྟོབས་དང་ལྡན། །ནོར་དང་འབྲུ་ཡང་རྟག་ཏུ་འཕེལ། །ཚིག་ཀྱང་གཟུང་དུ་འོས་པ་དང་། །མཆོད་པའི་འོས་སུ་འགྱུར་བ་ཡིན། །བུད་མེད་དང་ནི་སྐྱེས་པའང་རུང་། །གཙང་མ་གང་ཞིག་འཆང་བསྲེལ་ན། །དེ་ནི་སེམས
iiif viewer powered by OpenSeadragon
