| e-texts navigator |
| Wylie |
167b1 མཚན་ཉིད་ཀྱི་གཞིར་ཡང་མི་དམིགས། ཡོད་པ་དང་མེད་པར་ཡང་མི་དམིགས། གཅིག་པ་དང་ཐ་དད་པར་ཡང་མི་དམིགས། བགྲང་བར་ཡང་མི་དམིགས། བགྲང་བར་མི་བྱ་བར་ཡང་མི་དམིགས། སྣང་བ་དང་མུན་པར་ཡང་མི་དམིགས་པ་སྟེ། འདི་ལྟར་སྤྱོད་ཡུལ་རྣམ་པར་དག
167b2 པ་དང་། ཡེ་ཤེས་རྣམ་པར་དག་པ་དེ་དབྱེར་མེད་པ། བར་མཚམས་མེད་པ་འགོག་པ་དང་ལམ་གྱི་གཞིར་གྱུར་པ་སྟེ། དེའི་ཕྱིར་ན་ཆོས་ཀྱི་སྐུ་དེ་ནི་དེ་བཞིན་གཤེགས་པའི་མཛད་པ་སྣ་ཚོགས་མངོན་དུ་གྱུར་པའོ། །རིགས་ཀྱི་བུ་སྐུ་འདི་ནི་རྒྱུ་དང་རྐྱེན་དང་སྤྱོད་ཡུལ་དང་། གནས་དང་འབྲས
167b3 བུ་དག་གཞི་ཉིད་ལ་བརྟེན་པ་བསམ་གྱིས་མི་ཁྱབ་པ་སྟེ། དོན་དེ་མངོན་པར་ཤེས་ན། སྐུ་དེ་ཉིད་ཐེག་པ་ཆེན་པོའོ། །དེ་ཉིད་དེ་བཞིན་གཤེགས་པའི་ངོ་བོ་ཉིད་དོ། །དེ་བཞིན་གཤེགས་པའི་སྙིང་པོ་སྟེ། སྐུ་དེ་ལ་བརྟེན་ནས། སེམས་དང་པོ་སྐྱེད་པ་དང་། ས་ཡོངས་སུ་སྦྱངས་པའི་སེམས
167b4 མངོན་པར་འབྱུང་སྟེ། ས་ལས་ཕྱིར་མི་ལྡོག་པའི་སེམས་ཀྱང་མངོན་དུ་འགྱུར་བ་དང་། སྐྱེ་བ་གཅིག་གིས་ཐོགས་པ་ལ་གནས་པའི་སེམས་དང་། རྡོ་རྗེ་ལྟ་བུའི་ཏིང་ངེ་འཛིན་དང་། དེ་བཞིན་གཤེགས་པའི་དགོངས་པ་ཡང་མངོན་པར་འབྱུང་། དེ་བཞིན་གཤེགས་པའི་དམ་པའི་ཆོས་ཚད་མེད
167b5 གྲངས་མེད་པ་ཐམས་ཅད་ཀྱང་མངོན་དུ་འབྱུང་བར་འགྱུར་རོ། །ཆོས་ཀྱི་སྐུ་ལ་བརྟེན་ནས་བསམ་གྱིས་མི་ཁྱབ་པའི་ཏིང་ངེ་འཛིན་ཆེན་པོ་ཡང་མངོན་དུ་འབྱུང་བར་འགྱུར་རོ། །ཆོས་ཀྱི་སྐུ་འདི་ལ་བརྟེན་ནས་ཡེ་ཤེས་ཆེན་པོ་ཐམས་ཅད་ཀྱང་སྣང་བར་འགྱུར་རོ། །དེ་ལྟ་བས་ན་སྐུ་གཉིས་ནི་ཏིང་ངེ་འཛིན
167b6 དང་ཡེ་ཤེས་ལ་བརྟེན་ནས་འབྱུང་བར་འགྱུར་རོ། །ཆོས་ཀྱི་སྐུ་འདི་ནི་རང་གི་ངོ་བོ་ཉིད་ལ་བརྟེན་པས་རྟག་པ་ཞེས་བྱའོ། །བདག་ཅེས་བྱའོ། །ཏིང་ངེ་འཛིན་ཆེན་པོ་ལ་བརྟེན་པས་ན་བདེ་བ་ཞེས་བྱའོ། །ཡེ་ཤེས་ཆེན་པོ་ལ་བརྟེན་པས་ན་རྣམ་པར་དག་པ་ཞེས་བྱ་སྟེ། དེའི་ཕྱིར་དེ་བཞིན་གཤེགས
167b7 པ་རྟག་པར་བདེ་བ་དང་། རྣམ་པར་དག་པ་ལ་མངའ་བརྙེས་ཤིང་བཞུགས་པའོ། །ཏིང་ངེ་འཛིན་ཆེན་པོ་ལ་བརྟེན་ནས། དཔའ་བར་འགྲོ་བའི་ཏིང་ངེ་འཛིན་ལ་སོགས་པའི་ཏིང་ངེ་འཛིན་ཐམས་ཅད་དང་། ཆོས་དྲན་པ་ཉེ་བར་གཞག་པ་ལ་སོགས་པ། དྲན་པ་ཉེ་བར་གཞག་པ་ཐམས
iiif viewer powered by OpenSeadragon
