| e-texts navigator |
| Wylie |
19b1 @##། །རྒྱ་ཡི་སྐད་དུ། ཏཱ་ཤིན་ཀྱིན་ཀྭང་མྱའུ་ཙའི་ཤིན་ཝང་ཀྱིན། བོད་སྐད་དུ། འཕགས་པ་གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ་སྡེའི་རྒྱལ་པོ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ
19b2 ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཟབ་མོ་སངས་རྒྱས་ཐམས་ཅད་ཀྱི་སྤྱོད་ཡུལ་དེ་བཞིན་གཤེགས་པའི་གནས་ན་དགེ་སློང་ཆེན་པོའི་དགེ་འདུན་ཁྲི་ཕྲག་དགུ་ཁྲི་བརྒྱད་སྟོང་དང
19b3 ཐབས་ཅིག་ཏུ་བཞུགས་ཏེ། ཐམས་ཅད་ཀྱང་དགྲ་བཅོམ་པ་ཤ་སྟག་།གླང་པོ་ཆེའི་རྒྱལ་པོ་ལྟར་ཤིན་ཏུ་རྣམ་པར་བྱང་བ་ཤ་སྟག་།ཟག་པ་ཟད་པ་ཤ་སྟག་།ཉོན་མོངས་པ་མེད་པ་ཤ་སྟག་།སེམས་ཤིན་ཏུ་རྣམ་པར་གྲོལ་བ་ཤ་སྟག་།ཤེས་རབ་ཤིན་ཏུ་རྣམ་པར་གྲོལ་བ་ཤ་སྟག་།བྱ
19b4 བ་བྱས་པ་ཤ་སྟག་། ཁུར་བོར་བ་ཤ་སྟག་།བདག་གི་དོན་རབ་ཏུ་རྙེད་པ་ཤ་སྟག་།སྲིད་པའི་སྦྱོར་བ་ཡོངས་སུ་ཟད་པ་ཤ་སྟག་།དམ་པའི་དབང་མཆོག་ཐོབ་པ་ཤ་སྟག་།ཚུལ་ཁྲིམས་རྣམ་པར་དག་པ་ལ་གནས་པ་ཤ་སྟག་།ཐབས་དང་ཤེས་རབ་ཏུ་ལྡན་པར་མཁས་པའི་རྒྱན་གྱིས
19b5 བརྒྱན་པ་ཤ་སྟག་། རྣམ་པར་ཐར་པ་བརྒྱད་དང་ལྡན་པ་ཤ་སྟག་།ཕ་རོལ་དུ་ཡོངས་སུ་ཕྱིན་པ་ཤ་སྟག་སྟེ། དེ་དག་གི་མིང་ལ་འདི་ལྟ་སྟེ། ཚེ་དང་ལྡན་པ་ཀུན་ཤེས་ཀཽཎྜི་ནྱ་དང་། ཚེ་དང་ལྡན་པ་རྟ་ཐུལ་དང་། ཚེ་དང་ལྡན་པ་རླངས་པ་དང་། ཚེ་དང་ལྡན་པ་མིང་ཆེན་དང་། ཚེ་དང་ལྡན
19b6 པ་བཟང་པོ་དང་། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་ལྟེང་རྒྱས་འོད་སྲུང་དང་། ཚེ་དང་ལྡན་པ་ག་ཡཱ་འོད་སྲུང་དང་། ཚེ་དང་ལྡན་པ་ཆུ་བོ་འོད་སྲུང་དང་། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་དང་། དེ་ལ་གཅིག་མ་གཏོགས་པ
19b7 དེ་ནི་ཚེ་དང་ལྡན་པ་ཀུན་དགའ་བོ་སྟེ། དེ་ལ་སོགས་ཏེ་ཉན་ཐོས་ཀྱི་དགེ་འདུན་ཆེན་པོ་རྣམས་ཕྱི་དྲོའི་དུས་ན་སོ་སོའི་ཏིང་ངེ་འཛིན་ལས་ལངས་ནས་བཅོམ་ལྡན་འདས་གང་ན་པ་དེར་ལྷགས་ཏེ། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་བྱས་ནས། གཡས་ཕྱོགས་ནས་ལན
iiif viewer powered by OpenSeadragon
