| e-texts navigator |
| Wylie |
115a1 ཟས་སུ་གཅིན་འཐུང་བ་རྣམས་དང་། ཟས་སུ་མཆིལ་མ་ཟ་བ་རྣམས་དང་། ཟས་སུ་ངར་སྣབས་ཟ་བ་རྣམས་དང་། ཟས་སུ་སྣབས་ཟ་བ་རྣམས་དང་། ཟས་སུ་ལྷག་མ་ཟ་བ་རྣམས་དང་། ཟས་སུ་སྐྱུགས་པ་ཟ་བ་རྣམས་དང་། ཟས་སུ་མི་གཙང་བ་ཟ་བ་རྣམས
115a2 དང་། ཟས་སུ་སྟོར་ཁུང་ནས་འབབ་པ་འཐུང་བ་རྣམས་ཀྱིས་འགལ་བར་བྱ་བ་མ་ཡིན་ནོ། །གཤེད་བྱེད་དང་། སྒྱུར་བའི་ལས་དང་བྱད་དང་། གཡེངས་བྱེད་དང་། རོ་ལངས་དང་། སེམས་སྒྱུར་བ་དང་། སྦོད་གཏོང་དང་། བཟའ་ཉེས་དང་། སྐྱུག་ཉེས་དང་། གནོད་སྒྲིབ
115a3 དང་། གནོད་བལྟས་དང་། བྲི་ཉེས་དང་། བསྒོམ་ཉེས་དང་། གནོད་པ་རྣམས་ཀྱིས་འགལ་བར་བྱ་བ་མ་ཡིན་པའོ། །རིམས་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། ཉིན་བདུན་པ་དང་། ཟླ་བ་ཕྱེད་པ་དང་། ཟླ་བ
115a4 གཅིག་པ་དང་། ཉི་མ་ཕྱེད་པ་དང་། ཉིན་མོ་པ་དང་། ཡུད་ཙམ་པ་དང་། རྟག་པའི་རིམས་དང་། རིམས་དྲག་པོ་དང་། འབྱུང་པོའི་རིམས་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པས
115a5 འགལ་བར་བྱ་བ་མ་ཡིན་པའོ། །རིམས་ཐམས་ཅད་ཀྱིས་འགལ་བར་བྱ་བ་མ་ཡིན་པའོ། །ཀླད་པ་ན་བ་དང་། གཞོགས་ཕྱེད་ན་བ་དང་། ཡི་ག་འཆུས་པ་དང་། མིག་ནད་དང་། སྣ་ནད་དང་། ཁ་ནད་དང་། མགུལ་ནད་དང་། སྙིང་ནད་དང་། ལྐོག་མའི་ལྷ་གོར
115a6 ན་བ་དང་། རྣ་བ་ན་བ་དང་། སོ་ན་བ་དང་། སྙིང་ན་བ་དང་། རྩིབ་ལོགས་ན་བ་དང་། རྒྱབ་ན་བ་དང་། ལྟོ་བ་ན་བ་དང་། མཁུར་བ་ན་བ་དང་། ཆུ་སོ་ན་བ་དང་། སྐྱེ་གནས་ན་བ་དང་། རབ་ཏུ་སྐྱེ་གནས་ན་བ་དང་། རྐེད་པ་ན་བ་དང་། བརླ་ན་བ་དང་། བྱིན་པ་ན་བ་དང་།
115a7 ལག་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་ལས་འགལ་བར་བྱ་བ་མ་ཡིན་ནོ། །ཤུ་བ་དང་། གཡའ་བ་དང་། འབྲུམ་བུ་ཕྲ་མོ་དང་། མཛེ་དང་། འབྲས་དང་། ཕོལ་མིག་དང་། གཡན་པ་དང་། མེ་དབལ་དང་། ལྷོག་པ་རྣམས་ཀྱིས
iiif viewer powered by OpenSeadragon
