| e-texts navigator |
| Wylie |
22b1 ཅད་ཀྱང་བླ་ན་མེད་པ་ཐེག་པ་ཆེན་པོའི་ཆོས་འདི་ཡོངས་སུ་ཀློག་པ་དང་། འདོན་པ་དང་། འཆང་བ་དང་། འཛིན་པ་དང་། ཡི་གེར་འདྲི་བ་དང་། ཀུན་དུ་སྤེལ་ཞིང་བསྐྱེད་པ་དང་། ཡོངས་སུ་འཚོ་བ་དང་། སྐྱོང་བའི་དམ་ཚིག་བཅས་ཏེ། ཕྱི་དྲོའི་དུས་ན་བཅོམ་ལྡན་འདས
22b2 གང་ན་བ་དེར་ལྷགས་ཏེ་བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་བྱས་ནས་གཡས་ཕྱོགས་ནས་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ། །དེ་ལྟར་ཉན་ཐོས་དང་། བྱང་ཆུབ་སེམས་དཔའ་དང་། ལྷ་དང་། མི་དང་། ཀླུ་དང་། གནོད་སྦྱིན་ལ
22b3 སོགས་པ་ཐམས་ཅད་འདུས་པར་གྱུར་ནས་སོ་སོ་ནས་བསྟི་སྟང་དང་། རིམ་གྲོའི་སེམས་བསྐྱེད་དེ། ཐལ་མོ་སྦྱར་ནས་རབ་ཏུ་འཛུམ་པའི་མིག་གིས་བཅོམ་ལྡན་འདས་ལ་བལྟ་ཞིང་ཅུང་ཟད་ཀྱང་མི་ཡེངས་པར་དམ་པའི་ཆོས་ཤིན་ཏུ་ཐོས་པར་སྨོན་ཏོ། །དེ་ནས་བཅོམ་ལྡན
22b4 འདས་ཕྱི་དྲོའི་དུས་ཀྱི་ཚེ་ཏིང་ངེ་འཛིན་ལས་བཞེངས་ནས་འཁོར་གྱི་དཀྱིལ་འཁོར་ལ་གཟིགས་ཏེ་ཚིགས་སུ་བཅད་པ་འདི་དག་གསུངས་སོ། །འཕགས་པ་གསེར་འོད་དམ་པའི་ཆོས། །མདོ་སྡེ་ཀུན་གྱི་རྒྱལ་པོ་འདི། །སངས་རྒྱས་ཀུན་གྱི་སྤྱོད་ཡུལ་ཏེ། །ཤིན་ཏུ་མཉན་ཅིང
22b5 ཐོས་པར་དཀའ། །ངས་དེང་དཀྱིལ་འཁོར་ཁྱེད་རྣམས་ལ། །དམ་པའི་མདོ་སྡེ་འདི་བསྟན་པས། །ཕྱོགས་བཞི་སངས་རྒྱས་རྣམས་ཀྱིས་ཀྱང་། །བྱིན་གྱི་རླབས་ཀྱིས་བརླབས་པར་འགྱུར། །ཤར་ཕྱོགས་སངས་རྒྱས་མི་འཁྲུགས་དང་། །ལྷོ་ཕྱོགས་སངས
22b6 རྒྱས་དཀོན་མཆོག་དཔལ། །ནུབ་ཕྱོགས་སངས་རྒྱས་སྣང་མཐའ་ཡས། །བྱང་ཕྱོགས་སངས་རྒྱས་རྔ་སྒྲ་སྐྱབས། །ངས་དེང་ཆོས་མཆོག་འདི་བསྟན་པས། །བཀྲ་ཤིས་འཆགས་པའི་དམ་པ་སྟེ། །སྡིག་པ་ཐམས་ཅད་གཞོམ་པའི་ཕྱིར། །སྡིག་པའི་ལས་ཀུན
22b7 ཟད་པར་འགྱུར། །སྡུག་བསྔལ་ཐམས་ཅད་འཇོམས་པར་བྱེད། །བདེ་བ་ཐམས་ཅད་སྦྱིན་བྱེད་ཅིང་། །ཡེ་ཤེས་རྩ་བ་ཀུན་མཁྱེན་དང་། །དཔལ་ཀུན་གྱིས་ཀྱང་བརྒྱན་པར་འགྱུར། །སེམས་ཅན་གང་དག་དབང་པོ་ཉམས། །དཔལ་མེད་པས་ནི་གང་ཟིན་ཅིང་། །ལྷ
iiif viewer powered by OpenSeadragon
