| e-texts navigator |
| Wylie |
166a1 ལ་བརྟེན་ནས། སངས་རྒྱས་བཅོམ་ལྡན་འདས་རྣམས་མི་གནས་པའི་མྱ་ངན་ལས་འདས་པ་ལ་གནས་པ་ཞེས་བཤད་དོ། །སྐུ་གཉིས་ལ་ནི་མྱ་ངན་ལས་འདས་པ་ཞེས་མི་གསུང་སྟེ། ཆོས་ཀྱི་སྐུ་ལས་གཞན་པའི་སངས་རྒྱས་མེད་པའི་ཕྱིར་རོ། །ཅིའི་ཕྱིར་སྐུ་གཉིས
166a2 པོ་ལ་མྱ་ངན་ལས་འདས་པ་ཞེས་མི་བྱ་ཞེ་ན། སྐུ་དེ་གཉིས་ནི་ཡང་དག་པ་མ་ཡིན་པ་བཏགས་པ་ཙམ་པས། སྐད་ཅིག་ཏུ་སྐྱེ་ཞིང་འགག་པ་རྟག་པར་མི་གནས་པ་དང་། ཡང་དང་ཡང་དུ་འབྱུང་བས་མ་ངེས་པ་ལྟར་ཆོས་ཀྱི་སྐུ་ནི་དེ་ལྟ་མ་ཡིན་ནོ།། །།བམ་པོ་གཉིས་པ། །དེའི
166a3 ཕྱིར་སྐུ་དེ་གཉིས་ནི་མྱ་ངན་ལས་འདས་པ་ཞེས་མི་བྱའོ། །ཆོས་ཀྱི་སྐུ་ཡང་དེ་དང་མི་གཉིས་པའི་ཕྱིར་མྱ་ངན་ལས་འདས་པ་ལ་གནས་པ་མ་ཡིན་པས། སྐུ་དེ་གསུམ་ལ་བརྟེན་ཏེ། མི་གནས་པའི་ཕྱིར་མྱ་ངན་ལས་འདས་པ་ཞེས་གསུང་ངོ་། །རིགས་ཀྱི་བུ་དེ་ལ་བྱིས་པ་སོ་སོའི་སྐྱེ་བོ
166a4 རྣམས་ནི་མཚན་ཉིད་གསུམ་གྱི་ཕྱིར་འཆིང་བ་དང་། སྒྲིབ་པ་ཡོད་པས་སྐུ་གསུམ་ལས་རིང་དུ་གྱུར་ཏོ། །གསུམ་གང་ཞེ་ན། ཀུན་བརྟགས་པའི་མཚན་ཉིད་དང་། གཞན་གྱི་དབང་གི་མཚན་ཉིད་དང་། ཡོངས་སུ་གྲུབ་པའི་མཚན་ཉིད་དོ། །མཚན་ཉིད་དེ་རྣམས་ཤེས་པ་དང་།
166a5 འགོག་པ་དང་། དག་པར་མ་གྱུར་པ་དེའི་ཕྱིར་སྐུ་གསུམ་མ་ཐོབ་བོ། །དེ་ལྟ་བུའི་མཚན་ཉིད་གསུམ་ཤེས་པ་དང་། འགོག་པ་དང་རྣམ་པར་བྱང་བར་གྱུར་པས། སངས་རྒྱས་བཅོམ་ལྡན་འདས་རྣམས་སྐུ་གསུམ་ཡོངས་སུ་རྫོགས་པར་གྱུར་ཏོ། །རིགས་ཀྱི་བུ་བྱིས་པ་སོ་སོའི་སྐྱེ་བོ
166a6 རྣམས་ཀྱིས། རྣམ་པར་ཤེས་པ་གསུམ་མ་སྤངས་པའི་ཕྱིར་སྐུ་གསུམ་ལས་རིང་དུ་གྱུར་ཏོ། །གསུམ་གང་ཞེ་ན། དངོས་པོ་ལ་འཇུག་པའི་རྣམ་པར་ཤེས་པ་དང་། ཀུན་གཞི་ལ་གནས་པའི་ཡིད་དང་། ཀུན་གཞི་རྣམ་པར་ཤེས་པའོ། །ལམ་སྦྱོང་བ་དག་ལ་གནས་པས་འཇུག་པའི
166a7 རྣམ་པར་ཤེས་པ་སྦྱོང་ངོ་། །གཅོད་པའི་ལམ་ལ་གནས་པས། ཀུན་གཞི་ལ་གནས་པའི་ཡིད་སྦྱོང་ངོ་། །མཆོག་ཏུ་རྒྱལ་བའི་ལམ་ལ་གནས་པས། ཀུན་གཞིའི་རྣམ་པར་ཤེས་པ་སྦྱངས་སོ། །འཇུག་པའི་རྣམ་པར་ཤེས་པ་སྦྱངས་ན། སྤྲུལ་པའི་སྐུ་མངོན་དུ་འགྱུར་རོ། །ཀུན་གཞི
iiif viewer powered by OpenSeadragon
