| e-texts navigator |
| Wylie |
111b1 འཚོ་བར་གྱུར་ཅིག་། སྟོན་བརྒྱ་མཐོང་བར་ཤོག་ཤིག་།སྡིག་པ་ཐམས་ཅད་སོལ་ཅིག་།དགེ་བ་རྣམས་སྣང་བར་གྱུར་ཅིག་།མི་དགེ་བ་སོལ་ཅིག་།དོན་རྣམས་ལ་སྣང་བར་གྱིས་ཤིག་།གནོད་པ་རྣམས་སོལ་ཅིག་།མཚན་མོ་བདེ་ལེགས་ཉིན་བདེ་ལེགས། །ཉི་མའི་གུང
111b2 གི་བདེ་ལེགས་དང་། །ཉིན་མཚན་ཀུན་གྱི་བདེ་ལེགས་དག་།སངས་རྒྱས་ཀུན་གྱིས་བདག་ལ་སྩོལ་སྭཱ་ཧཱ། ཀུན་དགའ་བོ་ཁྱོད་ཀྱིས་རྒྱུ་སྐར་གང་དག་ནམ་མཁའ་ལ་རྒྱུ་ཞིང་སྣང་བར་བྱེད་པ་རྣམས་ཀྱི་མིང་ཟུང་ཤིག་།འདི་ལྟ་སྟེ། སྨིན་དྲུག་དང་ནི་སྣར་མ་དང་། །མགོ་དང་ལག་དང
111b3 ནབ་སོ་དང་། །རྒྱལ་ནི་བཀྲ་ཤིས་ཕུན་སུམ་ཚོགས། །དེ་བཞིན་སྐག་སྟེ་བདུན་པོ་ཡིན། །དེ་ལྟར་རྒྱུ་སྐར་བདུན་པོ་འདི་དག་ནི་ཤར་གྱི་སྒོ་ན་གནས་པ་དག་སྟེ། གང་དག་ཤར་ཕྱོགས་སྲུང་ཞིང་ཡོངས་སུ་སྐྱོང་བར་བྱེད་པ་དག་གོ། །དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས
111b4 བདག་ལ་བསྲུང་བ་གྱིས་ཤིག་། ལོ་བརྒྱ་འཚོ་བར་གྱུར་ཅིག་།སྟོན་བརྒྱ་མཐོང་བར་ཤོག་ཤིག་།མཆུ་ནི་མི་མཛའ་འཇོམས་པ་དང་། །དེ་བཞིན་གྲེ་དང་དབོ་གཉིས་དང་། །མེ་བཞི་ནག་པ་ས་རི་དང་། །ས་ག་སྟེ་ནི་བདུན་པ་ཡིན། །དེ་ལྟར་རྒྱུ་སྐར་བདུན་པོ་འདི་དག་ནི། ལྷོ་ཕྱོགས་ཀྱི་སྒོ་ན
111b5 གནས་པ་དག་སྟེ། གང་དག་ལྷོ་ཕྱོགས་སྲུང་ཞིང་ཡོངས་སུ་སྐྱོང་བར་བྱེད་པ་དག་གོ། །དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག་།ལོ་བརྒྱ་འཚོ་བར་གྱུར་ཅིག་།སྟོན་བརྒྱ་མཐོང་བར་ཤོག་ཤིག་།ལྷ་མཚམས་གཟི་བརྗིད་ཆེན་མོ་དང་། །དེ་བཞིན
111b6 སྣརོན་དང་སྣུབས་དང་ནི། །ཆུ་སྟོད་དང་ནི་ཆུ་སྨད་དང་། །དེ་ལྟར་བྱི་བཞིན་གྲོ་བཞིན་ནོ། །དེ་ལྟར་རྒྱུ་སྐར་བདུན་པོ་འདི་དག་ནི་ནུབ་ཕྱོགས་ཀྱི་སྒོ་ན་གནས་པ་དག་སྟེ། གང་དག་ནུབ་ཕྱོགས་སྲུང་ཞིང་ཡོངས་སུ་སྐྱོང་བར་བྱེད་པ་དག་གོ། །དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ
111b7 བསྲུང་བ་གྱིས་ཤིག་། ལོ་བརྒྱ་འཚོ་བར་གྱུར་ཅིག་།སྟོན་བརྒྱ་མཐོང་བར་ཤོག་ཤིག་།མོན་གྲུ་དང་ནི་མོན་གྲེ་དང་། །དེ་བཞིན་ཁྲུམས་སྟོད་ཁྲུམས་སྨད་དང་། །ནམ་གྲུ་དང་ནི་ཐ་སྐར་དང་། །བྲ་ཉེ་སྟེ་ནི་བདུན་པ་ཡིན། །དེ་ལྟར་རྒྱུ་སྐར་བདུན་པོ་འདི་དག་ནི་བྱང་གི་ཕྱོགས་ན་གནས་པ་དག་སྟེ། །གང་དག
iiif viewer powered by OpenSeadragon
